2010/08/25

公事上最討厭的說話…

(我又貼歌了…哈)

工作上,我最討厭聽到的一句是:你就開心啦,又去玩啦﹗

***********************************************
先來一個前言。

發這篇文的原因,是晚上聽收音機時聽到一位領隊打上電台講到菲律賓港人被脅持事件,她說事件中遇事身亡的領隊好像沒啥人提起,轉而講到做領隊的難處…講著著,她說最怕人跟她說「你就開心啦,又去玩啦﹗」…即係呢,帶住一團人時呢班人身家性命都在你手,壓力之大可以想像,然後有乜事自己又要身先士卒,即係 呢…又有幾開心有幾係玩呢…

聽著聽著,喂,我都成日聽到這句喎﹗

***********************************************

小的經常參與攪活動,吃喝玩樂大人細路都有(也實在是擴闊了我的視野…),聽上來很開心吧?邊工作邊玩埋一份。然而我是很討厭人家對我說「喂,你就開心啦,又有得去玩啦」咁。seriously,超憎。

係,個活動本身可能好好玩,有得飲有得食,但當我係攪手時就唔同講法,要讓客人玩得開心食得盡情,事前可要花很多腦細胞去策劃,到活動時要面對不同突發情況, 就算事前做了幾多手準備,臨場又可能有一萬個可能,每每發生了亂子自己就要跑出去跟各單位交涉,為既就係希望客人雅興不致被亂子打擾了。其實每次活動當中 小的都不怎樣enjoy,因為怕有亂子又怕事前準備得不好做少了甚麼,中一個甚麼大招的…。有時活動前一晚甚至睡不好,眼光光等天光的說…

其實為既就係客人玩得開心,到完場後佢地簡單一句「唔該晒你」,疲累不堪的身軀登時恢復元氣了…辛辛苦苦就係為客人笑住走囉。

一句「你就開心啦」兩句「又有得玩啦」很刺耳的。好像把我所有努力都抹煞了,因為我不是天才,不懂打天才波,所以每次工作都係要落手落腳做下過苦功,絕不是去玩架囉。
***********************************************

開首貼的《New Order》,如果選本人心水醫神十大的話係必定入選之作。由讀書聽到做野,我覺得啲歌詞係講我囉﹗公事上很多東東人家不理解,又或者對著遊走於有理/無理要求既偉大客人時,就笑住去解柝佢地算囉,總之我完成我應該做的…那就對得住天對得住人吧?﹗um,人生係應該有多啲正能量既。

我這六年 一天一天 聽酒客 自語自言
怨氣震天 即使我 越聽越厭
卻要笑著 前來逐一敷衍 隨和像我 也真的少見

我覺得呢段係講緊我﹗真架﹗人生係應該滿希望,打份工但求賺錢養生活,然後再去追尋吓自己夢想咁;工作上係常要對住啲乞人憎既人和事,不過還是試著看開點…隨和像我也真的少見啊﹗哈。雖然比起花店,我會比較想開書店XDDDDD。

又講開又講,唔睇唔知,原來《Last Order》和《New Order 》由夕爺和Y文賦詞,New係酒保自白,Last係酒客對酒保講野,好正﹗同埋,原來我無乜聽到《黑白灰》隻碟,難怪我腦中從來只有酒保自白《New Order》…啲歌詞係我好一大水既ICQ INFO耶﹗

另一篇:今天只做一件事~陳奕迅《H3M》+醫生10首

***********************************************

點都好,事情唔發生都發生咗,唯有抱住希望明天會更好,不要讓死咗既人走得唔安樂。

同埋,其實香港真係福地,起碼喺呢度,生命係受到尊重架囉。

8 則留言:

  1. 同感!

    好似我去日本出差咁, 個個淨係識話:"你就好啦, 又去日本玩"...大佬, 你估唔使做咩...去親日本, 比去其他地方仲要做多份翻譯, 雖然可以當練習會話, 但這也只是我positive thinking, 不代表真的那麼過癮ga wor...

    又好似d sales成日聽到我話要出trip, 淨係一味識reply話:"aiya, 好好呀, 可以周圍飛"...我心諗"畀你星期五晚十一點落機, 星期日朝早又上機, 好好咩?", 去泰國玩就話好jei, 如果三個月畀你去三次, 仲有咩好玩wor...

    總之, 出外工作和旅行是兩回事...旅行是開心事, 但公事就是公事, 不會好好玩的...

    25th Aug 2010 08:42 AM

    回覆刪除
    回覆
    1. 作為一個對工作有責任感的人呢,就算係幾hea幾relax幾輕鬆既任務,心情點都有啲凝重的,我個人又怕中招,一路都會好緊張,到差唔多埋尾時先笑得出,真係唔係玩架囉…最多都係plan吓完咗公司後去邊度玩吓咁,但出發個心情一定唔會輕鬆囉…
      子非魚,安知魚之樂呀,所以我好憎啲人語帶不屑咁話…你呀好啦…可以去玩啦…咁,你知唔知我唔係去旅行架而家…

      19th Oct 2010 10:37 AM

      刪除
  2. 你要試下放鬆一點,工作雖辛苦,也要苦中作樂,輕鬆做的效果可能更好;而且你緊張,客人也會感覺到的。

    25th Aug 2010 20:54 PM |

    回覆刪除
    回覆
    1. 試緊架啦,事前儘量做足準備咁,過程當中我最多都係板起口面啫…哈。咁我係工作人員嘛,一副認真的面口都好正常啫,如果全程嘻嘻哈哈的客人可能仲驚啊…

      19th Oct 2010 12:48 PM

      刪除
  3. 絕對同意公事是不會好玩的!!
    出差日本才辛苦,最少也要喝2ROUND,
    再假來假去。我寧願自己吃飯...

    26th Aug 2010 00:19 AM

    回覆刪除
    回覆
    1. 工作同玩都係分開好,工作未完成始終會心掛掛…

      19th Oct 2010 12:54 PM

      刪除
  4. 黑白灰呢隻真係搵黎聽下啦,我堅覺得醫生國語碟最正係佢

    26th Aug 2010 00:10 AM

    回覆刪除
    回覆
    1. 《黑白灰》係咪仲有《我們都寂寞》?
      我鐘意《這就是我》,有《愛是懷疑》那隻…好好un…
      不過我最鐘意都係好遠古既《醞釀》…我是華星年代人…

      19th Oct 2010 12:52 PM |

      刪除

要講幾句嗎?﹗XD