《No Breathing》、《掃毒》

呢個時候真係新歡加舊愛(<--咦…這是陳妖LONE的一首歌﹗哈哈哈)共冶一爐啦~~~~~~

我又來很懶的POINT FORM了…

《NO BREATHING》

• 睇住DIDI白雪雪的排骨波地諗起當天古黑子演《神鵰》時的模樣…(過兒同姑姑喺後山練玉女心經時咪要除衫既…阿排骨過兒…我笑咗好耐…)
• 我想問點解啲主角一定要童年就識？而好多時個情根仲要細個時已經深種？
• 元日(徐仁國)明顯係男一啦，討好到不能(如果不是DIDI粉的話應該會幾討厭呢個白雪雪又成日黑口黑面的死人排骨仔…)，攪攪笑笑懶係頹但全世界都會幫佢喚醒體內潛藏的潛質，唔使問，最後兩男的大戰梗係佢嬴啦﹗
• 佑相(李鐘碩)黑口黑面懶係COOL咁但又鬼咁有實力，死啦…我突然覺得元日個設定戴志偉，佑相好小志強添﹗所以大頭妹最後係一定會鐘意志偉(元日)囉…囧﹗(其實唔講足球，講籃球都得的，櫻木花道對流川楓((係咪咁寫個名？))(((哈，兩套野我都係鐘意懶COOL那個架喎﹗)))…ANY肥，總之都係追唔到女主啦)
• 數完一輪卡通，呀﹗都係運動野…所以條FORMULA都係差唔多的說﹗
• 於是女主角正恩(YURI)是極度可有可無，雖然啲男角掛住追度游水夢時佢係有去參加歌唱比賽追度音樂夢，但其實跟主線無乜關係，除了俾佢發揮吓唱歌之外…而，我發現我係完全唔認得YURI既樣…DESPITE我已經成日聽/睇少時既歌…囧﹗
• 咁青春片嘛，都係咁上吓啦，男角大家都有大家的夢魘，因各種事情失意而到同一個地方相遇，一定有其他實力差好遠的二打六，咁男一(元日)就同佢地攪吓笑咁，男二(佑相)就同佢地唔啱的咁…嘩﹗好《男兒當入樽》囉﹗
• 話說入戲院之前喺微博見到優酷有中字版…睇了大半，發現…UM…香港的上映版CUT了好多野，例如在菲律賓集訓時啲團體訓練咁，佑相就係喺集訓那幾日發現元日原來係有實力的，仲講了好多野串佢激發佢咁…但都CUT了…囧。呢一段就係之後佢學會了團隊精神…無咗好似怪怪地…
• 但話說回來，中字版我覺得好長好悶…呃…不特別熱血(比起《KOREA》)，一味見兩男在喪游(和SELL BODY)…愛情線又不特別特出…有啲唔知佢想點…都係SELL吓令仔令女咁啦…YURI…所以要怒唱歌囉…
• 說起《KOREA》…怎麼一定要喺飯堂打交既呢？
• 就係港版CUT咁好多野，流暢咗…入戲院睇時無覺得悶了…
• 《DREAM HIGH》最後森動係拎了格林美(而我是笑了很久的…)…今回元日和佑相勁到國內賽已經破到世界紀錄了…很強大…
• 故仔一開始說仲有一年先到奧運嗎？佑相已經用緊IPHONE5啦喎…2011年出了嗎？(我…今年5月先出架咋喎…)哈哈哈哈﹗我認真了﹗
• 呀，因為呢部戲係疊住《聽見你的聲音》拍的，一路睇一路覺得佑相是修夏囉…(真係唔係人咁品喎，電視劇日程已經癲，仲要加埋套電影？)((難怪戲中咁排骨了…))
• 傳說…DIDI一開始睇劇本時想演元日的…睇佢喪食應該好好笑喎…(咪《HIGH KICK3》FEEL囉﹗)
• 又係超齡高中生嘛﹗
• 導演竟然可以搵到一個左邊一個右邊有淚廛的人都算勁﹗~
• UM，這一套個名…《速水花美男》真係好難受…點解要加「花美男」三個字呢？讓人買飛時極不好意思…但詭異的時睇的時候有兩個叔叔入場喎…難道佢地係少時的粉絲？

***********************************************

《掃毒》

• 一開始我以為是《雷霆掃毒》的朋友…囧
• 但見卡士咁勁有劉青雲、張家輝、和古黑子，好像很不錯呀…
• 以為是警匪片，原來是兄弟情仇片…
• 古黑子UNCLE了…(對不起，我還是很懷念佢白面的年代)，張家輝唔《激戰》了(即係…回復本來的模樣了)，劉青雲…既…都係咁囉…
• 見報導係咁講張家輝和泰國那位姐姐的激情戲…睇到中間…吓？佢個角色死咗？吓？個女仔仲有戲嗎？
• 呢套野都幾奇情的，半套戲的篇幅寫了SETTING 1，因為中間在泰國的事情而大逆轉…變成SETTING 2
• 大家都有大家的苦衷，大家都唔想害大家但偏偏就係越揀越害到大家…
• UM，段半就係三個人又唔理解走番向理解咁…
• 最強都係啲人硬係打極唔死…
• 最爆係盧海鵬…點解佢明明係泰國毒HILL，啲仔女都係泰國人樣…但得佢講廣東話仲會講港式粗口？
• 古黑子個角色呢，話佢92年入警隊，喺學堂就已經俾人拉了去做臥底，但佢同劉青雲講又話「呢幾年日子係點過」…即係佢做了幾耐臥底呀大佬？同埋點解佢PROFILE張相係藍色SECURITY新制服？即係佢轉制服後無啦啦返警隊影張新相？
• 哈哈哈…我又問問題了…
• 呃，就是一套…唔…不特別睇得投入但又唔覺得難睇但又唔特別覺得好睇…呃…我都唔知自己講乜…
• 我懷念《竊聽風雲》個三角組合多啲喎…囧

其實兩套戲我都覺得有點可及預期，但演員鐘意嘛…END UP都係睇得開心既…哈哈哈。完。