2011/01/04

我最喜歡的演唱會


原本興致勃勃,但睇完劉華演唱會後…um…真的不喜歡港式演唱會element,而劉uncle係齊晒喎…怪不得睇到我呵欠連連…。

(雖然個show我睇到瞓著,但本人還是很敬愛他的啦~)

即係呢,小的一星期內睇了hocc《Homecoming Live》和劉華的《Unforgettable演唱會》,有對比之下呢…即係呢,演唱會即係演和唱,視覺和聽覺效果都重要,我知我知﹗所以要爆破、要跳舞、要煙花…連火都玩埋(弄得我覺得好熱同空氣好悶焗…),視覺效果豐富到不行啊﹗但到唱那部份唔得既時候,我都係接受唔到囉…(好多時候爆聲和走音喎…)

我明,場地上伊館和紅館本身對歌手可以表演既方式已經有影響,伊館場細細感覺cozy啲,就算成場都係拎住木結他自彈自唱都不覺台上太冷清,但紅館不塞多啲dancer或道具睇落就空空如也,感覺很怪的…我明,我明喎,兩個show係唔同既…但係…演之餘唱都重要架喎…落力跳就大晒咩…

又說我真係好唔明,好地地唱歌唔得既,做乜硬係要勁歌熱舞(遠目…某hins…哈哈),一係就後面啲dancer勁歌熱舞,唔好難為個唔在行跳舞既歌手啦…即係呢…天份既野好難講,唔係個個都可以好似張學友咁練出「只想今晚擦著愛火花」囉…

劉uncle個show令我失望了(還是我應該高興原來我係有要求的?)。

唔係話港式演唱會就唔好,咁紅館個四面台又真係咱們特區特色,尤記得當年kinki來港開show時見到個台竟然可以set四面時大表驚訝(佢地個show都係開三面的說…),即係呢,視覺和聽覺效果要balance囉,總覺得有些歌手好像矯枉過正了,一大輪人體奧妙展般的體操表演,難度9.9999999999囉…但家陣你去參加奧運咩?﹗又真係睇唔出呢吓體操表現和首歌有乜關係喎…

啊…又或者係我錯了,唔誇又邊得嚟大家拍爛手掌覺得值,換少幾件衫大家又可能覺得主人家寒酸,唔扮吓encore觀眾又覺得唔抵…

雖然話小的不喜港式演唱會流程,但有一樣--bongbong棒…有佢觀眾(至少)隻手郁吓跟住打吓拍子,睇落萬壯觀好多,同埋肯定佢地唔係睇到瞓著,呢個錢真係唔好慳囉我覺得…(劉uncle你聽到嗎????)

啊﹗睇完個show之後鬱悶之情一吓子寫晒出嚟,好爽。

呀,開首貼既《芳華絕代》係我最愛的《Fantasy Gig極夢幻演唱會》,由走進場睇到煲碟到多年後的今天還是很回味…即係呢…我鐘意一氣呵成既感覺(雖然唔多明個音樂劇想講乜…哈),中間唔講野…一味唱一味跳,結尾先嚟做番啲例牌的唱經典歌、握手、收花、扮encore咁(想話唱medley扮開party都好行貨好悶吓囉…做乜硬係要我跳埋一份啫…我嚟睇你表演架喎?)、情深自白(講得好就話,唔好就悶到爆…)、嘉賓位(呢個位成日變咗sell新人時間…廁所位嚟既…)

這就是我的「好睇演唱會」既史單特了。以上。

4 則留言:

  1. 無論幾港式都好,唔緊要,但我最介意係握手位呀。我唔鍾意握位,唔係因為我冇得同冇錢坐前(咁真係冇錢嘅!),而係通常握手位嘅歌,通常都唱得冇咁紅,同埋俾錢係睇歌星唱歌而唔係去握手呀,而且握咗手又點呢?。。純粹個人意見。

    3rd Jan 2011 21:19 PM

    回覆刪除
    回覆
    1. 唔係掛?你都叫無錢…咁我咪負資產囉?﹗(XDDDDD)
      HOCC、敬HINS和郭城城我都試過坐貴飛位,近距離欣賞真係幾好FEEL架﹗不過那幾次都係因為有朋友識搭路而買到好位…平時我都係買二百幾…窮呀﹗
      同埋我幾憎握手位的,通常握手就不能唱好首歌,喂…我睇你唱歌不是睇你握手呀﹗(英雄所見略同﹗)

      19th Jan 2011 13:24 PM

      刪除
  2. 今次克勤+小交....比得上10年前港樂克勤...黎緊基哥開show...會唔會買飛

    27th Jul 2011 10:26 AM

    回覆刪除
    回覆
    1. DOUBLE咗?
      之前訂飛時我掛住訂張敬軒澳門個SHOW,MISS咗李克人這個,聽大家評價都唔錯…嗚…等佢出碟時買番啦…
      基哥就沒有太大興趣了…佢金記之後我都唔鐘意佢啲歌…

      1st Aug 2011 13:27 PM

      刪除

要講幾句嗎?﹗XD