2010/12/10

病態網民十周年誌

最近睇《社交網絡》,一開始係飛卜還未發展既03年…呀﹗7年前…諗諗吓…乜原來我日日玩既飛卜都係幾年貨仔…再諗諗吓…原來我上網都係近10年既事…但未有網上既日子好似離我好遙遠了…

只能說時日如飛…今年在我心裡…是充滿不退的記憶…~~~~~

(笑…呢首《深愛著你》又出現了﹗)

記得最初部衰機係win95,打啲唔知乜嘢code可以由中文視窗去英文視窗,但我完全唔知要雙語廣播嚟做乜...那時部機係用呢打機的,同埋唔知點解有啲 dos command可以玩青蛙過河的(很old school…),無聊時可以玩幾個鐘彈珠機和接龍,啊!少壯不努力而家徒傷悲耶!

之後換的電腦成功上到網,勾池地學人勁玩唉斯蕉(我真係好勾池的,我是9字頭8個字那年代喎﹗)…呀!又一個玩物喪志!不過初時都唔係玩得好勁,因為56k 很易斷線,要是有電話打入就慘了(特別係做online test的時候!)!!!唯有拔掉電話個插,但轉頭就俾娘鬧,當年手提電話費仲係要計住計住架!

如是者上網不甚enjoyable的,沒釀成家庭慘案都算係咁。

那個年代的notebook係成個快餐盤咁大,都唔知點稱得上卜呢…同埋一是要插lan咭一係插lan線,已覺得很神奇,portable喎,唔使吓吓癡住部大電視。很難想像只是幾年,notebook越出越細,細到一張a4紙都唔夠,仲要叻卜,之後而家變埋一塊板…再變到手機都可以上網睇一餐…唔使插咭又或插線,一個wifi就可以拎嚟拎去,直頭拎埋出街都得喎﹗一下子覺得生活實在係太美好了﹗不過so far我換了notebook後我拎部機出街上網既次數應該少於5次囉…

最初屋企只有電腦乙部,我要做功課弟想打機經常爭機用,不過轉了寬頻後唔使爭電話線已經好好多,起碼唔使一斷線就如似粵語長片「樓下山水喉」咁喊驚「邊個打 電話嚟呀…嘩…」。記得轉了無限寬頻後就係日日癡住狂上網的日子,有事無事都要上去搵野睇,那年頭未識睇forum又未有blog,仲興喺google度 開個domain整個人網頁的。而當年學過吓frontpage後我係打算開個安室奈美惠網既…稿都起好的了…只是後不了了之咗(謎之聲:我又唔得識日文 喎那時,唔通吓吓抄人家啲野咩…)…。又真係講開又講,寫網頁對我來說太難太煩了,blog真係爽很多,我剩係打啲字貼吓圖就攪掂啦喎﹗

又是一個難以想像…而家唔計手機屋企有3部電腦,完全唔使爭,加埋有個wireless modem人人有機用,實在…很網吧feel的。再回想番最原始既56k電話線…只能嘆一句科技實在係一日千里…尤其是,當當年駁上網既cable還是一 堆一堆的纏在屋企個廳到入房的牆角下…時間是飛逝了,但還是留有一點殘骸既咁…

而家用手機上網直頭連wifi都不用search,直接按browser出嚟就得了。方便到不得之了…但感覺又開始奇怪…一班人坐低食飯係大家不停對住部機刷刷刷的,跟住搭車又一堆人不停對住部機刷刷刷…不其然會諗,其實係咪真係有咁多網要上咁多野要知呢…

呃,唔好意思,其實我唔係話人係話我自己,因為剛才搭車時我就係不停全程喺度刷刷刷在寫這篇文…(能在車上做電腦文書野,10年前我也是完全想像不到呢…)

****************************************
飛卜癮之:
飛卜新世代.你like我都like…
社交空間絮絮唸
飛士卜恐怖
也談Facebook

史馬瘋與我:
沒有無限的日子…
How Iphone user's seen by Android Users???
瘋瘋的用途 (好在睇片癮唔係好深…)…

今日。脫教。天氣晴2~脫教後感(不過麻煩的是安卓好些字典是online查的…要搵定offline可查的app…要不就要請NDS出山了…)

2 則留言:

  1. 最初在家裏上網,用的好像是9.6k, 但都夠用了,因爲那時候,還未有Windows 95. 依稀記得,第一部手提電腦比現在用的厚一倍,display 好像只有8".我從不打機,所以對電腦能力及網絡速度,沒有太大追求. 也因此,每次換機,新電腦的能力都是幾何跳級,價錢卻是更低,感覺很有趣:)

    domotoiceko : 香港其實都係走緊東京既路,不過香港男女平等既程度比日本好,壓力應該沒日本女生咁大吧

    當然,香港女性地位比日本的高哦!其實,香港女性地位是冠絕亞洲的,除了俄羅斯.所以,妳可能沒留意,在這裏,為情自殺的,多數是男性:P

    10th Dec 2010 16:17 PM

    回覆刪除
    回覆
    1. 而家上網成日都有flash呀,popup呀,一陣又有啲爆出嚟既音樂咁,我真有點懷念95年代簡簡單單,有乜button就SHOW出嚟,睇個樣就知係乜FUNCTION,BROWSER又無咁多ADDON…總之就係用嚟睇網頁既野…呀…

      10th Jan 2011 13:34 PM

      刪除

要講幾句嗎?﹗XD