2011/05/14

[港劇]《洪武三十二》5~完場吐糟區

傲千戶:bobo你笑乜?
bobo:笑套劇終於播完囉…

*******************************************
雖然小的睇得莫名興奮,仲越追越欲罷不能,連街都唔想去(啦啦啦,我肯出嚟食飯的話就證明你妳您係我朋友啦﹗哈哈哈哈),但真心講,唔ok的地方都幾多的:

  • 慳皮到丫﹗啲打仗場面真係笑爆咀,無論係京師、北平、濟南定邊度都好,都係那個城門…好爆…跟住啲兵戎相見的場面又頹,我估啲臨記人數仲少過古版《神鵰》最尾一集打大汗…不如全部戰役都用旁白交代就算啦…
  • 還好都仲有錢整兩隻馬俾啲將軍騎吓…唔係真係笑爆咀…
  • 我唔明點解燕王一路由北平向南打…典解劇情話一路步步進逼,但佢又得閒喺王府同楚楚卿卿我我…仲每集都要將佢當成千三娘要咀一咀佢…囧﹗
  • 第15,6集燕王(sm掀起了一個高潮﹗)走佬返北平後日日喺王府行行企企食飯兩味,拖拉到唔恨,反正無筆直,不如cut咁5集戲啦…上一個星期睇到瞓著咁濟…
  • 其實頭幾集阿太祖皇帝駕崩時我就想講,有乜理由一個皇帝既大喪會咁hea得十幾廿人著晒喪服就算…
  • 等到2x集終於皇上同燕王開火…哈﹗呀燕王呢頭攻完濟南不成,嗰頭返北平嘆世界…嘩﹗雖則話古代版圖同家陣應該唔同…不過都應該差唔遠丫…濟南同北京隔了天津架喎﹗(sorry,小的對祖國地理認識很差…哈哈哈…),而家搭車都怕且要幾個鐘…古代應該都要走幾日路掛?
  • 即是說小的以為燕軍大破明軍會好睇番的時候…哈﹗尾先嚟是是但但喎…求其幾條片啲士兵打嚟打去就算,今日的大結局真係無敵反高潮…
  • 呀,我又想問,阿燕王整色整水就係唔想俾人話佢係反賊,想自己疑似名正言順的坐皇位,但燕王人又會稱朝廷那邊的軍隊做明軍既,咁咪approve了自己係反賊?
  • 我繼續都係想問點解永暘公主個名係叫永暘,呢個唔係應該係封號?唔係應該叫番朱櫻嗎?(睇維基先知…無呢個公主喎﹗)
  • 大結局最尾阿傲笑風跳入皇宮救皇上…那一吓「跳入」我真係笑咗…粵語殘片嗎?
  • 雖然阿laughing哥保養尚算得宜…但我真係接受唔到佢同王君馨係青梅竹馬囉…打個折當laughing哥三十幾歲,王小姐好難似三字啫?
  • 講起laughing哥,電影《laughing gor之變節》而家已經講天華哥係double臥底,而家古裝片都要double臥底一番…無記也真愛玩臥底呢條橋呀﹗(下一檔《點解阿sir係阿sir》都玩緊呀…好悶呀…)
  • 大結局先發現原來陳山lone個角色和江若琳係一樣年紀架…都唔知係個男既偷笑定個女既喊好呢…使唔使攪到啲男既後生咁多呀?(咁山lone哥係keep得ok既…)…跟住問題就嚟,古代唔係應該女仔細細個就嫁咩…典解皇上未做皇帝已經結了婚,但同佢同年紀既公主仲可以周圍hea既呢?

呀…我係咪又認真咗?
*******************************************
well,呢套片的樂趣就正在其天馬行空,先唔好理佢將歷史亂咁炒埋一碟(咁《倚天屠龍記》都係based on歷史再作一番架啦﹗),實在當佢係一部古裝《學警》咁睇係相當有樂趣的,色情事業、秘密警察、無頭谷、bl、sm乜都齊,唔得你死,真係好耐無睇過一套劇竟然可以男女老幼集集都除一除衫,跟住又勁血腥(第29集傲笑風自砍隻手真係好驚訝…嚇死人啊…可惜呢個twist帶唔起個頹到暈的結局啦…btw,江若琳最後幾集講佢嫁人要成熟穩重後,唔chok聲後表現好咗好多囉﹗) ,都可算喺無記一眾c9劇當中殺出一片很大的niche market(於是吸引到我睇…雖然我覺得結局是爛咗尾…)

話時話,既然都疑似古裝《學警》,不如就咪鬼攪歷史野啦,畫虎不成反類犬,而且無記又無筆直去祖國大地取景,不如索性集中中前段啲查案野,幾好睇喎真係﹗講真架,燕王走佬返北平後好睇度就直線下降啦﹗

最後…um…bobo辛苦你了,谷住谷住,唔怪得劇入面啲有口難言場面表情咁到位啦。

yeah,追完,夜晚終於唔使趕住830返屋企了。以上。
*******************************************
《洪武》發癲實錄:

[港劇]洪…洪…《洪武三十二》…

[港劇]再講《洪武三十二》…

[港劇]《洪武三十二》…除…

[港劇]《洪武三十二》4~貼圖篇

[港劇]《洪武三十二》5~完場吐糟區

唔好意思我笑咗…

12 則留言:

  1. 香港劇集真係好垃圾,搵唔到地方都冇理由搵唔夠臨記law....

    而家連韓劇的規模都勁過佢,莫講話美劇日劇了

    13th May 2011 23:38 PM

    回覆刪除
    回覆
    1. 高登巴打發現了朝延50萬大兵陣忙那個畫面係PS COPY & PASTE…太爆笑了…
      其實無記一路都係無筆直喺製作方面,真係出外取景既少之有少,但以前勝在有劇本和演員搭夠,當呢兩方面都唔掂時…咪…哈﹗哈﹗哈﹗囉…
      呢水我試著看看國劇,美劇我好少睇,日劇啲故事都好千篇一律了,開始無乜新意,不過人和製作還是很有水準既…umum

      20th May 2011 12:13 PM

      刪除
  2. 呢套野都係好唔掂架喇, 連最後一集馬三保同傲笑風打, 都只係得一條友同佢隻秋, 大佬!你有心捉人呀,好心就帶幾多條友啦!你咁做咁擺到明玩野!

    打果時又扮港漫玩風位,想點? 三保哥哥打親交又玩雜技打關斗, 傲笑風先勁, 佢簡直係LAUNGING哥既前世, 大家都叫「笑」,臥臥底又要係古裝度玩多次, 你想我唔諗佢係古裝學警都唔得啦! 製作人!

    真係以前無記D劇好睇, 不過都係以前既事喇, 近來都係網上睇下「誓不低頭」「龍兄鼠弟」「大時代」的評論, 以前無記D劇正在唔係師奶劇, D恩怨情仇都唔係爭家產咁大把, 而家?咪下下講爭家產, 佢仲識密?

    http://ladyfirst.hkreporter.com/colum.php?detail_id=494

    最近睇左呢篇文章, 講韋家輝有份製作的「誓不低頭」同「大時代」, 都估唔到, 其實謝文武同丁蟹, 雖然一忠一奸, 但卻係互為表裡的人, 佢地都係為左自己理念/信念, 而害左身邊的人, 呢篇文真係值得睇, 諗唔到, 睇劇都咁有哲理。

    14th May 2011 23:48 PM

    回覆刪除
    回覆
    1. 雖然《洪武》有很多短處,起碼佢夠膽將無間道+學警+歷史,炒埋一碟雖然不完美,喺一眾公式劇中既一股新嘗試,推呢部劇出街擺明跟收視過唔去…但又真係夠膽死推出嚟喎,要俾個like佢啦﹗我懷疑無記係咪想test water試打入網民界市場﹗(XDDDD)
      其實無記唔會唔知自己出品有乜問題,我都唔REPEAT了,只是而家個情形好難同以前比,以前無咁多娛樂活動,一家大細都睇電視,個MARKET大自然可以容納/試多啲唔通既野,就算出啲實驗性濃既劇集,觀眾年齡層廣的話都唔怕流失太多。但而家唔同啦,年青一輩有幾多肯坐定定追劇丫?而網上MYTV又GENERATE到幾多INCOME,咪又係靠廣告,而且無記又要養住咁多藝人,佢經唔起流失而家啲主要觀眾群呢…咪只有保險啲,拍嚟拍去都係嗰啲劇…
      我咁熱追《洪武》,多多少少都係欣賞台前幕後那股「冒險精神」…雖然出嚟最終係收視不甚了了…篤…

      20th May 2011 12:21 PM

      刪除
  3. 你唔講我都唔知王君馨係後生,仲係港姐亞軍,我以為佢同胡定欣差不多添。

    15th May 2011 01:36 AM

    回覆刪除
    回覆
    1. 王君馨廿中咋,細胡定欣幾年…
      而家睇番《衝上雲SIU》先知胡定欣原來做咗咁耐,真係唔講唔覺﹗

      20th May 2011 12:22 PM |

      刪除
  4. 呢套戲﹐好睇到呢...
    同係陳健lone﹐套美人心計齋場景/服裝已經贏十個馬位﹐都未計歷史考證啦(雖然都有甩漏)
    無線都係唔好拍古裝啦﹐好唔掂呀~~

    17th May 2011 05:57 AM

    回覆刪除
    回覆
    1. 《美人心計》戲服和場景都好認真,不得不寫個服未的﹗
      只係計朝代的話我唔太鐘意漢朝的衣飾咁解~
      呢套劇都算係一新我對國劇的印象,以前睇《三國》、《康熙大帝》呀咁,感覺都係黑沉沉,集數多又長又沉的,《美人》可能主線唔係歷史劇,所以無咁死唔斷氣,節奏也夠明快,睇落都好舒服的…
      無記咪繼續拍爭產戲囉…

      20th May 2011 12:25 PM

      刪除
  5. 點解楚楚會做左王妃的?佢唔係laughing既一夜情人咩?睇片尾曲個mv我一路都以為佢地會一齊添。定係我又有野睇漏左?

    17th May 2011 12:59 PM

    回覆刪除
    回覆
    1. 我都一路以為楚楚會同傲千戶一齊…
      話說楚楚俾燕王對千三的癡情感動咗,佢重遇番傲笑風之後就同佢講有一夜情那個係千三唔係佢,佢自己就留番喺燕王身邊咁囉…
      個尾收得好頹…睇漏都無所謂啦…

      20th May 2011 12:27 PM

      刪除
  6. 我以為套劇會有周末兩小時結局添...攪到我失哂預算,係餐廳睇左半集咋。不過又真係冇咩mood去睇返囉。
    楚楚呢個角色感覺上好雞肋...又冇乜性格,個髮型又普通...如果唔係因為內疚我諗燕王唔會收貨囉...
    似乎之後既古裝宮廷片得"萬凰之王",但我又非常討厭宣萱,難道真係要睇國劇?

    20th May 2011 20:29 PM

    回覆刪除
    回覆
    1. 無啦,結局最高都唔過30點,點會有得星期六兩集…可能劇組都唔睇好,廢事剪呢…哈哈哈…
      其實個結局真係淡而無味,唔睇都無損失,係有啲可惜個頭開得咁好,結局竟然咁HEA,反正套劇咁鐘意查案,不如結局整個建文帝下落之迷,成祖叫三保出海征查咁啦…(雖然都明知唔會有第二輯咁…)
      本來最尾一場三保和傲千戶對打都算係少少亮點,可惜轉個頭就完了(都算和第一集三保刧走藍玉後人而同傲千戶大打出手來了個首尾呼應)…唉…其實最尾10集都係悶既多…越睇越失望呢…
      《萬鳳》個卡士好唔吸引,陳生沒太大興趣,宣萱也沒太多,胡囧是0興趣…同埋我好怕無記啲宮廷劇成日只為鬥而鬥,完全無心理描述的,落得好空泛好表面…自《金枝》之後套套鬥來鬥去的劇都係得啖笑…又睇吓《萬鳳》得唔得囉咁…我都會睇一兩集研究吓佢乜頭乜路先既…

      23rd May 2011 13:15 PM

      刪除

要講幾句嗎?﹗XD