2014/06/16

[日劇]《軍師官兵衛》

原來上年去京都時參觀過的長濱城跟黑田家有關係的,跟住食野的地都已經掛banner說嚟緊套劇關我地事架咁﹗(日本的劇集/電影取景的地方又真係會好令人想去現場看一吓的說…)…

當時其實無意圖去追的,只是最近睇完《永遠的零》突然中招,好想一條龍吓准一哥作品時發現係喎,今年大河劇係佢做架喎…就係咁…發咗癲…

之後,每次開《異鄉人》都覺得在浪費時間…

出發去東京之前只係睇了少少第一集,就係唔知邊個打邊個囉(despite我睇了《信長的廚師》和《清須會議》喎),咁就放在一邊排住隊先…但去到第一天晚上剛好係星期日…一開電視(preset了在NHK﹗)天意呀…就見到套劇做…睇完一集突然熱愛起來…

雖然,我係唔明半兵衛又官兵衛邊個打邊個,同埋唔係話佢係軍師,點解成個乞兒咁瞓喺個山洞入面…囧…

於是第二日我去開書店時見到上圖NHK出的兩本特刊,喺去鬼怒川一點也不快速的快速列車上煲完本上編,我終於明了,原來套劇播到差唔多一半,同官兵衛亦兄亦友的半兵衛(谷原章介)瓜掉,被抓再困進牢裡的官兵衛被救出來…攪一輪後佢終於「企」番起身…成為真正的軍師了…

我想話啲人物多到嘔,啲阿叔又個個都差唔多既面口…真係睇少眼字幕都跟唔切…。咁當中都有好多係識既,好似做織田信長的江口洋介…which我見佢fei開件衫唱「人生五十年…」就想笑…(sorry,我還是覺得佢係《同一屋簷下》的大佬)((劇中二佬福山大叔前幾年演過《龍馬傳》,而當年做佢女友的內田友紀姐姐今次係信長的老婆…噢﹗)),跟住竹中直人做豐臣秀吉,雖說一開始信長遇到秀吉時前者廿鬆,後者四廿鬆…但佢二人…都實在太超齡…又是一個好想笑。跟住做秀吉老婆的係黑木瞳姨姨,明明佢喺我印象中係溫文大方架嘛,而家見佢high晒咁大聲講野大力跳又是一個很奇怪…跟住我見到黑木姨姨和官兵衛同場時不停諗起幾廿年前的日劇《オヤジぃ。》是母子(14/7/14後按:更恐怖的是原來准一和黑木姨姨喺04年有套《東京鐵塔》係演不倫情人的說…囧)…囧…呢啲選角都算啦…我真係接受唔到中谷美紀姐姐做酒井若菜個妹囉…邊忽點睇都係若菜細過中谷大姐嘛,都唔好睇演佢地阿哥那位金子ノブアキ先生(而我不知道他是誰)((14/7/14又按:唔翻都唔記得,若菜姐係《木更津》的女主﹗而喺《木更津》和《虎與龍》都有份的塚本高史都有演《官兵衛》呀﹗個關係圖幾複雜﹗))

um,好多吐嘈,見到中谷美紀拍埋岡田准一度時我不停想起中谷姐姐喺《清須會議》度係秀吉老婆,硬覺得有啲奇怪,跟住點睇中谷個樣都係姐姐囉…呃,同埋呢,講佢陀住松壽丸時…個假肚頂到上心口咁濟…想點呢?(啲彈幕係咁吐嘈呢個…好好笑)((呢套啲女角個個都有咁上下年紀,細個啲既只有桐谷美玲和南潭奈央…囧))

呀…講起松壽丸,演佢那位didi眉清目秀幾可愛咁…一睇…咦,好熟口面喎,跟住search一吓…車…佢咪就係一開始演佢阿爸官兵衛細個時那個didi(即係上面那兩幅「神探官兵衛」…XDDDD)…使唔使咁慳錢呀﹗

特刊有好多令令的相…揭揭吓仲現後編有塚本高史和斗真同學喎﹗

雖然我是看得很開心,但除了人腳,我仲想吐嘈…啲打仗戲…係好蜻蜓點水,准一哥喪叫幾野之後打打打幾野就…完咗…吓?咁都得…或許啲budget都拎晒去請人腳和做戲腳了?同埋呢,其實so far我只看了幾集上年的《八重之櫻》…個片頭…其實都幾似…大家都係喺水度出現主角(遙妹係慢慢企起身,准一係飄塊面出嚟),雖然啲配樂好雄壯有氣勢,但個編排都好似…係咪年年大河劇都係咁樣整片頭?講起上來,打仗場面好似上年《八重》大規模啲…定係因為而家我只睇到黑田仲係小寺家家臣…講緊幾千兵馬所以唔去得咁盡住呢啲畫面?

我在喪踩嗎?不不不不,其實我睇得好enjoy的,而家去到第十一集左右,官兵衛初見信長,深得秀吉信任,而半兵衛對佢漸漸欣賞,但睇年紀呢,那時官兵衛約三十,離我剛剛睇第廿二集半兵衛死那集時約三十二歲,究竟點樣可以喺差唔多十一集入面深入地講年幾兩年既野呢?囧…

除了買書睇,小的繼續上年到NHK店發癲的行為…哈哈哈﹗官兵衛好可愛呀~~~~ 繼上年去完長濱…今年唔知有無得挑吓福岡呢?

進度去到26集,就快本能寺之變啦﹗-->[日劇]追劇進度雜談

8 則留言:

  1. 茂呂美耶的"敗者的美學"內, 都有提到官兵衛, 短短的我已用來惡補一下, 因為NHK 本特刊日文來的, 我只用來看相吧.
    你的一條龍計劃應該比我進展的更快. 我建議你比多一次機會給SP, 因為我就覺得很好看啊.
    おと・な・り我都很喜歡, 反而天地明察我就覺得戲劇張力較少. 原著可能更好看.

    回覆刪除
    回覆
    1. RE:Saman Man

      《敗者的美學》我買了排緊隊睇,同埋之前睇《清須會議》時買了些關於戰國名將的書都拎出來補一補…太多人我記唔晒呀﹗哈哈哈…

      《SP》電視劇我爭個尾,好啦,我煲完《虎與龍》就睇番﹗(已經去到第十集﹗好快﹗)…哈哈…

      《天地明察》朋友說無睇原著可能好啲…香港好像只在日韓電影節上過…唔知有無出碟呢?特別的觀看方法好似找不到呢…嗚

      刪除
  2. 閱讀次序上我和你剛好相反, "敗者的美學"比"清須會議"為先, 可能是我給"清須會議"開首"信長"的碎碎唸嚇親啩....

    "SP"我看了數不清的很多次 (除了片桐仁客串那集以外, 那個結局太令人傷感了), "虎與龍"我還在第一集徘徊.

    "天地明察"我是通過了更特別的觀看方法去看, 就是在淘淘網買碟回來看. おと・な・り的觀看方法都是一樣.

    回覆刪除
    回覆
    1. RE:Saman Man

      《清須會議》我看了戲未看書,而家睇緊《永遠的零》小說,有排睇呀﹗
      說起信長,我唔係好記得《清》片誰演信長,反而好記得《信長的廚師》是及川光博,跟住每次睇《官兵衛》見到大佬出場都想笑…

      《SP》我搵唔番片源,但無啦啦搵到《木更津貓眼》,原來當年我只看了兩集就頂唔順個風格,可能過程中已睇了N年《虎與龍》,今次睇得好開心啊﹗哈哈哈…唉呀,其實我都係想追番《SP》呢…

      我諗,你提過的幾部戲如果我都係搵唔到特別的觀看方法來看,我會趁去日本時訂DVD﹗嬲﹗

      刪除
  3. 我知我衰架啦. 其實我對本命們的愛不夠對自己荷包的愛大, 所以雜誌會買, CD會買, 電影入戲院睇, 但劇集DVD就.....找淘淘囉, 相棒有12季, 唔計有線開始播的第8-12季, 頭7季若想睇番, 係日本madarake睇過一季個價都唔平, 試過係book-off睇到"情定大飯店"(日版)個價, 嘩, 嚇我一跳.

    回覆刪除
    回覆
    1. re:Saman Man

      其實我而家都無以前咁癲啦,kinki和安室我已經退到只買大碟儲,細碟和演唱會有時都唔記得買,跟住喺店度見到又唔記得有無買過驚duplicate攪到又係無買…哈哈。

      電影我鐘意入戲院睇既,不過好多時失驚無神鐘意一個演員又撞唔正上正場就唯有搵舊碟或搵特別的觀看方法囉…

      劇集呢,n年前小店…好懷念…記得02年去台北時周街都有日劇(當然,是特別版的)boxset,一吓子入番好多期待已久的超舊日劇…勁開心…勁在擺到而家都仲睇到。但如果係勁鐘意的其實我都想買番dvd來儲,但我孤寒…哈。

      我喺tetsuya度都有睇過啲二手劇boxset,二手都萬萬(yen)聲,買唔落呀…我都係睇番特別的方法算了…

      刪除
  4. "SP"日劇版就真係難搵, 不過若是找2集電影版, 咁又唔同, HMV你可以試試.
    其實我時時都好神心咁去HMV, 就係睇下有無日本片無係香港上映, 但照發行DVD, 例如之前部 "遺體", 我就係HMV掃, 鬼叫電影節播放時間難就放工時間.

    回覆刪除
    回覆
    1. re:Saman Man

      我搵到個英文字幕的﹗哈哈哈﹗啲對白一口語同講得快我就追唔切的了…
      《sp》電影版琴日去hmv看看,兩集有齊﹗仲要60蚊一隻…好開心呀﹗(我望住《圖書館戰爭》一隻都95蚊的時候…)

      呢刻我想搵斗真的《腦男》,博客來的那隻訂唔到去海外(但《天地明察》又得喎)…唔通我要去台北買…囧

      刪除

要講幾句嗎?﹗XD