2011/11/15

突然懷舊之吳奇隆篇

話說因為睇《步步驚心》而無啦啦忽然柿龍粉絲,於是就從lone底搵番佢啲歌出嚟聽,um,想當年台灣四小天王,小的係比較認識林志穎,四爺既數嚟數去都係那幾首…今日一click你管…好多開心大發現喎﹗巧京京呀﹗

竟然有個2010全新合體版﹗

um,真係巧京京呀﹗竟然係草蜢《滿身火燙的女人》國語版﹗實在係太可怕啦﹗時期都應該係差唔多90年上下,兩隊人當年個郁都充滿少年隊(定苦柿隊呢?草蜢初出道應該都係走呢個路線…仲似小虎隊過香港原來那隊小虎隊…)的影子…啲舞姿呢小虎隊跟得足啲,啲轉身踢隊真係得盡J家真傳啦﹗唉呀﹗好娘呀﹗睇得我好開心忍唔住要發文嚟表達吓我對呢個開心大發現有幾開心添﹗

阿乖乖虎一個乖樣但chok啲懶型既舞姿真係好爆笑,阿陳志朋個留海那個彎度仲勁過會展呢﹗好爆﹗真係好90年代…哈哈哈…

更開心的發現是徐若瑄來自的少女隊竟然和小虎隊合唱過…台灣當年都cop得日本好足喎,不過日本的少女隊好似唔紅,甚麼小貓乜鬼隊又淨係紅咗工藤靜香,仲有隊乜鬼wink(?)好似都唔玩得耐…

後面啲dancer身穿一件魚網有袋背心襯白tee…成件事好的士司機,呢件see through背心我從來都只在的士司機身上見過…典解會有dancer拎咗嚟著架?﹗﹗﹗…啲舞姿真係好爆…跟住呢個live又要mine咀,但最攪笑係唔知點解一嚟就「追追追…」(我當年改過做「追追追我追到中環追到跑馬地…」…死囉…典解我會記得?哈哈哈)…完全無晒intro…囧﹗我忍不住笑了…

話時話,柿龍有首《追夢》,小旋風有首《戲夢》,都係好聽的…

好在我受郭城城恐怖mv訓練多年,啲大字腳、踢腿、轉身既娘極舞姿我睇慣架啦﹗有片為證…不過都係忍唔住笑既…又講,當年陳秀男和陳大力都好多產…啲歌成日都有佢地份制作既﹗
呢首又係佢兩個作的﹗我只記得有首咁既歌名既歌但唔記得首歌點唱了。話實柿龍啲歌係好似正常啲,唔似郭城城那些咁嚴重超齡少男喎﹗(如果唔信的話試吓聽《你是我最寶貝的寶貝》和《我想偷偷對你說我愛你》丫…﹗都唔講《我愛你》了…咦,我成日講郭城城添…)哈哈…都係那一水嘛…
原來知名金曲《煙火》就係《一天一天等下去》的國語版,記得當年柿龍拍完《梁祝》勁紅,仲無啦啦唱埋廣東歌,啲發音純正得嚟有啲唔純正,哈(其實是ok的啦)…。不過最爆既係…佢老哥都好鐘意裇衫入面一件背心,跟住件裇衫就在跌膊…嘩﹗仲唔令啲少女驚呼狂叫﹗

「如能愛~~~便愛出個未來」…講堅,真係好好聽,當年睇完《新同居時代》就迷上了,搵帶聽,之後搵cd dub,再聽到mp3…呀﹗真係「離不開~~~~~」…um,套戲都好睇的,話時話。

繼續發癲搵歌聽先~yeah~追追追我追過狂風追過我自己~~~~~

10 則留言:

  1. 從來都無話迷過佢(我都係鍾意小旋風多啲XD),只記得一天一天等下去同埋首祝你一路順風,不過佢係步步入面我覺得佢清裝做型有啲怪怪咁,可能因為條頸太短? XD

    回覆刪除
  2. My summer dream﹐反而印象最深的是粵語版﹐當年仲係寶礦力CM來的...
    願我倆可結伴去﹐同流浪每片天空裡﹐明瞭活著為了誰...Forever you~~~
    又﹐吳奇隆印象最深的﹐其實係小虎隊時期的《愛》(老餅到~~我驚你唔識添啊~~)

    回覆刪除
  3. 身為早期的柿隆/小虎隊粉,真係睇唔少娘到無命的MV。《星星的約會》、《叫你一聲MY LOVE》等MV無論係台風或者造型都巧京京。好在後來的《愛》、《蝴蝶飛呀》、《紅蜻蜓》等多返D校園味,都免強可以!到陳志朋當兵後歸隊的《星光依舊燦爛》MV直頭正正正,可以回味,再回味!《my summer dream》真係最正的柿隆MV!

    回覆刪除
  4. 對佢印象最深係《創世紀》
    細個睇個時勁奇怪點解佢D口音咁
    大個先知原來佢係台灣人!囧
    係入面佢唔可以講說演技出色,
    但都真係做得幾好,本身個角色都討好
    佢又做得好深情可愛,所以我都樂buy佢 =D

    佢首插曲《你不識愛我》都好好聽,
    係只佢D廣東話唱腔唔係好正0者 XD

    P.S.我覺得小旋風都幾OK,兩個都好似食左防腐劑咁

    回覆刪除
  5. 藍映:
    我都無特別架,只係當年吳奇隆爆紅,紅到嚟香港,總會識佢兩首歌咁…
    我諗佢係頸比較短,著咗古裝衫再戴埋頂帽好似無咗頸咁…同埋頂帽唔知點解好似特別大頂?

    回覆刪除
  6. 文少:
    首歌又確係好寶礦力feel,阿柿龍哥運動人形象都好配合個product呀…
    小虎隊時期啲歌我睇了幾個mv…娘到無朋友…笑爆了咀…(不過當年應該是很潮的舞姿吧?哈哈…我明我明,郭城城早期在台灣啲mv/歌都係那種style的…)

    回覆刪除
  7. 姜阿牛:
    哈哈哈﹗啲歌名都已經攞你命3千…
    我諗佢地一出道真係直dup少年隊,啲舞姿都有幾分人家的風味,多番啲校園風就有番少少自己風格…感覺會良好啲吧?
    柿龍佢地那一期啲藝人拖吓拖吓都始終會去服兵役,而家拍劇的偶像就好似拖到無晒影…講開又講…

    回覆刪除
  8. Nicky:
    (謎之聲:你果然是小朋友呢﹗哈哈)
    《創世紀》我無認真追,阿柄龍好似係同邵美琪一對同埋開pr公司的吧?
    我淨係記得佢好似係馬德bell細佬,我地都疑問點解同一個阿爸兩個仔講野口音爭咁遠…
    小旋風同阿乖乖虎都成熟咗,但成熟得嚟仲young young地,佢地真係keep得好架…

    回覆刪除
  9. 有無My Summer Dream嘅廣東話版呢?

    回覆刪除

要講幾句嗎?﹗XD