2010/11/01

回憶無價~草蜢《25週年繼續忘我演唱會》

點解我會睇呢…就係…哈哈﹗因為娘前陣子過了馬交睇完三位老哥既show覺得好正…跟住就撩我睇10月紅館既show啦…有個鐘意睇演唱會既娘親真好~飲勝﹗

一開場全場就high爆了﹗但係呢…我地呢個位有條黑色wire阻鬼住晒囉…我不依啊…

話說個show首先係草蜢自己25首歌既medley,之後就唱了25首別人的歌,然後就再唱番自己既歌,話之前睇完覺得好睇既娘親大人…竟然喺全場人狂叫狂拍bong bong棒時瞓著了…囧﹗

一出場來個敬禮,好有型﹗但阿傑哥個look好似沖完涼搵條毛巾包住個頭囉﹗

雖然話當年我其實無乜迷過三位老哥,但很奇怪佢地首首歌一嚟第一句就會忍不住跟住唱,然後越拍越high…第一part已經有人high到要起身跳…真係勁少見囉﹗

話說我前兩個星期先睇完Janice個show,唔係話佢唱得唔好既,不過佢啲歌我真係不太熟,又覺得普普通通咁,很多時候我都和同行友人傾計…。啦啦啦,聽住草蜢啲歌…不禁要講句:陪住我大架…一路聽一路諗番好多當年既人和事…突然好似後生咗囉…哈哈。(隔離隔離位個auntie high到支bong bong係咁fi到我娘添…)

回憶和青春都係無價既,幾舊水入紅館high一晚仲要搵番失去了既青春小鳥,抵喎﹗

同SK個case,復出頭炮梗係勁sell集體回憶,再開都不好意思又翻炒吧…今次佢地一口氣唱了25首別人的歌,遠古如《夢伴》(娘真係瞓著咗…佢竟然問我有無唱梅姐既歌…)、《深愛著你》(媽呀…我好喜歡這隻歌耶)、倫伯…這陷阱這陷阱?(唔exactly記得…)、《暴風一族》(救命﹗我又勁愛這首…I can break away~~~~)、《緣份》…同埋有一首唔知乜名既羅文…,新到陳醫生《無人之境》都有,咪話,聽開歌既就會好enjoy估歌仔(i.e.我…),一心去聽佢三個老哥既歌既話…應該係有成個鐘既廁所位…

估不到so boss會唱《愛我別走》(媽…佢地點解狂唱我啲飛佛呀﹗),跟住傑哥唱《紅》crossover《開到荼靡》時,啲dancer揹住對著咗紅色高踭鞋既腳(真係揹既﹗)好型…成年事好out of my expectation囉…(咦…SK姐上個show既名喎﹗)又係一大堆陪住我大既歌…咁我就聽/睇得好enjoy,娘越睇越靜…bong bong棒都廢事拍了…

不過有少少覺得如果掉轉,別人既歌係medley,自家歌可以唱番成首就好囉…。雖然我勁愛《鐵幕誘惑》個迷幻版…突然覺得阿城哥個版本好唔掂…哈哈﹗但我不喜歡好多自己歌得個INTRO,我滿心歡喜會唱時…呃﹗怎麼轉了另一首架﹗

好在第三part唱自己歌時終於唱番全首,好多我既飛佛都只得一兩句時,《LONELY》唱晒全首…大合唱之餘仲唔夠喉要嚟多次全場一齊LA……

又話時話,《熱力節拍》時做乜唔叫阿威嫂粉墨登場一吓呢,佢都係原唱者喎﹗

散水時大家都唔捨得走,娘話:十一點半咁早散場…呃…人家八點半開波,幾乎又跳又唱玩足三個鐘…都值回票價啦﹗而且要留力嘛,尾場就話玩到癲啫…

呢個show係到而家為止我睇得最enjoy最開心既一個(風師弟個show如果唔係咁早收工我會俾高啲分既…阿prof.傾個show我都睇得好開心架其實…Janice那個睇黎老闆點硬sell旗下藝人都娛樂性十足既…敬hins年頭那個…已經被我無視ing了…囧),絕對值得賦文一番紀念吓…睇吓12月尾劉華大帝那個30周年演唱會又掂囉~~~~yeah~~~I dun wanna say goodbye~~~~~

另…前一晚嘉賓係學友爸爸,我睇那晚係明哥…最大發現原來《紅唇的吻》第一句「不需要有原因…」後那個低音UMUMUM既係佢唱既﹗嘩﹗但佢老哥睇錯大電視囉,《芳華絕代》個「芭鐸」佢唱錯「芭澤」…囧。

********************************************
yeah~~come on﹗繼續:突然懷舊之草蜢篇

2 則留言:

  1. 哎呀有個friend都係睇明哥呢晚, 真開心! 我地睇果晚係伊健+古惑仔, 都係好開心, 平時麻麻地佢, 但唔知點解果晚佢一出場我都要大叫! :)

    唔知係咪我弱/心血少, 我覺得音響有少少太勁, 幾驚頂唔住...

    我地都唔鍾意佢地唱太多人地啲歌. 一心嚟都係聽佢地, 第一次捧場睇草蜢咋, 唱咁多人地啲歌.

    3rd Nov 2010 01:52 AM

    回覆刪除
    回覆
    1. 唉呀,我鐘意古惑仔和伊麵喎﹗
      其實我平時睇SHOW係好靜咁坐起度,幾難得今次我會HIGH到郁身郁勢…
      係囉,唱得太多人地既歌,雖然話揀得既對佢地都係有特別意義,但觀眾未必首首息…我覺得掉轉,別人的歌唱半首,自己既歌REARRANGE過都無問題…大家都係想回味吓25年嚟佢地既作品啫…

      3rd Dec 2010 15:07 PM

      刪除

要講幾句嗎?﹗XD