2006/07/02

薑越老越辣

看畢最後兩場八強戰,四強份子出籠:德國vs意大利;葡萄牙vs法國

(因為儲唔到葡萄牙,唯有搵都係紅色的西班牙頂一頂…)
(08無聊後按:是我這個臨時拉伕的行為預視了西班牙08拎歐洲國家盃嗎?卡卡卡…)

長江後浪推前浪,無論前中後場如何人才輩出,四隊隊中還是留了位置讓諸位經驗老到的老大哥坐陣,好些臂上還纏上隊長臂章,帶領隊中年青隊友衝鋒陷陣。

雖說這些老大哥狀態已不如當打之年,好些更被懷疑存在價值。當然,講速度講體能他們可能比唔上後生仔,但他們沒有後生仔的好勝、逞強和衝動,而他們的經驗卻可以指揮隊友操控大局,每每在球隊危難關頭更發揮「越老越可愛」的老來嬌精神,憑他們的經驗一腳拯救球隊;同時亦塞唔少錢進年輕球員袋。

老者,不單限於年紀,亦於經驗;有個老大哥係身邊,個心真係會定好多。初生之犢不畏虎,年輕人就是有衝勁去試去闖,少了個經驗豐富的人指點迷津,代價可能是闖到頭破血流。

雖投身社會一段日子但自問仍是一舊「生薑」,經驗有但不多,很多時被問題困得動彈不得。反看那些做planning的senior「老薑」們卻一派悠然自得 (可能他們也在愁,只是不顯露出來而已),好像沒有甚麼可是難得到他們似的。一問之下,「老薑」們轉眼就能想出甲乙丙丁戊個方法,更提議去找金木水火土來幫手;真不得不佩服他們那深不可測的database。

難怪有云家有一老如有一寶,亦難怪年青人創業多數以失敗收場,再難怪世界盃中以年輕球員為骨幹的球隊都被擯出局了。

無聊P.S.:真的應驗了一屆歐洲一屆美洲的傳說,今屆真係得歐洲球隊爭冠軍﹗法國對巴西,本人係出盡全力捧法國﹗次次都係巴西拎都好悶呀話…

無聊P.S.2:太遲發力真係會出事,尤如上屆連分組賽都唔到的法國,亦如今年的巴西,誰叫他們一直都沒遇過真正威脅到他們的對手…縱然肥哨前所未有的落力跑上跑落…

無聊預測:

我想版:決賽意大利對法國,當然係意大利嬴﹗(08後按:我做了燈神啊﹗中鬼晒﹗)

客觀版:決賽德國對法國,德國嬴;意大利最後都拎番個季軍~

6 則留言:

  1. 緊係藍戰士win啦~~~~~
    FORZA AZZURRI!

    2nd Jul 2006 16:18 PM

    回覆刪除
    回覆
    1. 次次勢均力敵的球賽我捧的都會輸架,所以為咗支持意粉隊我一定會支持德國﹗
      正如今朝我勁想法國嬴就用念力支持巴西﹗﹗﹗哈哈哈

      2nd Jul 2006 16:58 PM

      刪除
  2. 亨利以前成日俾報紙話踢阿記就神勇,但返國家隊就發波瘟,但今次打巴西一戰,真是表現滿分!

    2nd Jul 2006 17:09 PM

    回覆刪除
    回覆
    1. 只要法國條中場線發力(尤其係施丹)比到波亨利做野佢就呢料﹗
      法國嬴波我仲開心過自己心愛的意大利晉級﹗哈哈,雖然法國都曾經嬴過意大利…哈

      2nd Jul 2006 21:40 PM

      刪除
  3. 你又有儲七記大口仔?時興活動!

    雖然身為德國粉,但德意之戰都睇淡德記,今年果隊德國入到四強,已經賺左,格食格之下,好難係意粉對手

    以老帶新真係好重要,後生仔好易因經驗唔夠搞出事,好似某9號咁....

    3rd Jul 2006 16:18 PM

    回覆刪除
    回覆
    1. 芬寧斯被判停賽,呢場波又添變數﹗﹗﹗ 無論德意邊個嬴~手心係肉手背係肉啊~最緊要冠軍和季軍都係呢邊嬴~呵呵

      某9號哭訴永不與某球會7號國家隊17號拍擋喎(同隊友單眼喎...真係有陰謀?)


      4th Jul 2006 09:31 AM

      刪除

要講幾句嗎?﹗XD