莫失莫忘：我的豆瓣

已忘了何時在豆瓣開戶(應該於寄居鮮奶國前開的)，只覺得有個地方記著自己睇過的、看過的、聽過的，又有得留下幾句評語，又可以和人交流一下，有趣…

我的豆瓣封塵多時，這一水突然想的起心肝攪好佢，想記下喜歡的東東卻不知從何想起，迷惘…

最近常到豆瓣處更新自己看/聽/讀過的，登入前滿腦子都是想入的項目，登入後好像失憶似的，茫無頭緒不知從何search起。忽然想起有人說，死前一刻最想見的人是誰，那人就是你一生最愛…當然我唔想到死前才想到自己最愛的書是那本，戲是那套；還是趁我少年柏金遜(我在扮後生﹗呵)未病入膏肓前快快記下。

這一陣子，我將豆瓣當成房中書架的數碼版，貪佢可以帶著到處走，遇到同好就介紹心頭好…

<--超開眼界，書中到訪的書架可比圖書館，當媽媽再唸我買書買得多時，我該揭這書給她看，你個女還有未有耐儲到這個地步呢﹗嘻嘻

很久沒揭過這書，基本上收進書架後已忘了。都是在豆瓣搜吓尋吓從旁邊的推介「豆瓣猜你会喜欢」欄處重遇，失落的記憶才被喚醒。(26/6/14後按：我真係copy出嚟架喎﹗簡體字﹗)

貪新忘舊嘛，手執新書時還記得和舊的相處時光？不過我係一個念舊的人，搵日得閒揭揭佢先。

初遇豆瓣時好像只有書和音樂，最近再遇時音樂部份唱片很update(因為豆瓣database沒的可以由用戶自行補上)，連本人至愛的pop到不行J家仔碟都有，好些更有試聽(這個我還未試過…)，暈，點解會咁全面？﹗

電影方面我睇戲唔多，口味又唔算偏，我想搵的都搵到，最正的是已存有imdb連結，睇得西片少的本人隨時可以惡補吓(唔係點搵杜比仔舊作﹗呵)；不過我最留意的是下面的推介「喜歡xxxx片的人也喜歡…」，喚醒我唔少早已遺忘的電影回憶。

「我看」一欄最奇是有日劇，本人又點會唔啦啦add晒本人熱愛的劇集呢。不過…drama唔係movie…不如加一項劇集類，最後加埋中外電視劇(外國電視劇係有，不過我search極都搵唔到港劇…)，全面啲丫嘛。(26/6/14後按：已經有的啦﹗)

淨係玩聽/讀/看已玩過不亦樂乎。還有一大堆評論、群組、九點(儲著常到的blog、推薦的blog文章)、條目(在豆瓣會員首頁顯示自家blog最新文章)，這些我還未(曉)涉足…

最好玩的都係可以insert隨機選的書/碟/戲圖到自家blog，有時我會無聊聊refresh自己blog，為的就是看之後出來的六個是那啥…哈，好無聊…

只要豆瓣唔執，我又記得login id，他日再看今日自己的口味必定很有趣…(26/6/14後按：而家再看的感覺就是…乜我有睇/聽過呢啲野咩﹗﹗﹗﹗﹗做乜當年我咁得閒﹗)