2008/07/09

[日劇]《Code Blue》和《魔王》1集後感

夏季日劇首先出街是這兩部(其實還有套由套豐哥主演的…),本來打算播畢才一次過看的,但上次《Last Friends》被穿橋後看得極不過癮,所以這回被人穿不如自己穿好了。

(謎之聲:不就是你自己忍不到好奇跑去看了嗎?)

下文只提劇情大綱,盡量不觸太多雷,我也不喜人家穿我橋嘛!
  
Code Blue(コード・ブルードクターヘリ緊急救命-)
感覺這套是青春版《急救病棟24小時》,山P+新垣+戶田(對不起位見習生主角第位我係唔識的﹗哈哈),呢個卡士再加醫療劇好難無興趣睇。你知啦,日劇以一個工作為主題的話,係
會真係將之作為骨幹,唔會好似無記般頭幾集講工作之後就全程談情說愛三角戀…。

今回是以直升機醫療團隊為主,聽起來都很新鮮(實在在日本都係上年先開始)。以直升機趕到現場和送傷者到醫院都比救護車快得多,著實也有其急切性的,只是我會疑惑有咁多地方可以停直升機嗎?(講故駁故了…)初聽故事大綱覺得頗有伊麵套《隨時候命》的感覺,只是伊麵那套絕對是爛尾﹗Typical無記紀律部隊劇。

頭一集《Code》蠻像《急救病棟》,講四個直升機醫生見習生工作第一天情況。雖說題材新鮮,不過故事描述手法很大路,都係typical菜鳥方程式:新米以為自己很勁,滿腔熱誠,誰不知臨場發揮時遇到挫折,經前輩或不相幹的人(不相幹的人往往才有最多道理講…)點醒,頓時明白工作的意義,又奮起面對,終於成功完成任命咁上下。

四個主角最搶無疑係P,首先係佢終於轉咗萬年長直遮住半邊眼頭髮(轉髮色唔計﹗),但點解要電呢?我有點驚拍到中後段頭髮長了會變頭罩,很得人驚…orz…。咁另外佢個角色係個冷靜既天才醫師,酷爆的,很殺。粉絲一定死於其手術刀之下,非粉都應該中招度很高。(咁本人當然係前者…orz…)。

新垣角色類近,不過就因為背負承繼家族醫院使命而壓力很大,紙上談兵一流但臨場卻腦袋空白一片,壓力既野…內心戲會有很多吧?感覺她沒有之前的劇(其實《戀空》我都覺有點)遊雲,不過內心戲她還需努力點囉…。我估她的角色會是山P的最大競爭者,同時又互相扶持,二人角色都強但同時有很大的缺點,又剛好互相補足到喎…


戶田惠梨香和另一個男生淺利陽介相對實力較遜,不過日劇既野最鐘意講「天生我才必有用」,一方面能力稍弱總會在另一方面強,一開始不太耀眼,也許之後會有劇情集中在他們身上吧。(回帶:我是頗喜歡戶田小妹妹的,佢笑時幾分似周海媚的…)

菜鳥青春成長物語…咁上下吧?﹗


 魔王(官網這幅圖有少許令人不安耶…)


又係J系﹗

本來沒打算看這個的,大野智和生田斗真都不屬本人中招項目(31/1/12後按:不過睇完呢套就徹底地中了斗真同學毒囉…),而且韓劇…不是本人杯茶。只是某日唔覺意睇到人家的博介紹,咦,個故事係律師和刑警之間 復仇+殺人故事,咦,呢款神神秘秘有點懸疑又有點偵探查案感覺的劇,本人又有點興趣喎,睇完…死囉,比看樓上那套更投入(又曰:滿足感更高…)。

故仔就唔多講,再講就爆劇情的了,但呢個你追我逐的遊戲真係幾刺激的,本人唔忍得知咗個頭唔知個尾,一定會追落去就是了。

大野智來自組合,話實呢隊野歌我就麻麻,戲我就幾喜歡睇二宮和也,大野先生出道時(佢jr時做過乜節目呢?我真係唔知…orz…)我一直覺得他很似張佳佳(粉絲不要打我啊…),所以對佢有點印象。據博友文載他沒怎樣參演連續劇,今回(也許)是首次演主役的說。實在他樣子有點男生女相,這回演個像天使般慈祥的律師都ok喎,溫柔嘛個樣。除了和藹地笑(只佔20%左右劇情),大部份時間他都是陰陰沉沉的,板起臉又真係幾恐怖的,總覺他滿腹詭計,很邪派的感覺。好些角度,我覺得他蠻像堂本光一的…(都說不要打我架啦﹗讚架﹗)

生田斗真,我沒看《花樣少男少女》,倒是見很多博友激讚他的忘我演出(睇完《魔王》我有點想看就是了…中招第一步?)。《魔》他是演有沉重往事的刑警,心魔這回事大有文章可造了,內心戲也很多,又要陽光地熱血,又要沉鬱抑壓過去回憶,是個演技考驗呢,第一集觀乎都不錯啊…(當然是劇情推動令人不自覺投入了…)

話時話,生田和山P jr時代是好朋友,然而和生田同期的jr仔出道的都出道了,唔知會唔會真係如博友們所言,若這套劇能有相當回響,生田能成功出道呢?﹗(14/2/13後按:已經出了…原來…)

PS.二宮在第一集有短短的客串的說。呵~

後記:[日劇]懸疑復仇悲情片@《魔王》
[日劇]日韓《魔王》比比比﹗
我最喜愛的十套日劇
*********************************************
除了以上兩套,這季暫時我有興趣看的還有:

康子與健兒》<<廣末涼子啊﹗
《Tomorrow》<<豐哥啊﹗(又係醫生劇﹗)
33分鐘探》<<堂本剛啊﹗
********************************************* 
詳盡夏季劇介紹:
FISH:夏日涼風
子大:2008 年第三季日劇期待篇

16 則留言:

  1. 又浮上面喇~哈XD
    冰大講o個2套我都有睇
    睇"Code Blue"o個陣覺得山P演技進步左
    可能角色問題掛 冇之前求婚咁耍帥(逃)同內斂左
    依家嚴重懷疑自己睇完呢套之後會破功變成飯...
    (之前睇佢D戲完全殺我唔到架嘛..XD)
    至於冰大對大野智1d疑問 我可以幫下手gei XD
    大野智jr.o個陣主打舞台劇 少參與電視gei錄影
    即使出道後亦係主攻舞台劇 每年都keep住會有舞台劇做
    相對其他成員黎講 佢係比較靜gei 1位
    呢次無錯係佢第1次主演劇集
    同埋冰大你講岩左
    岩岩出道gei大野有俾人話過似光王架!!XD
    [嵐o係夏威夷出道o個陣仲有記者gei評語係:"點解搵班1個似光一(大野),1個似剛(櫻井)gei出道架?"]
    而光王自己都講過話大野可以做佢gei接班人XD(不過o個陣大野仲有jr.)XDDD
    我覺得佢地個鼻同眼型都有d似
    不過你講起佢似張佳佳
    哈哈哈 真係唔講唔覺 講左好鬼覺XDDDD(速逃)
    但睇o個陣(我嘗試唔用飯gei視角去睇 XD)都真係覺得佢好用心去演
    眼神轉變得好快 1時溫柔 1時奸狡 更可怕係有d笑裡藏刀(案件重演o個度真係睇到好心寒)....感覺係完全變成另1個人 平時佢邊係咁架XDDDDDD
    至於toma....佢同期gei好多何只出道 紅都紅左好耐lo
    山P,松潤,二宮,相葉,TAKKI呢D都係差唔多時期做jr架
    依家個個都1早擔大旗
    仲有d遲詔佢9年入社o個d都出左道..
    佢gei遭遇只可以講喜多川先生揀人係隨心多
    不過佢都離出道不遠喇
    係差1個機會姐
    之前花君(日版花樣少男少女)都谷起左少少
    多d人識左lo
    如果佢可以用演技o係呢套劇到做到口碑就好大機會喇

    9th Jul 2008 15:25 PM

    回覆刪除
    回覆

    1. 哈,浮上呢講吓johnny仔啦~~~
      我直接回,不引你的原文啦…
      山p個角色我覺得有點似《龍櫻》或《欺詐擸人》,一味酷酷的,殺死唔少少女呀﹗
      好多人都估個角色咁冷靜,甚至去到無情,應該之後係會受挫明白醫生對病人之間的情,之後大有進景云云,應該幾多內心戲的…主打我覺得《欺詐》時佢內心(望住家人被殺時…)戲如痛苦呀咁都仲爭少少,期望佢今次會進步啦~
      (不瞞你,我睇《野豬》時中了招…)
      嵐出道時香港仲有好幾本日娛資訊雜誌,所以我對佢地出道既事有少少咁多多印象,你講起夏威夷出道我又記得喎,第一首歌就係叫《a.ra.shi》嘛﹗年年countdown都會唱的﹗哈哈…歌就唔多啱feel,少聽…
      講開又講,雖就大野智有點點似光一,我堅持光一係靚仔啲架﹗大野都係似張佳佳多啲(難得無俾人打…速逃…)
      其實講開出道,秋山純咁以music academy(係咪呢個名?)形式工作,佢算係出道定未出道既呢?﹗
      我諗生田如果呢部劇有唔錯反應可能出到道架喎,當年kat-tun都係赤西仁和龜梨二人在拍劇方面有好成績,人氣勁就出到啦…不過生田會同邊個出呢?﹗喜多川爺爺好少可會俾人單獨成軍喎?﹗

      11th Jul 2008 10:07 AM

      刪除

  2. 剛巧路過
    我又唔覺喜多川先生求其揀人出道
    我反而覺得他們揀的人時候有他們獨特的一套
    成個事務所入面無得出道既又豈止生田君一個?
    生田君都算係咁啦,無出道都有咁高曝光率,比好多人好命好多啦

    10th Jul 2008 17:16 PM

    回覆刪除
    回覆
    1. 佢真係飲得杯落架,以我呢款唔留意junior既,都知佢咁多野喎﹗
      不過好多野都係時間問題je,好些出咗道咪一樣載浮載沉,最緊要還是有機會發揮自己既je。

      11th Jul 2008 10:10 AM

      刪除
    2. 秋山早排退左社啦...
      而MA係算未出道

      11th Jul 2008 10:45 AM

      刪除
    3. oh…係嘛?我睇07countdown時仲見到ma呢隊野…
      (我著眼點還是出道了的幾隊group…哈哈…)

      11th Jul 2008 16:37 PM

      刪除
    4. ICY.冰15/5/13 12:42

      07countdown 秋山好似已經比人凍左,,,,
      你見到的ma,, 應該冇左秋山架啦....
      (你留意下phi隻DVD,, 係冇秋山架 !!)
      秋山真係johnnys senior(?).. 噗
      少年隊時代已經o係後面跳舞!!!!!
      退社真係唔知話佢幸福好定可惜好...
      話時話大野智出道o個陣好似好多人都話佢似光一,..
      連佢家姐都唔認得佢,, 以為佢係光一...
      櫻井翔出道o個陣唔似tsuyo啦!!![默]
      係最近就髮型可能有d似.... =3333333=
      PSSSSS 好好好期待33分探偵!!!
      如果係SUSHI王子感覺咁白痴就好睇啦!!
      好想TSUYO唔好(!!)拍D好大壓力啊,,負擔好重O個D角色,, 會睇到好痛苦!!!! >333333333

      13th Jul 2008 11:58 AM

      刪除

    5. 講開都係,我都奇怪秋山先生當年係有份同井之原快彥、堂本光一一齊指銀狼套劇,井之原和堂本兩個都係7字輩,秋山細極都8字頭吧,咁講佢資歷都好深吓…orz…
      大野我覺得佢五官精緻,就咁望真係幾似光一…不過扮女仔來講應該光一靚女啲…(多年前佢扮松田聖子真係一流…卡卡…)
      《魔王》大野有啲角度真係幾似光一…講時講…
      櫻井似堂本剛?我又無咁諗過喎…哈哈…
      我諗阿剛套《33分偵探》和《壽司王子》係唔同既野呢既,《壽司》係無聊聊,但啲gag都幾好笑丫…未到白痴既…
      其實我鐘意睇《前男友》一類職場+愛情劇,但阿剛當時個造型令我好不安囉…

      14th Jul 2008 09:37 AM

      刪除
  3. code blue我會追落去~~
    但魔王...睇左一集我真係冇興趣....唔關主角事,我唔中意個劇本。
    話說第一集其實我覺得好悶....
    睇劇果然好主觀~~~~
    今季我會睇ge仲有米倉ge"怪獸家長",同等埋244套偵探劇~~~~~~€

    10th Jul 2008 20:40 PM

    回覆刪除
    回覆
    1. 《code blue》我都會追,醫療劇我鐘意啊…
      《魔王》我覺得一次過睇會好啲,呢啲復仇咁陰深既題目唔係個個鐘意既…哈哈…
      好似上季既《潘多拉》咁,鐘意既會好鐘意,唔鐘意既會不停叫悶…
      咁又無乜問題既,煲劇係entertainment,無理由逼自己睇啲唔鐘意既野架嘛﹗係咪~

      11th Jul 2008 10:12 AM

      刪除
  4. 見你地講起p 同toma 搞到我都浮一浮上水面tim
    我係欺詐男年代既p粉,同好多j+飯比新好多, 所以一開始都唔知p同toma 一路由jr.到依家既野, 之後先知當年n團成立既風風雨雨... anyway 舊事就唔講啦
    不過真心希望喜爺唔好重蹈當年takki覆轍...miss 左出道既黃金時間, 講真,依家睇住tt 既銷量真係覺得幾慘烈....好耐都未試過過10萬....
    低正如你地講, 的確喜爺好難俾佢地solo出道, 更大既問題, 出道= 出single, 仲要搵個人同toma 出道, 呢野仲難...
    呢排好多機會見到p同toma一齊出現係雜誌,或者 分開影但mention對方, 基於大家都好清楚, j+係唔會做冇meaning 既舉動, 我硬係懷疑, 如果toma出道係會同p有關...
    當然都係推測啦~
    btw, 好明顯, 光一的確係靚過大野智的~

    15th Jul 2008 12:14 PM

    回覆刪除
    回覆
    1. 山P呢我都係呢兩年先開始中招,我係《野豬》、《龍櫻》、《欺詐》幾套連住一齊睇,我發現佢個直長篤住隻眼髮型都KEEP咗好多年喎…
      其實JR我無follow的,只係以前仲有winkup那些書時為了kinki期期買,咁其他頁咪又揭吓,對山p、kat-tun有點印象,toma咪只知佢係山p個朋友囉…
      takki真係幾慘架,當年係頭號木村接班人,而佢唔係無條件去接架喎,而家俾啲師弟爬晒佢,佢兩個老哥而家無晒聲氣…takki呢隊野個宣傳包裝可能要執執了…
      solo又真係唔覺喎,遠古年代的matchy囉,我諗俾得toma一個solo,好多人都唔老黎自己反而要group出道,天下大亂﹗
      btw, 好明顯, 光一的確係靚過大野智的~==這個絕對係﹗

      15th Jul 2008 22:17 PM

      刪除
  5. 唉,超費心力追完《CHANGE》後,發覺對夏季劇不感興趣...本來就對j+人冇乜興趣,醫療劇睇完《醫龍》後暫時又未想睇。33分當然會捧場,不過真係要歇歇..
    《CHANGE》結局算幾好,有意猶未盡嘅感覺,難得~因為《空星》嘅遺憾所以追《CHANGE》,總算冇白費感情!完全得到補償(笑)~ 作為政治劇就夢幻咗啲,劇本中段有數度跳tone之嫌,不過結局處理得好,反而會有瑕不掩瑜嘅感覺。而且單單睇演員就覺得值得!木村今次依然抵贊,最後一集嗰場22分鐘一take過嘅演講實在厲害,瞬間收視甚至沖到30%!而且角色真係同佢以往嘅好唔同。iceco有機會睇睇《空星》惡魔男之後,再嚟睇弱氣總理(因為都是跟深津繪里搭檔所以先有對比,所以感情走向我最關心,哈哈),感覺會好好玩~其他演員都絕對稱職有餘(甚至浪費)
    不過真係追得攰..遲啲就睇33分,其實對內野聖陽嗰套都有少少興趣(唔知乜名)。果然比較喜歡老人家...

    17th Jul 2008 18:23 PM

    回覆刪除
    回覆
    1. 《CHANGE》真係咁大件事?﹗其實政治黑暗面既劇同季有《潘多拉》,《CHANGE》我有點點覺得簡化了卡通了,so far而家都未有太大興趣睇住,也許第時有時間先睇囉。反而我會煲番木村一些舊劇…如似《美麗心生》呀咁…卡卡…
      「iceco有機會睇睇《空星》惡魔男之後,再嚟睇弱氣總理」--咦,咁我又有點興趣睇《空星》喎…等我清一清手頭上的貨吧…太多了…而時間太少…
      《33》無咁快播吧?﹗而家都係睇住《魔王》先,《code blue》係睇幾個主角,故仔第一集就已經有點老掉牙,好俗套的感覺,只要之前睇過《急救病棟》或《醫龍》,好難唔覺得《code》熟口熟面囉…

      18th Jul 2008 09:55 AM

      刪除
  6. 大家都話佢似光一, 但我又唔你好覺 ... 可能係因為本身對光一冇印象 - -大野根本是女相, 五官精緻又完美(對我而言), 曾經有人key佢個樣上女身到, 我爭d唔認得係佢-3-張佳佳 ? 得閒睇下係邊個尼先 - -

    16th Aug 2009 03:30 AM

    回覆刪除
    回覆
    1. 看來這是代溝了…光一叔叔係叔叔呢架啦…我仲要係佢既粉添…(掩面逃…)
      哈,張佳佳係2000年代英皇的女新人,當年咁上下時間嵐出道道嘛,第一眼望埋去覺得佢二人真係好似架﹗
      不過張小姐好快就退出了,佢演過部張智霖和朱茵主演的《驚天大逃亡》…其餘就唔記得佢做過乜了…

      21st Aug 2009 21:46 PM

      刪除

要講幾句嗎?﹗XD