2015/10/17

樹妖自白

話說,自從開始咗大學生生涯後一路面對的問題就係成房書和紙,執唔嚟掉不到,一地/琴/枱都係野,本來亂到一個點就會忍不住執野的本人都舉手投降,如是者五個月了。

這不是重點,這五個月來一路面對的問題是print唔print出嚟。打從中學開始小的學習模式就係要寫要劃要抄先記得入腦,試過為了教科書可以升班時拎出去賣於是一野都唔劃,把筆記都抄到另外一本簿去,之後就會覺得分兩本又書又簿好煩,最後都係放棄大肆劃書。

現在讀的是遙距課程+大學雞精班,手頭上會得到的材料有遙距課程的課程指南(每科一本)、小書兩本和一堆CD-Rom,內載了需要睇的外加資料,雞精班就有印出嚟的notes兩大本,soft copy另外寄到email去。每次上堂之前lecturer會再有外加資料。textbook就睇閣下preference可買可不買,遙距本部那邊有個清明上河圖咁長的book list,有些係mark住essential reading你最好睇啦,有啲就隨意。咁所有野都係跟住課程指南內文去睇,到時到候就會叫你上網睇邊個link呀睇邊本書邊課呀,有啲係本部online platform有pdf俾你下載,有啲就click website自己上網睇。

好啦,一下下來點算吓我房多了幾多物資:
  • 指南兩本
  • 要拎入試場的書一本
  • 雞精班筆記兩本
  • 教科書三大磚(自己買的…)
  • Q & A加精讀三本
這樣一堆…已經要我將之前啲日/韓文書抽起讓個位出嚟擺佢地。

解決咗擺野問題,問題二就係logistics啦。

本指南好似中學啲粉紙textbook咁上下重,兩本加埋…ok啦,但要拎堆教科書(指南始終是summary嘛),再拎埋雞精班的筆記,再再print埋上堂導師的筆記…拖喼啦已經要。

最噴血的是,我是五月開始嘛,學年仲係14-15,但register時太空(佢係報名中心)都會俾一set指南、書、cd-rom你咁,等你即刻可以開工大吉。到暑假中後期因為15-16學年的新版本出咗又叫我地去拎,再加埋本部又寄一set嚟…大囧﹗全部野x3﹗﹗﹗﹗﹗咁14-15學年的叫做舊版無用…但我mark晒筆記囉﹗then15-16學年那兩本回收又唔係擺喺度又唔係…呃…

係啦,因為要睇好多reference,拎住咁多野真係膊頭又爛,又好在而家呢個年代有電腦平板仲有wifi,好多野都可以即時上網search就拎少好多書。有啲書可以喺kindle買就買個soft copy費事又多本書,有啲買咗既但唔想拎就scan要睇那幾頁存進電腦(呃…但唔知會唔會有copyright問題呢﹗),reference的文章就睇網上版再自己jot notes貼番喺筆記度。

好啦,問題就係呢個網上device應該用乜好呢?最初打算用ipad pad,跟手提同一條cable攪掂叉電方便嘛,不過問題係如果我想問兩個file平拍住嚟睇…呃…唔得喎…部機容量細(我孤寒呀﹗)唔存到幾多pdf(而家都係放晒喺google drive),好煩。某日忍唔住去買咗部薄腦,重量其實又唔係重好多,不過最衰就係要拎埋個插頭…

怪唔之得出入大學圖書館時啲學生有平板唔拎拎電腦,始終都係電腦方便啲。

用電腦/平板睇又回到開首的問題…我寫唔到野呀﹗雖然喺部腦度有function可以喺上面打comments,但始終差啲…同埋長期望腦隻眼超攰…勁囧﹗睇紙就衰一張張飛嚟飛去,同埋無得打個字就search到喺邊頁…好煩呀﹗

解決呢個死結…最後…我決定…好重要一定睇的東東就print出嚟(4 in 1雙面),其餘的就電腦睇…啲野輕得就輕啦…重dup dup的磚就喺屋企睇…唔托啦…

而家呢個年代我地可以借助科技拎少啲野,十幾廿年前要睇既資料一樣都係咁多…點算呢?不敢想像…

或許有一日,我真係會拖喼返學。

2 則留言:

  1. 為了環保當然唔想print,尤其明知睇唔晒,但唔print去到後尾就會直頭唔記得有呢份嘢存在過。

    回覆刪除
    回覆
    1. 係喎…print咗出嚟mark吓野寫吓野,最低限度揭過…我先會記得和入腦…XDDDD

      刪除

要講幾句嗎?﹗XD