Any肥，唔覺意click到呢篇《TVB迎史上最弱年 兩部台慶劇居然一個獎都沒拿》，真係唔講唔覺，一講好覺，兩部台慶劇《法外風雲》和《On Call 36小時2》真係掃唔到乜野大獎，最佳劇集被《衝上雲霄II》拎咗，只能"MANG"車邊將拎飛躍男的王浩信計在內？﹗(佢有份演《法外風雲》的…)…呃，《法》我坐低看了一集，但見阿陳毛和黎視帝就意大利遊艇打官司的隨意和隨心…呃，我SKIP了。至於《On Call 2》，第一輯我還是有興趣的(雖然一年過去了…我仲係停留在第一輯的第5集…囧)
重點是…我完全不知這兩部是台慶劇呀﹗乜唔係《衝II》和《MY盛LADY》咩？﹗囧
Any肥，今年我看港劇少之有少少之有少，集數最多或許是《老表你好野》，其餘的就係17哥主演的3套(《巨輪》我都睇到十幾集的，其他兩部就各頂了幾集咁啦)，本來覺得《衝II》有機完食，但實在受唔住啲煩爆的三角戀，SKIP，滿心歡喜的《金枝II》都好似睇了幾集既。UM，這就是我今年的港劇報告了…哈哈。你問我近年無記有邊啲劇好睇，我還是會答《洪武三十二》和《真相》囉~
好啦，先來回顧一吓上年的劇集：
金枝欲孽II—我好像只開了個頭同埋唔覺意睇了個平行時空的結局…其實我真係好鐘意第一輯，我仍然想向好的方向諗，而家個頹的感覺係我無睇晒成套劇所以先有呢個幻覺？著晒會覺得有其精妙之處？幻覺呢既，呃唔到我既﹗
On Call 36小時II–我好像只係行過去廁所時唔覺意lap到少少，點解我次次lap到都係gigi姐在講生命的美好，楊怡一時有bb一時無bb，每次佢都在多謝老公，跟住郭政鴻成日喊苦喊忽咁，咩呀？同埋唔知點解啲醫生次次都被病人的生死影響情緒，唔係話佢地冷酷無情，但你做得呢個專業總應識調整自己情緒吧？會唔會未免太為煽情而煽情呢？
仁心解碼II—一集都沒有看過…despite我係好鐘意方中sir和第一輯的…
巾幗梟雄之諜血長天 –沒有播到喎…但就算佢播應該都會如前兩輯咁行過先lap吓咁…
衝上雲霄II—其實我是有意圖或企圖認真看的(這篇和這篇)，但唔click真係唔click…看來我真的很不buy囧囧姐同佢支維他命水…就算佢個角色比起以前已經好咗好多…(就說我連第一輯都無乜感情…)
情越海岸線—好啦，是我粉絲失格，只看了幾集…哈
心路GPS—堅係我粉絲失格，不知何解我對這些溫情小品沒太有感…
叛逃—究竟幾時先播呀？我覺得呢套會挑得起我的追看癮架﹗
巨輪—雖然我有為佢落力寫了幾篇文(呢篇、呢篇和呢篇)，也有熱情地追了一輪…但…um…就是有點婆媽…哈，同埋呢，我明要重造80年代場景係難既，穿崩係少不免的(看《天與地》)，但簡單如tbb自己可以控制的差人制服可以執到啦掛？90年代都未著藍色制服…你恰我讀書少呀﹗
老表，你好嘢！–呢套堅係好睇的，不過印象告訴我我只看了大半…哈
好心作怪–其實呢套我覺得ok的，不過公事忙既時候就沒法追看…
師父．明白了—成套劇我最記得係《化蝶》…同埋有人唔知原唱係hocc…吓？都係2005年既歌啫…未夠10年架喎﹗
神探高倫布—食飯時唔覺意lap到少少，每次都唔明點解唐詩詠一時正常一時喪癲…
傳愛事務所—出街時變了《法外風雲》，也不知道原來是台慶劇…更不知道佢播完了…哈
初五啟市錄—為甚麼唔係喺初五時播的呢？
寒山潛龍—沒有拍得成的吧？
單戀雙城—據說是接《舌尖上的公堂》的說…
戀愛季節—咦，係咪即係除紙山又叫summer，跟《心路gps》17哥撞名那套？
法網囂雄—出街改名成《熟男有惑》，睇了少少幾好笑的…雖然真係幾抄《紳士的品格》吓…
情逆三世緣—食飯時lap了好幾集，感覺其實係ok既，難得二人幾廿歲談情說愛都無突兀感覺…但就不特別在意去追…
神槍狙擊2013—點解全世界都係短打時得香香係背心？最爆係佢同《巨輪》一齊有綁架…哈哈哈﹗同一條橋怒翻兜…哈哈哈﹗
食為奴—這部…是有的嗎？
其實，堅係乏味，完全無一套可以全套完成，長係固之然，回帶的劇情先想死…哈哈。雖然同時候，我回帶了幾次《聽見你的聲音》和《學校2013》…哈哈。
至於2014年的，因為我miss了節目巡禮(連續第二年不知道佢播咗…囧)，只能上網搵資料整理番，據說為了救亡，2014劇集會大大減少so-called無記強項的家族情仇劇，多番啲小品溫馨野咁，又即管放長雙眼睇吓點啦…
家族商戰類：
《商戰》黎耀祥、吳卓羲、蕭正楠、李思捷、黃德斌、馬賽、胡定欣
網上說：該劇講述現代商場的戰爭，劇中角色坐在高端寫字樓，
其實我唔太鐘意睇《創世紀》(太長太悶了…)，《大時代》(算是
《縱橫天地》趙雅芝、汪明荃、劉愷威、黃德斌、唐嫣
網上說：圍繞名門家族，講述一個充滿愛恨情仇的家族爭鬥故事
咦，係王晶監製，同埋已經拍完了…囧，唔怪得個卡士有咁多一早返了祖國拍劇的人既人腳啦…但會唔會好似《歲月lone人》那些咁…奇妙呢個效果？(睇劇情介紹，黎視帝演汪阿姐老公…好似係話幾廿年前同埋男的會早逝，唔係都幾驚)
《守業者》楊怡、馬浚偉、麥長青、邵美琪、唐詩詠
網上說：民初家族爭鬥中的生死之情，而且還有推理元素。
《大藥坊》鍾嘉欣、黃浩然、陳展鵬、唐詩詠、敖嘉年、楊思琦、杜
網上說：以中藥世家為題材的劇情設定，又讓人想起TVB過往由《
警匪片類：
《使徒行者》林峰、佘詩曼、苗僑偉、陳敏之、森美、江美儀、張國
網上說：以3000個臥底被公開身份為爆點。陳敏之扮演ICAC
《天眼》陳展鵬、楊怡、黃德斌、田蕊妮
網上說：以監視系統為主綫，楊怡變身全副武裝打女，
雖然看來不錯但我一諗起楊視后(我開始叫佢視后…即係我唔鐘意佢了)會唔會又以佢天變地變色不變的超強smoky eye和睫毛演呢個打女角色呢？囧
《忠奸人》吳卓羲、郭晉安、田蕊妮、李子雄、商天娥、陳智燊、張
網上說：像當年郭晉安與另一搭檔鄭嘉穎默契合作的《與敵同行》，
《飛虎II》馬德鐘、鐘嘉欣、梁烈唯、羅仲謙、黃智雯、胡定欣
網上說：馬德鐘和鐘嘉欣的“大叔和蘿莉配”組合，羅仲謙、
搞笑類：
《老表，你好HEA》王祖藍、王菀之、郭晉安、萬綺雯、林盛斌、
網上說：2013年迄今為止的收視亞軍《老表，你好口野》續篇。
《醋娘子》胡杏兒、吳卓羲、羅仲謙、岑麗香、郭政鴻、陳煒
網上說：本身並不開朗卻被TVB硬生生塑造成喜劇之王的胡杏兒，
女人劇類：
《女人俱樂部》（M Club）李若彤、李麗珍、陳慧珊、葉藴儀、張慧儀、吳啓華、鄭
網上說：靈感來自韓國大賣電影《陽光姐妹淘》，
《水髮胭脂》蓋鳴輝、黎耀祥、陳智燊、龔嘉欣
網上說：中女蓋鳴輝與黎耀祥的一段歡喜姻緣，蓋鳴輝反串小生，
翻兜類：
《太監五虎》黎耀祥、黃浩然、蕭正楠、陳國邦、曹永廉、邵美琪、
網上說：2012年台慶劇《大太監》傳說中的續集，
《貓屎媽媽》黃宗澤、岑麗香、胡定欣、米雪、古明華、朱咪咪、王
網上說：《巴不得媽媽》續篇
其他類：(也就是唔知點分類：)
《陪著你走》陳豪、胡杏兒、黃翠如
網上說：TVB如今“以重口味造就話題”的潮流之外無私奉獻的一
《愛我請留言》黃浩然、黃翠如
網上說：帶出現代人喜用電子通訊工具溝通問題
《再戰明天》吳啓華、徐子珊、黃德斌、滕麗名、王浩信
網上說：從宣傳片看應該是以監獄為題材的劇集。
順手貼埋傳說中的綜藝節目：
- 《龍婆一鬼一故事》羅蘭
- 《辣㷫王》李思捷(謎之聲：那一格其實係乜野？)
- 《食平DD》肥媽
- 《星夢傳奇2》
好恐怖，咁樣貼吓改吓寫吓就寫了兩天﹗哈哈哈…但其實寫完一大堆劇集我又未必睇…哈哈。算啦，鬼叫年年寫，已經係個習慣啦~
我覺得今年最好睇係巨輪，雖然都係婆媽，不過D劇情爽少少，睇都睇得開心D, 美中不足係無真係好利用到個歷史囉...其他都係虎頭蛇尾...衝2真係唔拍好過拍...
回覆刪除re：鈴
刪除我諗今年我最有印象的是《老表你好野》，《巨輪》…我承認我是有啲歷史潔癖，對啲錯時代既道具描述係有好大怨忙…哈。咁比起睇到我呵欠連連的《心路gps》和《情越海岸線》，《巨輪》係好睇好多既…
巨輪雖然好多穿崩位但展鵬男神真係撐起晒成套劇，佢條線最好睇，澳門線幾悶下。
回覆刪除老表、巨輪、好心作怪、熟男有惑、情逆三世緣、情越海岸線，這些都是今年我看過又好看的一類，推薦看完。
蚊B的食為奴之前在WIKI看明天二月左右播
re：WINSON
刪除17哥個樣硬係奸奸地(笑)，做啲亦正亦邪既角色係好殺，《巨輪》個角色明係度身訂造的啦…不過係我自己太忙無時間煲咁多劇，同埋無記啲野太易估劇情了…所以追追吓無心機了…哈哈哈
其實我好期待《叛逃》，好驚佢擺吓擺吓直頭唔播呀﹗
諗諗吓，成年以來睇得集數最多的可能係《老表你好野》，係飯時幾乎日日都有睇啲咁…
蚊b、阿田、江美儀喺無記都有發展，加埋有線幫，無記親生仔女今年表現真係好失色呢…