2011/01/19

韓國一條街:莊園 & 清溪川

雖然我不喜歡泡菜國的東東(不要問點解…哈哈),但又喜歡吃泡菜國的東東(但不喜吃泡菜…)…

(圖片存了一段時間,那就貼出來呃文一吓囉…)



先來莊園
吃泡菜國料理我最喜歡就是這些小碟…多款式嘛,總有一款(通常係最些的菜)啱我呢啲揀飲擇食的人~





個人最喜歡這個望落似腐乳但其實係豆腐的東東…










(這是甚麼怪排版?﹗一係左一係右一係中間無得癡埋一齊既?)一行4人又叫熱吃又熱燒烤好開心的…最興奮係勁掉晒落個爐度勁燒佢…不過好易lone,同埋燒到乾柴。

忘了是甚麼味的湯…

話說呢,因為同行友人不是個個影影影的關係,於來相片都是求其影到食物樣子就算。之後放在ps執的時候…um…覺得好像沒甚角度甚麼的,張張都黑麻麻咁…於是狠下手chop將全相變成只有一邊(這幾個月用手機影時我都鐘意咁樣只影一邊…懶係有mood咁…)…

記得有次娘望住我影食物,見我只影一忽就問:做乜你咁影…無呀,覺得懶artistic啲囉。

就係為了自我感覺良好,如果用頹機但影得出張好相是很有滿足感的,不過我還未做得到,繼續努力~yeah﹗

海鮮石頭窩飯甚麼的,太多我不吃的配料在裡面,應該只有吃一小點吧?吃泡菜國料理最好一點是他們用的食具都很能保溫,放久了食物還是熱騰騰的,趁熱吃才好吃嘛﹗

印象中這個飯也是好吃的。






(其實我是很懶只較了auto contrast和color,卒之每張相片光暗不一的…)

兩個我覺得很回味的菜:節瓜餅和炒年糕。節瓜咁食我都係第一次,外層啲蛋漿炸得很脆很香口,入面舊節瓜(略硬的)爽得來又唔乾身,咬落去仲有汁bit出來添,出乎意料的好味﹗炒年糕望落好似腸粉…XDDDDD…比起之前去秀那家店那個年糕牛肉又是另一種美味…

相片放久了…除了我很難忘的節瓜餅外,其餘食物都沒留下特別深的印象了…
*********************************************************
清溪川

(這次沒有帶相機…只用手機影…)

一行三人點了套餐,一來就係一堆生菜和小碟,小的還是狂吃薯仔和菜…仲有啲菇…很多我不吃的東東…囧﹗

個set包兩樣燒烤的東東(我們應該是選了豬和魚?﹗失憶…忘了…),一個炒年糕(可選炒粉絲),海鮮湯,另有兩個飲品,望落item唔多仲諗住不如整多個炸乜乜餅時…原來都好飽肚架喎﹗


還以為係自己燒食物時…店家的人會走上來同你燒(仲會落蒜頭燒添…)…但佢地整整吓半路又會走咗去…留下片可憐的肉在爐中燒到變乾柴…囧﹗

另外個炒年糕好是好好味,仲有啲疑似菇的物體…於是食個唔停口…

海鮮湯因為是辣的…本人沒怎樣吃…但真係熱呼呼的…冬天吃一流。

去吃的時候店裡有人點了個面盆咁大的鍋來吃,成個鍋都是紅色佢地就慢慢夾夾夾的吃…好壯觀。

其實除了item少少地好似不夠開心(我是眼闊肚窄的…同埋有啲我唔食嘛﹗)外,感覺食物比上面一間好吃。

**********************************************
舊文:飲食雜碎:秀韓國餐館

沒有留言:

張貼留言

要講幾句嗎?﹗XD