2013/03/17

Namie Amuro Asia Tour 2013~香港站


萬人大合唱《Can you celebrate》果然一流啦~(雖然我最愛是《Don't wanna cry》啦﹗)

呀…巧簡棟呀﹗即係呢,今次係慶祝出道二十年所以先會唱番晒以前啲hit歌嘛,莫講話會唔會再嚟香港開啦,之後的演唱會會唔會唱番以前(小室年代)啲舊歌都成問題了,可一不可再呀﹗﹗﹗﹗﹗

唔見有紀念品檔,反而見到有呢個簽名板…囧﹗

rundown編排基本上和日本的一樣(=]),舞衣和舞台設置都一樣(咁dancer係咪那班…我又無咁癲逐個去研究),係諗緊日本係咪應該live band既呢?﹗但唔知係咪現場音響有問題,成日見安室攪耳機,又有幾首歌入唔到頭幾粒音,同埋比起日本呢back vocal好大聲呀﹗﹗﹗﹗um,要批評的係呢啲啦,其他…梗係…無.得.輸﹗(我話晒係忠粉呀﹗)

當然係舊歌反應強啲,不過我諗大部份入得場既都係粉,成首唔識唱都應該跟到啲英文歌詞吧?於是never end~~~~和baby don't cry呀~等等安室舉咪都是有熱烈跟唱的反應既…其實《Uncontrolled》既歌係好好跟(住唱的)…於是成晚就係好hyper地又跳又唱…嘩哈哈哈﹗(就因如此…就算有相機都唔得閒去影囉﹗)

呀,跟台灣場一樣都有新歌《big boys cry》呢﹗同埋2012 live篇文無睇到《say the word》,不過DVD係有收錄的…


乜《Fight Together》係《one piece》既歌?﹗(粉絲失格﹗)而好攪笑唱呢隻歌時竟然有個海賊王版的安室﹗我又無帶相機啦﹗於是瘋瘋影到爆晒光咁…哈哈﹗個公仔好係《In The Spotlight (TOKYO)》mv入面件金色tube top個郁,仲仔細到有畫埋安室手臂的紋身…好爆﹗

睇番DVD個song list,《Fight Together》係《In The Spotlight (TOKYO)》之後唱的…囧




爆到阿媽都唔認得添,um,即係呢,唱《SWEET 19 BLUES》一樣有播番舊片,而最攪笑唱《a walk in the park》(呀﹗如果《Don't wanna cry》都播埋97年live既片就好啦﹗)一路播番97年《Concentration 20》live的片,竟然玩扮番當年咁邊個位傻笑邊個位撥頭髮咁…笑爆咀了…(明明佢今次set了all back的髮型嘛…撥乜鬼啫…)


<<雖然dome係大又夠氣勢,而這個博覽館啲聲真係好拆…囧﹗但可以咁近距離唔使睇大電視地睇到安室真人在跳在唱,件事好夢幻呀﹗(癲咗)

講開又講,前文寫《Uncontrolled》時癡埋某人的日文碟嚟寫,今次安室開騷竟然又同某人撞埋,不過某人在上海開team H Party,好在啫,H隊的歌我不喜歡,不用猶豫也不用恨,非常好



上次encore之前有舉牌小環節,今次一樣有仲有埋中文添…哈哈﹗

另,我想問Thanks for Hong Kong有無錯?係咪應該Thanks for coming或Thank you Hong Kong呢?

雖然有一刻後悔無買最貴飛坐近啲,不過算啦,看到就好﹗~~~~~好開心呀﹗看我兩點幾又在打文了…大囧﹗(雖然傳說銷情不太好,但無損我興致,好明顯地…哈哈哈哈)

 入場前的下午茶,我已經嚴重的未出發先興奮啦﹗救命﹗

<--成個老銅好多敬卓哥演唱會的poster…但我頂唔順一個星期睇三場啦﹗(除了安室…下星期仲有郭城城呢﹗嘩哈哈哈哈哈)

14 則留言:

  1. 成個老銅好多敬卓哥演唱會的poster…但我頂唔順一個星期睇三場啦﹗(除了安室…下星期仲有郭城城呢﹗嘩哈哈哈哈哈)

    去啦去啦.敬卓哥會好開心嫁!!!!一齊去睇啦!!又靚仔.唱歌又好聽(放棄城城去在中演唱會啦~~完全係魔鬼!XDXD)
    我去睇時都要記得帶相機先得!!搏影到幾張都好=V=

    我真係唔係好識安室.(好似有首廣告歌成日係電視播,就只係識呢首!)
    不過我覺得本命黎到就一定要去睇~
    最貴飛都會覺得值得(我都唔知我憑咩講呢句!我只知在中個演唱會好鬼貴!!!我一定係癲左!!)

    話說~我仲等緊嵐黎香港呀!都唔知何年何月先可以黎呀佢地>.<

    回覆刪除
    回覆
    1. re:星晴

      你地都買晒飛啦,free seating我先癡得到你地啫,同埋25號要返工,真係唔好博,我驚第二日起唔到身呀﹗雖然敬卓哥真係令仔又唱得好聽…(雖然佢今次玩rock野…哈)

      我個相機十年都無拎出嚟了,之前用se手機都唔覺,iphone呢影個台係會爆晒光的,真係好頹,下次去睇郭城城會拎定相機的啦…

      不認識都不要緊,我唔會逼人架﹗哈哈哈﹗(不過我會怒出啲讚美post之嘛﹗),一知道安室會來我就癲咗話要買飛(雖然…其實佢年年都在日本開show的),不過因為有朋友一齊去所以就無買最貴的,個位都ok呀,唔使睇大電視都睇到安室啲表情,我好滿足架啦﹗呢啲野一人世物一世,點都要見到吓真尊﹗就算攪到旅行日數少咗都係值既﹗哈哈哈﹗

      j+好少group會來香港啦,台灣反而仲有可能…我覺得…

      刪除
    2. 依家好似仲有唔少位T^T
      不過25號要返工就唔好喇.我就話返下午冇咁辛苦XD
      係呀.今次主要係ROCK.我都唔知自己接唔接受到XD
      等下次JYJ黎.你就一定要去睇喇!

      我係用SE.上次東神開我係用我部手機影.雖然坐最尾.佢地有時行過黎我都叫做影到.不過同相機O個D比較.係相機靚D GEE~

      我都覺得你個位唔齊.都見到個樣BOR!!
      如果去日本睇,應該咩都睇唔到..個場咁大.不過就氣氛好正就真~

      係!J家好少黎香港.之前佢地亞巡都只係去台灣同上海.冇香港呀!!
      我遲下去台灣2個月.佢地應該都唔會去O個到住~
      都唔知幾時先等到佢地亞巡@@ 依家4年冇開喇~

      刪除
    3. RE:星晴

      雖然在中喺會展開比較近我屋企,不過都係唔好啦,已經放了成個星期無得再攞假啦…
      同埋ROCK野都係我CONCERN…我怕啲好嘈既野呀…
      某夫人去東京睇JYJ喎…我都係等佢地嚟香港啦…哈哈哈哈

      我之前部SE係RAY,二千幾蚊的平機,但影出嚟又好OK,去旅行時我幾乎都係拎佢嚟影(無拎住部相機咁揚嘛,我又鐘意偷影人),那部影演唱會都係唔得的,但就無IPHONE咁爆得咁癲…IPHONE影普通野OK但一影紅館個台就發癲…看來我都係要拎番相機了﹗

      係呀,個位比我想像中好,我睇平面圖喺正平飛和第二貴飛中間轉角位心諗實好遠,但去到又OK,最開心係唔使睇大電視…咁先夠HIGH﹗
      我成日覺得去DOME就算最貴的企位都唔知睇唔睇到個台做乜既囉…

      J家一路都唔太重視香港的啦,KK 2001年之後就無嚟過啦,光一06,07台灣開SOLO都無嚟香港…怕且都係要出門先有得睇J家人開騷了,反而泡菜人仲有機會…

      刪除
    4. 如果在中今次係FULL CONCERT就好喇...
      不過呢..我覺得今次都好好呀!!
      如果你都有黎就好.我地O個日玩得好開心呀!!
      有消息話 JYJ 唔會黎香港開呀....點算?!!?!?!

      我今次個位都好好呀.都係唔洗望電視~哈哈~我地都好幸運呀!!
      DOME真係去感受個氣氛.我認為會係咩都睇唔到..

      J家...其實佢依家GE重心係咩?!依家韓流係日本都好勁~~~

      刪除
    5. RE:星晴

      咁你地下次記得叫埋我啦﹗雖然我無聽晒所有JYJ既歌…但我會溫定書架啦﹗卡卡…

      DOME呢…我都好想去感受一次,反正安室和KK年年都會開既,不過好似唔會賣俾外國人,要搭路買才行…好煩…

      J家重心…係國內囉…哈哈。不過韓流呢,我本身都以為好勁,但去東京的幾天…我都算走勻東南西北唔同區啦,但大部份廣告都係日本藝人(特別多係SMAP同嵐囉),韓國藝人係去到新大久保先見得多…,張根碩個lawson廣告都無咗啦﹗嗚…

      刪除
  2. 有賣goods檔呀~d人好早就去左了~我差不多5點到排到埋去tee都無左一隻色了, 但唔明點解無20周年隻毛巾~得沖繩版~

    回覆刪除
    回覆
    1. re:Libby

      係﹗﹗﹗﹗不過我七點幾先入去,已經好多人,遮住睇唔到都唔奇…
      沖繩版…咦,沖繩場係取消咗架喎…唔通…散貨﹗

      刪除
    2. 擺到明係散貨啦~哈~
      不過有得買算係咁~都係要黎儲~

      刪除
    3. re:Libby

      我無儲開演唱會周邊的,走的時候只見到cd/dvd檔,諗住遲吓會到小店買所以就無行埋去睇了…

      刪除
  3. 我想問全場入座率如何呀? 其實我都好有興趣睇ga, 安室前期的歌好鬼死鍾意. 不過有d 貴同有d 遠, 我要睇在中已經用左一筆, 唯有放棄安室, 雖然有 friend 睇完都話好值回票價, 咁我都知安室又唱又跳又唔講野係好抵睇~

    回覆刪除
    回覆
    1. RE:kelly

      我聽聞賣飛唔太好,有貴飛劈到800散貨,去到八點半都仲有啲位成行吉既,都有啲擔心,但開了場後有堆人嚟,掛晒PASS的應該係MEDIA或邀請的特別份子(?),坐吓坐吓都滿啦…氣氛好熱烈,新歌大家唔識唱但都有跟住一齊唱啲英文位或者拍手,啲經典舊歌更係全場大合唱啦,勁開心,簡直係2013其中一件我的大事呀﹗哈哈哈哈

      睇一個呢啲SHOW好貴呀,我都無辦法睇晒咁多,在中我等你地的報告了﹗

      刪除
  4. 我係山頂後既朋友,真係個電視都睇唔清,唉。
    不過睇佢個台同舞都值回票價既。
    好少睇演唱會睇到做完gym一樣,第2日肌肉痛。
    博覽館個場音響係有問題的,
    上次睇misia都有一樣的情況,
    有重低音時會超"拆"聲,好討厭。

    紀念品係樓下個層,我6點幾係機場食飯個陣已經見到有fans買完紀念品!
    我入到場得返女裝tee(薄如蟬翼),當然係放棄!

    回覆刪除
    回覆
    1. RE:仁

      我平時最多都係企喺身UN吓,好少又跳又要跟唱,我好少會咁HIGH架﹗哈哈哈
      之前睇報導說安室來港時有兩聲咳,跟住見佢不停按耳機都有少少擔心,啲音響又拆拆地,佢又有一兩野甩BIT入唔到,好在之後越唱越好啫…
      紀念品在下面﹗唔怪得我唔見了﹗不過我好少買紀念品的,我孤寒呀﹗

      刪除

要講幾句嗎?﹗XD