2016/01/06

新春東京遊(2)+10年自high系列~シーサイド造船所


前文說唔覺意發現《唯愛》裡的船廠就係《Second Love》的那個,好興奮之下再唔覺意發現係可以去參觀﹗然後發電郵俾船廠的一方…又真係有得參觀喎﹗超開心…但原來我去的那天船廠還在休息,但第二天我又一早要出機場回家了…總之…好多謝松田叔叔熱情款待和阻咗佢休息時間~

話說,我成日覺得好山卡啦,但原來船廠附近的東神奈川站其實只係喺橫濱站附近,超近的說。而船廠位置都係腳程十多分鐘…只係我作為神級迷子可以路過而不入,本來預多咗的時間就變成剛剛好無遲到…囧

噢…會睇到箱根駅傳的嗎?然後在迷路的過程中流了很多汗…熱死我啦…呀…這是廢了的路軌嗎…很artistic的說…

<--搵到了﹗

本身松田叔叔說去到的時候打俾佢,咁我去到後就search電話(這是唔準備定的結果…文明利器嘛我有…),搵搵吓的時候佢就行咗出嚟發現我…哈哈…





打完一輪招呼後叔叔好熟練的介紹每個角落喺邊集度出現過…同菜緒屋企都隔幾遠架喎…fing野應該睇唔到的吧﹗(果然劇集是浪漫的…)…然後,叔叔的記憶力超高…每個角落都講到係邊集邊個做啲乜…其實我先剛剛睇完…囧

好癲呀﹗真係劇入面用過的機器﹗然後叔叔很熟手地說影相啦…哈哈…勁nice又勁攪笑…

同當年套劇沒多大變化…好癲﹗而叔叔說啲機器又真係用得架喎﹗(這是實際運作的船廠呀﹗)

叔叔係咁話邊支係弘人用過…其實我唔記得…XDDDD…then佢指住23號說係弘人生日…跟住我諗…套劇唔係話菜緒平安夜生日…噢…search一search,2月23日係龜梨和也生日呀原來…

左邊好似係《第二春》食飯的地方…then右邊部機係弘人用嚟整介指俾菜緒…我一路以為係咪船廠staff幫手整…叔叔說係Star Jewellery出品的說…而呢個牌子我一路以為係套劇自己作出嚟,點知真係其牌…好大的product placement呀~~~

左邊係工人吹吓水講無bonus個位我知…右邊係菜緒發現廉整的海豚個位…好癲…叔叔記憶力真係超強…(就說佢睇咗套劇幾多次?)

我好似每次來橫濱都係熱到癲…

這隻船仔當然都係重點,叔叔如數家珍的說前面係弘人和菜緒kiss的地方,後面就講第時生幾多小朋友的場口…太勁了﹗好在我都剛重溫咗…唔係真係接唔到﹗少不了,是叔叔係咁幫手影相留念…太強了﹗最攪笑係叔叔會set機一齊嚟自拍…

船廠角落的花花…應該無在劇中出現啦~

轉上去弘人屋企度,最大的改動係呢度啦,而家呢度係船廠的office,當年套劇個屋企+office係喺呢度set出嚟的…

周圍影吓…

入到office內叔叔再介紹邊個角係弘人間房邊度係廚房邊度係乜乜物物咁…好勁,真係好記得啲細節位…

好攪笑的弘人出張中…同埋叔叔送的紀念品…一把梳…來自弘人君架~

行完一圈叔叔些牙咗啲其他喺度拍過既劇既相呀簽名咁,原來dd套《黑金丑島君 Part 2》(定part 1?而我不知道)、長瀨叔套《華麗間諜》、《Boss》、《雙頭犬》都有來這裡取景,嘩﹗真係而我不知道,then當中叔叔講得最多既都係某龜,重覆了好多次佢係禮儀好正式的年青人,如果佢有tour開都會來拜訪,有次年末因為去大阪開con不能來喺電台節目度同叔叔講唔好意思,又有次訪問講了兩個佢對佢成長重要的地方,一個係佢小時住既啦,一個就係呢個船廠,話佢20歲時好迷茫,正好出道同拍了《唯愛》,令佢覺得呢度好有親切感咁,看來叔叔某龜真係friend,同佢好錫呢個小朋友,仲有問我有無睇《Joker Game》…哈哈…未呀﹗sorry﹗

我不好意思說,雖然我都好愛KT,但佢地出道時我堅覺得係不良少年…

之前見有粉說叔叔送生寫,但其實我有少少擔心版權問題(這個其實我想問的…不過無問到…好似好失禮…)…叔叔真係好周全,仲有塊板俾參觀的粉留個言,佢仲會寄(係寄﹗)番影既相俾我…去我屋企喎﹗仲好認真咁確認地址…嗚﹗我又食又拎…(唔記得拜訪前買啲土產…)嗚嗚嗚嗚…巧簡棟呀﹗

如果你堅抽鐘意一套劇鐘意到一個點,去到睇到咁多野個開心度真係不能言喻,只能說有去到實在太好了。

而我估,傳說的搬遷是運作的部份吧?因為真係好多劇呀節目會來取景。同埋,原來有好多香港的粉來搵叔叔參觀,大家都應該估唔到當年套咁低收視又劇情老土的劇會咁影響深遠吧﹗~

2 則留言:

  1. 會唔會其實佢都係粉…

    回覆刪除
    回覆
    1. 咁多劇喺佢度拍但就只係用弘人個名…要有好大量的愛先可以為套劇攪咁多見學﹗

      刪除

要講幾句嗎?﹗XD