2012/03/01

NOTHING TO ENVY: Real Lives in North Korea

在小的正在迷泡菜國某型男的時候,撞正北泡菜(呃,好似政治不正確了…)國小金過身,一路對呢個國家的認識只限1:睇奧運/世界盃時見到啲木口木面的選手,2:久不久從新聞聽到南北泡菜國關係緊張,甚麼幾方會談開完又停停完又開,祖國跟壽司國要聯手跟南泡菜相討對策,亞美利堅又巧京京云云。

(咦,寫晒呢啲名係咪好唔正經?﹗)

呃,小金過身時從新聞和特輯看到很多北泡菜國的資訊,睇睇埋好多北泡菜國的聲明/發佈(聽到一頭霧水的),甚麼南泡菜國是逆賊集團甚麼的(sorry…真係好奇情喎呢個term) 實在係好玄妙。咁啱在書店見到左圖呢本書就買了下來。

中文版厚點但平啲,英文版(我買了上面個封面,但好似呢個靚啲喎…)handy啲但就貴少少,我諗住作者原作是英文,咁梗係睇英文版會原汁原味啲…但博友一講先醒起,啲人物和地名…我唔識架喎﹗(我只知北泡首府是平壤,其實南泡菜的地方我都唔係識好多…哈)

但so far睇了3個chapter都ok既。
****************************************

其實除了被「逆賊集團」arouse到,其實小的好好奇喺戰後,科技一路發展的世代裡,究竟點樣可以build up一個封閉如此的國家…呃,鎖國不是沒有,以前聽過的例子講緊清初的中國和幕府江戶年代的日本,都二百幾三百年前喎,隨住西方工業革命都被逼開咗門。而又說戰後建立的共產政權,東歐的散完一個又一個,東德90年同西德合併(好記得,因為90年係意粉國主辦世界盃的說﹗),伏特加國直頭解咗體,咁祖國改革開放到成為有祖國特色的共產主義啦。所以好好奇…點樣可以封鎖如此,美帝又奈佢唔何的政權呢?又點解東西德都可以合併到,但南北泡就咁水火不容?

(當年歷史只教到去二戰爆發的原因,丁點post war settlement都沒提囉﹗呢個反而係最切身喎﹗六十幾年後的今天都仲關事喎﹗)

本書主打係訪問脫北者,從佢地口中講番北泡菜國裡面的生活,同時對照番一啲歷史背景(如:戰後花旗國的國務卿竟然問番人「泡菜國在那?」,而泡菜國在戰後和議裡優先度遠不如壽司國、啤酒國高,呢啲係戰敗國嘛…原來係見伏特加國蘇聯((應該點作番個名俾佢呢?我在扮cute添…XD))駐兵在泡菜國北邊戰後都賴死唔走,先啦啦聲派兵去南邊搶番份…oh﹗真係唔講唔知post war時期政權反而真空了…), 互相印證一番。當小的驚訝點解會咁架的時候,書內成日都講泡菜的人民被金氏父子政權洗腦,反過來覺得南泡菜國的人民才悲慘,自己原來過得好好云云(但,佢地生活連最basic的食都未食得飽,不要說住和穿了)。十萬個諷刺的說。

講起脫北者,我們很正路的想法是唔好咪走囉。但原來,成功走甩的,留在北泡的家人會受罰,就算在南泡生活改善了但內心始終唔好受。唔成功的…呃…早登極樂,阿門。

(更奇情的是…邊睇書邊聽緊CNBLUE…今朝仲攪笑…小巴司機在聽泡菜國電音,《sexy back》囉﹗back住睇書…)

一路睇一路諗起marketing書的一個例子:做鞋的商人到新世界村落想向土人賣鞋子,對佢地嚟講土人唔著鞋這就是機會啦;但掉轉對土人嚟講佢地從來都唔知鞋為何物,就覺得無必/需要了。如果人民從來唔知外面世界係點,又被洗腦一啲基本需求都係恩賜的話,逆來會順受,覺得呢啲係自己命運,不懂/敢去強求的。書入面第一位脫北者係老師,當有學生餓死咗返唔到學,佢要同其他學生講番發生咩事時,悲憤不能(因為有好多秘密警察)之餘仲要說這是一個blessing…這…實在是很難想像的說。

然後呢,又係讀history時才聽聞過的:印度和日本(江戶年代)有牢不可破的階級制度,父母生下來是甚麼status就決定子女終生命運,日本去到明治維新因為要洋化同埋驚武士(特權)階級被廢權會發難所以權和金錢(生意上優惠)利誘,令status mobility大大提升。雖則而家吾家特區想靠知識改變命運好像無上一輩咁易,但時也命也努力一點要改善生活也不會太難(吧?﹗)…所以又是一個難以想像呢啲在歷史書先出現的階級制度原來仲存活的說…

讀到書中講日常生活的部份,因為階級制度,於是小孩無論點樣出色都無可能被選中去深造,然後因為秘密警察處處不能講錯一小句說話…。諗起alevel篇中化《人生的意義》個人生追求的4個層次…大概…追求唔到生物文化層(不要說真善美了…)…仲停留緊喺物理層吧?

(邊看…是邊震驚的…所以當loop到去南泡菜藝能界出的歌時倍覺詭異…)

我試著想,唔知原來人生有咁多可能性的話,追求的不多,也會易滿足一點。在他們的眼裡,我們幸福嗎?自由是有的,但社會有十萬個史單特要fulfill,物質充斥但又快樂嗎?越睇越唔知邊個好邊個唔好了。(這本真的值得推薦,不過唔適合大魚大肉邊食飯邊睇囉…)

************************************************
寫得很詳盡的兩篇:
【好書推薦】我們最幸福(Nothing to Envy: Ordinary Lives in North Korea)
《Nothing To Envy: Ordinary Lives in North Korea》我們最幸福:北韓人民的真實生活讀後感

書的官網

10 則留言:

  1. 我可以問你借嗎? << 單刀直入!

    從韓劇中得知, 北韓人就算成功逃到去南韓, 會受到歧視的.

    雖然現在是2012 年, 但北韓沒有電視 (只有官方台), 沒有電腦, 好像打電話去外國收費很高, 一般人負擔不來, 所以基本上同外界隔絕,
    所以要洗北韓人的腦都不是難事. 日本人二戰的時候, 甚至可以洗腦到甘願用人肉做炸彈, 相對只不過要北韓人相信自己已經很幸福,
    南韓是逆賊集團好 easy job啦~

    韓國人老師有時說起南北韓, 他說連南韓人都不知道會不會有統一的一天. 我猜想南北韓人都對統一這回事都沒甚興趣. 北韓人又唔理人民死活,
    抱著核武就所有國家都要賣佢怕; 南韓只顧發展以韓流打動的經濟. 而美國同中國又會各自支撐南韓北韓去抗衡對方的勢力,
    所以這個狀況應該會繼續下去.

    回覆刪除
    回覆
    1. um,看前陣子電視台啲特輯說北泡係有限度引入中國的流行文化,不過都係講緊八十年代,佢地啲k歌係唱緊鄧麗君的說…

      洗腦封鎖呢啲呢,通常都係亂世人心不穩,想有個強人領袖救人民於水深火熱咁,二戰前德國和日本都如是…戰後雖然話有韓戰,不過普遍世界個trend都係追求和平和發展,所以我先好好奇喺戰後既世界點樣可以建立一個咁old school既政權…

      我諗而家南北泡既情形應該唔會合併到住,或者好似兩岸咁keep住現況再睇吓點,大家都係求和平和balance(背後有太多利益和計算),總知你不犯我我不犯你咁掛?

      刪除
  2. 我有這本書,還要在首爾exchange的時候買的,身在南韓,在讀北韓的事,感覺十分震撼。加上常拿著書與南韓朋友同老師討論統一,果時得到好多太inspiring又first-hand的想法,可算是我在首爾,除了見到韓國藝人以外,得著最大的一件事。

    北韓有電腦的啊,不過只能上內聯網。

    書名"Nothing to envy"係來自金日成的propaganda(書入面都有講),中譯「我們最幸福」好牽強,扭曲左金日成的意思,中文直譯是「這世上我們沒什麼值得妒忌」,唔太buy中文版。

    回覆刪除
    回覆
    1. (咦,我地都好正經去了解呢件事啊﹗)身在香港睇北韓都覺得不可思議,身處南韓應該更多吊詭,真係本是同根生,相煎何太急呢…(怎麼吟起詩上嚟)…

      我未睇到解構"nothing to envy"係宣傳口號呢段啊…咁譯唔需要妒忌好似正路啲,「我們的幸福」已經係多一層轉彎解構先去到,而北韓又真係教育到啲人民覺得自己國家好好,人地好慘,又真係話「唔需要妒忌人」合情合理啲…

      刪除
  3. 時間所限,回港一定找來看。
    吾之北泡菜團友推薦《這就是天堂》呢。
    http://www.books.com.tw/exep/prod/booksfile.php?item=0010509115

    回覆刪除
    回覆
    1. 你在袋鼠國(是在袋鼠國嗎?)無英文版?﹗
      我見博友在書店都搵咗幾本關於北韓的說,睇完呢本會搵來嚟吓,驗證吓《nothing to envy》的內容~

      刪除
  4. 人生的意義你都拎埋出黎講?????
    厲害!!!
    呢本書係咪得英文版???我盲字都唔識一隻耶
    推介埋「我們最幸福」
    又係講脫北者的故事

    回覆刪除
    回覆
    1. 哈哈哈,咁《人生的意義》講人生要追求啲乜嘛,我既感覺係啲洗腦教育教到人民只求人的基本需要,而唔去追求精神需要,咪諗起篇課文囉…

      本書有中文版的,不過好厚,我個袋本身已經袋咗一萬幾千樣野喺度好重,所以先買本英文版貪佢輕啲噜…

      咦…《我們最幸福》…好似就係《nothing to envy》的中文版啊…

      刪除
    2. 啊..係wo..無睇到你本書個title...(囧)...cover完全唔同..
      好想睇多d有關北韓既書...之前仲有一本紅色cover...係三聯有得買..但而家搵唔返啦..

      刪除
    3. 我行過見到本甚麼《金正日》…甚麼的兒子…
      可能睇開一本開始留意北泡的事,覺得好似突然多咗好多相關的書…

      刪除

要講幾句嗎?﹗XD