大冗者勛章

特區的「大紫荊勛章」小的也許沒機會拿的了，作為一個小小二打六，小的還是以二打六的極致，打工仔的最大目標：冗者~進發，誓要拎到冗員的最高榮譽「大冗者勛章」﹗﹗﹗

1. 永遠都在忙，但旁人永遠都唔知佢忙乜。
2. 知咗，都無用。
3. 公事需要在老闆面前做，佢行開咗，做俾邊個睇？
4. 只有直屬老闆能使得郁冗者。但冗者執唔執行主動權在冗者身上。
5. 《難為了新抱》的新抱，永遠有千斤重的重擔，終日la埋的口臉令人家不好意思再百上加斤，自己的事都係自己做吧。
6. 冗者永遠有比急件更急的急事要優先處理：包括約腳食飯、做facial、傾公事以外的公事…
7. 冗者和IT的同事永遠保持最良好的關係。網路有啥問題佢通常係第一個打俾IT問個究竟…aka…點和男友談情呀而家﹗
8. 冗者永遠有方法突破公司的防火牆用IM的，IT佬，你算把啦﹗人家男友可能係黑客…orz…
9. 冗者的電腦技巧最強當然是打字(MSN時…)，最弱也是打字(文件上的typo…)…
10. 良好filing system。不是今天的事就file埋pat埋一邊，第時先做。
11. 工作案頭永遠整潔…aka…沒有冗者協助，旁人不能容易找到所需/沉淪中的文件…aka…這就是冗者之價值
12. 冗者是天文學家，黑洞研究高手。佢可以從千萬光年的黑洞搵番星之碎件出來，不過通常都係未經處理，就閣下自理啦…
13. 冗者也是美食家，邊大叫好肥時邊不停開零食…
14. 第時變成今天，就再第時先做，反正冗員生涯明日復明日，明日何其多，今日要打波，何不mimi麼…
15. 有人追殺，要先發制人，人家說一句必須回應100句為何今天不能/應/該/可完成，明天再續吧。
16. 或瞪大明亮的雙眼，用柔情似水的聲線輕聲道：你沒有告訴我啊﹗/你怎麼不告訴我呀﹗|aka：你唔講我點知呢﹗耶~~~~~~
17. 或提供helpful的建議：曲線提議你自己做番，比起拜託忙碌的冗者，閣下一定能更快達成目的。
18. 乜野都唔知，不提供search engine服務，也不提供來電轉駁服務。
19. 電話線路繁忙，有需要可以打俾隔離位個同事，讓佢傳達番俾冗者。
20. 慢工出爛貨，此乃古人的智慧：明日復明日嘛，點解要咁快就完呢？今日完成一部份，聽日完成埋另一部份，後天check，大後天print出來，大大後天再check。需時大概係一星期。
21. 冗者不是大x樂，不需要做足100分的。請下手再執漏，這不是冗者負責範圍。
22. 冗者的飲歌是kwong美人的《再坐(文件)一會》…但願能再坐一會…

如閣下身邊有達到以上條件之冗者，請於2009年2月29日(星期八)前來宇宙黑洞777號國際冗者協會提交申請，遲交不受理，早交不keep起。以上。

申請表可於www.YUNGJE.com下載。但，無人擔保世上有這個網站。又，也無人擔保這裡有文件下載。更，無人擔保有人回應你…

假如我是冗員 (都話成為冗員係我既夢想…啦啦啦~~~)