2014/05/24

讀書報告#26~《永遠の0》~愛與夢飛行

是咁的,戲是五月尾看,書是六月頭先,這是補回的後感。

一路看,一路覺得這部的宮部和《硫磺島戰書》西鄉(二宮和也)如出一徹,都是結婚生女不久就被征召上戰場,在戰爭中只想保住小命回家,呀,好耐無睇過《硫》,唔記得咗最後西鄉能回安然回國了?

在時代漩渦裡,只想平平安安過日子可能係難過登天的說。

看之前做了少少資料搜集,呃…咁二戰集中讀歐洲戰場,關於日本的就係侵華史和香港淪陷,知道劇情關乎神風特攻隊也看了一點,說到底太平洋戰線當年涉及唔多,果然,劇中說的戰場,除了珍珠港…啲乜島物島我都唔識的…雖說是愛情故事,但都要打一點底既,始終二戰話題敏感,自己有個底可以做judgement嘛…


<--剛剛出門…喺飛機度又睇多次…哈哈哈。

時間係2004年,故事由記者佐伯慶子(吹石一恵)為翌年戰爭結束60周年做的特別project開始,話說佢地真正既祖父宮部久藏(岡田准一)原來係神風特攻隊戰死成員,祖母松乃(井上真央)戰後再婚從來都無提過呢位媽媽既親生阿爸,為公為私,慶子拉埋細佬佐伯健太郎(三浦春馬)一齊走訪在生老兵,找尋當年的祖公係個點既人同埋點解佢會成為神風成員之一。

睇二戰啲書時知道初時日本所向披靡,但當戰線從亞洲拉向太平洋,國內外人力物力都虛耗,戰爭從希望走向絕望,戲中一開始零戰戰機(即係戲名《永遠的零》的零)一開始新機落地非常光鮮,去到中後段甩油殘破,好微妙但又配合情勢的道具…umum

題外話,呢個牌面係幾咁偶像劇﹗

一開始個個都話宮部係膽小鬼讓健太郎好失望,慢慢先知原來佢唔想死係對妻女的愛,劇情雖有涉及愛國情呀軍國主義那些,但都從老兵一開始鬧佢怕死之餘都係補番句之後就明白點解佢咁想回國,舖到最後解構宮部點解會加入自殺式的神風特攻隊時怎能不賺人熱淚呢…明明同佢之前口口聲聲說想返屋企見阿女背道而馳架嘛﹗嗚呀…點解你要死呀﹗

而原來,Kat-tun的上田龍也有演戲中士兵小山一角…仲以為今次無J家啲買一送一野添…

any肥,宮部就在戰爭差不多完結之前喺特攻任務中戰死…呢個trick位實在賺人熱淚…嗚。事後,大石賢一郎(夏八木勲)搵番松乃和宮部女兒清子,慢慢由幫人變出愛情,松乃拉住佢叫佢唔好走時…有一野我笑咗…囧…sorry。

很喜歡的位是黑道大佬景浦介山,佢表面上鬧宮部怕事膽小,但見到健太郎話祖父係膽小鬼時卻鬧番佢轉頭,後來個特攻隊個twist位都係佢話俾健太郎知的,送佢走之前仲攬一攬佢,其實佢都暗暗欣賞宮部的吧。最爆的是,一開始佢望住把武士刀話呢把刀真係殺過人,後來松乃跟賢一郎說戰後有個黑幫大佬想逼佢做情婦,突然有個年輕人衝出嚟殺咗呢個大佬…劇情無講這是誰(老了的賢一郎也問這是誰…)…咦,唔通呢個人就係介山哥?佢就係靠殺了呢個黑幫大佬做新的大佬?﹗

宮部雖然死了…但有咁多同袍幫佢守護妻女…嗚…我又哭了…

話說原來我唔係睇過好多准一哥的戲,對上一部應該係爛尾的《SP》了…睇住佢深情地望住松乃和女兒清子的相時硬諗起《虎與龍》龍二個死人樣…XD。不經不覺佢都三張開外,再唔係V6的老么了…鏟了個頭再滿臉鬍子的…完全唔認得佢﹗囧。很喜歡戲末賢一郎跟宮部說,從來都無感受過風吹和水流動的感覺,當知道自己要出勤特攻隊任務時先來感受到,有點感概,呀…聽到賢一郎說佢既夢想係幫人,那時宮部個若有所思的眼神無限複雜啊﹗

小的好像被這套戲電到了,除了極速翻睇,仲順手煲埋《圖書館戰爭》,不過比《永遠的零》好似差一點,喺機上睇到一半瞓著咗…囧。跟住,梗係順手開埋《軍師官兵衛》嚟睇啦﹗

很驚恐的,《永遠的零》會出電視版…囧
***********************************************
一條龍又啟動﹗即刻睇埋本小說﹗

小說文庫本都成吋厚,而家睇了百幾頁,電影有啲情節如祖父大石賢一郎事務中退的後輩,健太郎之所以想做律師係受賢一郎影響,跟住原來賢一郎之後同松乃再生多個仔都被cut掉了,當然人物咁多好難全部放晒出嚟既,但我覺得健太郎想做律師呢個係重要架喎,因為佢好like錫佢既賢一郎公公,所以當佢知道親生祖父另有其人時一時接受唔到,而當佢初初發現宮部係個膽小鬼時格外失望,仲稱宮部為「那個人」,到後來佢發現宮部原來都有值得尊敬的地方,稱呼就改為「宮部さん」、「おじいさん」稱呼一吓一吓的變得親切起來,對賢一郎就繼續叫「おじいちゃん」,呢啲位好細微但好有趣的說。

書的篇幅咁長,講既野自然多好多,於是每個老兵講自己故事時除了宮部的相處仲多好多當時戰爭的情況,真係唔知作者寫之前要做幾多資料搜集先得了,除了軍營日常、晉升等東東,仲有慰安婦同埋影片沒有的中日戰爭部份(唔知係咪為賣埠而cut了亞洲related的東東?)

小說多一點著墨喺當時扭曲了的人性,因為戰前一直奉行軍國教育,二十年代又經歷了關東大地震,百物蕭條之下戰爭就如一條希望之路,當然戰爭死咁多人係絕對應該否定,但睇番當時既情況,國民又真係無可選擇地跟隨國家走上戰爭之路。就如當年讀德國史,你話和平時好地地希特拉係選極都選唔到首相,到經濟大衰退時佢呢啲走極端主義的就嬴晒啲溫和派,好似救世主咁拯救國家,um,看著當時的情勢,又真係好似好順理成章。當然最後死咁多人係唔想見到的結果啦吓(好在…有我最like的肥邱出現…)
 
any肥,這本書讓我有興趣再研究吓二戰史,去旅行的時候又順手到靖國神社走一轉,而裡面展覽館又做緊戰爭70周年展覽,當然要入去睇吓講乜啦(我的夢想是成為歷史學者…哈哈),竟然俾我遇到真正的零戰…

以上。

4 則留言:

  1. 《圖書館戰爭》我要舉手我有第一冊...
    不過唔係幾好睇...電視同卡通都無睇過添 ()
    呢本《永遠の0》 剛買
    個作者有本舊作《ボックス》 (又係有拍戲的)都幾好睇...

    回覆刪除
    回覆
    1. RE:rice

      睇完套戲我又唔係特別想睇番《圖書館戰爭》本書…
      《永遠的零》我係斷斷續續地睇本書,每個老兵都講幾場戰爭,成日都唔記得睇到邊個和前面幾頁講緊乜野…
      百田尚樹暫時睇了一本,感覺都幾好…可以再挑吓其他作品(好似本本都好厚?)

      刪除
  2. "圖書館戰爭"我舉手我有齊(四集加兩集番外篇)
    要追的話其實我喜歡看第四集和番外篇一
    - 第四集保護作者那段幾好睇下
    - 番外篇一就....你睇過就明, 無睇過就不好說了.
    卡通沒看. 不過電影版選角其實個個都好合適, 例如榮倉和岡田身高的反差和書設定好吻合.
    福士和栗山都做到角色的要求,

    回覆刪除
    回覆
    1. re:Saman Man

      我本來都有意圖睇吓《圖書館》,但見到咁多本即刻卻步了…
      套戲有講過榮倉高過岡田…但其實…好多人都會高過佢…囧…XD

      刪除

要講幾句嗎?﹗XD