李DIDI@新港城中心

嘩﹗我入咗鏡囉…囧﹗

咳咳，我竟然一把年紀走去追星，這可算我無啦啦去泡菜國追劇集場景之後又一鉅獻囉﹗

(貢近見到真人真係巧巧巧巧開心囉…呵呵呵﹗)

呃，是咁的，雖然小的迷偶像個list長到無朋友，但其實小的從來未試過登特去追星的(不期而遇的倒是有的…而家見到個親筆簽名還是巧巧巧開心，雖然我已經唔多鐘意佢了…哈)。即係呢，馬鞍山要點搭車去的？(不要笑我﹗我是港燦呀﹗島民呀﹗有幾可會去到咁遠呀﹗而，這個商場又唔係有乜特別﹗umum，卒之查完一輪巴士路線圖之後搵到最簡單直接的路線，咁樣咪有去旅行的感覺囉﹗很好吧﹗)

我是上次去睇Infinite才知那塊橙色的東東叫橫幅(很嚴重的失格…哈哈哈﹗)umum，就是說小的不會親身去追星嘛，最多都只係去睇演唱會，又最多都係俾多啲錢買得前啲，然後很感動見到真身咁…。好啦，帶著半信半疑奇怪感覺去到現場，嘩﹗已經勁多人﹗以本人多次在太古城出入的經驗，我應該上上層搵個有利位置高炒，但…佢只係得一個上層…唔似太古城咁又好多個上層搵有利位置啊﹗

卒之我真係搵到個好有利的位置﹗哈哈哈哈﹗我巧叻叻呀﹗搵到個對住marquee的位﹗死未﹗反正咁遠我都影唔到台上面架啦…呢個位起碼我影到某didi出出入入呀﹗如是者喪打機打了一個鐘(跟住諗起屋企很多未做的功課和未練的琴…很沮喪)的等…某didi差不多三點到埗(活動是suppose三點開始的)，跟住就閃了入marquee了…

很攪笑的是有些少女隊高個手提影…我喺上面見唔到人只見到手提…(同時…我影人人影我…巧京京喺微博fb會見到自己個頹樣…囧﹗)

<--矛野既，係覺得呢個姐姐仔個樣有啲似姚樂怡啫…

 等了差不多兩三個字，某didi出場了﹗

 (很滿意的樣子…)((皮膚真的很不賴啊﹗))(((堅係勁白…囧)))

 (呀﹗揮手圖眨咗眼…)((呃，我本來係打算拎相機出嚟既，但唔記得放落袋…只能用唉窿影咋…囧))

 (堅覺得呢個遮住額頭郁型過之前短暫出現過的中間分界心理變態郁啦…)

 死啦…我入了鏡…囧

 阿司儀先叫didi望吓左吓右俾人影相，我zoom盡啦…不過都見到某didi的招牌剪刀手…哈

好老土的推杆亮燈之後就係無聊的傾吓計，之後係玩遊戲和簽名會…呀﹗我貢近見到真人已經巧開心啦~~~~~(拍了段唔知睇唔睇到的片…有講到《學校2013》﹗喂…我極速睇了兩次啦﹗)

 <--Poster的相很醜﹗唔怪得好多行過的阿叔阿嬸話做乜咁多人喺度…等緊乜水咁…俾我見到呢張相都唔開胃…囧﹗

戰地記者小冰報導完畢﹗咇﹗
***********************************
講起不期而遇，之前在滋賀彥根城偶遇在拍時代劇的西田敏行叔叔﹗爆開心﹗那個實q哥哥跟我地說他在拍新年的劇是…冷不防小的會爆出一句「我係佢粉絲」(真係喎﹗《虎與龍》我睇了十萬次啦)，O住咀的話套劇仲有觀月亞里沙，which係無人有反應的說…嘩哈哈哈﹗我想話見到西田叔叔的興奮跟今日有過之而無不及呀﹗(當然見到長瀨我會更開心啦…太貪心了我…囧)

另，本來係心大心細去唔去睇didi的，但得到一班(係一班)友仔好友威逼利誘之下死就死啦…。這個讓我想起(唔記得我有無講過呢？應該有的吧﹗)…小時候(都唔小既其實)，某次在老銅(應該係銅鑼灣廣場…而…究竟去嚟做乜？那個場都無野睇既﹗)的某個商場見到古黑子真尊(那時已經係黑子的了)，佢坐了喺活動台下的椅度，我同佢只係一圍欄之隔，心大心細好唔好開心問佢拎簽名啦，連阿娘都話去啦的時候…我竟然縮沙喎﹗唏﹗我就係咁同古黑子的親筆簽名擦身而過啦﹗(這也是小的鼓起人生最大勇氣問郭城城拎簽名的原因…我不要有同樣的遺憾出現呀﹗最多佢唔簽俾我我就唱衰佢啫((笑))，而最後係成功爭取到的﹗噢耶﹗)

死就死去就去啦，反正無幾可嘛﹗哈哈哈﹗