2013回望+2014年的14個願望…

一年將盡又係不停出回望和展望的時候，通常我都等1月1日先發既，但見上我無啦啦12月就出一篇…而呢兩個月文思欠奉…就比我呃吓文啦﹗~~~~~

1. 願世界和平先啦(謎之聲：好行…)

世界算唔算和平呢今年？剩係啲航空識別區都好煩喎…

2. 早睡早起，已經搭了兩個星期的士…好恐怖…

這個是完全沒有改善，2013年好像除了農曆新年前後的一個月比較得閒外個個月都忙到癡根，可以準時起身的日子少之有少…我貢獻了不少比的士哥哥呀…嗚呀…

3. 要早睡成功，應該改掉瞓覺前貪得多陣得一陣上網睇書打機的壞習慣，又或者星期五六晚怒煲劇攪到鬼咁夜瞓，之後星期日晚就瞓唔到…星期一出事率奇高…

打機病仍在的，不過無咁誇張了，而晚上喪煲劇也少了，試過幾次夜晚攰到拎住部機瞓著了(《漂亮男人》頭幾集就係咁反反覆覆先睇得完…唔係套劇悶，而係我真係好累呀…)。說起上來，反而少了睡前睇書…呢個係打機、煲劇之中瞓著率最高的…囧

然而，明明已經時間無多，又有鬼咁多好想睇的戲和劇，我竟然都有閒情翻煲了兩次《聽見你的聲音》和一次《學校2013》…中毒呀﹗中毒呀﹗

4. 另一個壞習慣應該係鐘意拖，拖到死線前的一刻…(工作如是…起身時間也如是…唉)

其實好似無乜改善？哈哈哈﹗2013年之內可唔可以出多幾篇京都遊記呢？

5. 將2012年買落的書在2013年睇晒佢…(而之前買落的…um…而我不知道了…)((2012第一篇仲話有望今年少買書，卒之誠品一開就不停去進貢了…囧))屋企裝修完一年左右房中的書已堆積如山打回原型…我覺得我有被書責死的危機，要搵日研究整多個書架的可能性…

哈，其實我買書病依然，當中有好多係因為出門而買的，有啲就係一條龍某作家的出品所以忍不住喪買，更多…係唔覺意行誠品時唔覺意入的。為了進一步organize我自己睇了乜書，上年今日咁上吓我將睇了的都mark在記事簿上，時光飛逝一年後…我大大話話揭/睇了120本書﹗平均3日一本﹗好勁﹗(當中，係有好多在書店打書釘的旅行書既…)

6. 講咗話想煲的劇都要清晒佢？﹗(今個聖誕假﹗)((咦…剛剛先話唔好放假時chur得太夜…囧))

劇我應該睇少咗好多(比起2012年無啦啦迷上某人的時候)，反倒是去睇了好多演唱會，真係巧京京。

7. 其實未搬晒留言的，跟住resize mp3的工程也未完成(sorry，小的係好鐘意做呢啲無關痛癢但唔做又會手痕的事…)

終於成功爭取將留言都搬晒過嚟了﹗呢水因為事忙，發文量大為降低…有時…有時間的話就先在email度打低send回家再up啦…但返到屋企就唔記得的了…

8. 不臨急抱佛腳…雖然我知很難…哈哈哈﹗臨上堂啦啦聲去練跟住堂上求其蒙運過關的感覺很不良好…
我試過幾次完全無練過就膽粗粗去上堂…結果…就是明年年再會囉~

9. 多在家煮食…um…要多研究吓某人本love recipe和《深夜食堂》啲野食先…(最近愛上在家煮麵豉湯…其實都唔係點要煮…懶勁咁…哈哈哈)

話說，小的有一次去食東亞野，回家後煮了一個麵豉湯…半夜嘔到阿媽都唔認得…從此…之後…我就無再煮過了…

10. 其實我一向對數字都無乜概念，保險、強積金都係求其做咗就算…應該要細心留意更新吓咁一吓吧？話晒年紀大了…第時都靠佢地…(小的對股票無感…是無買的…XD)

Um，其實仍然是無感的…

11. 明知無乜機會著converses就不要買太多了…

只買了一對﹗

12. 出年會挑戰的東西…努力做好吧…日能翻兜咁多次的經驗太恐怖了…囧

嘩﹗今年文昌運奇差，想考的都沒考到，連placement test都衰咗…但呢緊我會努力的了，為了追回失落的進度，呢幾天聖誕假我都無喪去街，盡量留家溫習呢﹗(而天氣真的好凍…不停坐喺度都凍到流鼻水…囧)

13. 大家都身體健康﹗

嘩﹗今年健康係奇差，大大小小病不勝其數，而家仲要食錯野而周身痕中…好慘情…

2014年嘛，第14個願望…就希望工作順利，小人遠離啦~~~~

 ********************************************************************************

再說一點吧~

• 2013年絕對亞美盛~見明星運絕佳，首先搶到安室奈美惠(或許沒有太多人搶？)的香港站演唱會飛，雖然那天安室聲音狀態不太好，但現場氣氛絕佳，跟著真尊又唱又跳真係絕對亞美盛(我詞窮了﹗但那種感動真係不能言喻的呢﹗看我現在提起還覺得萬分興奮就知﹗)
• 失驚無神的熱愛didi，能見其真尊當然超開心(看來我將會回帶一世…哈哈哈)，但不期而遇西田敏行叔叔更開心喎﹗(說好的遊記…未郁…XD)
• 今年入EXPO看演唱會次數多到數唔到，由上年12月的BIGBANG開始，3月安室，5月CNBLUE，8月INFINITE，感覺好似成日去日去機場好有未出發先興奮的感覺(當然我聽到銀包哭叫破產的聲音…囧)，10月也有去看HOCC既，不過唔知呢，去紅館的好似無咁HYPER？﹗XD(本來應該會看得成古惑仔的，不過俾人放飛機了…噢)
• 雖然我成日想放眼世界，但最後都係不停進貢壽司國，一口氣去完關東和關西後，我破產了…要再儲吓錢先…囧
• 我懷疑今年我無完整地睇完一套港劇，日劇好似係年初的《MONSTERS》、《ATARU》和《最高的離婚》之後就好多爛尾了，反倒是韓劇就能一部一部的完食…仲得閒到翻睇又翻睇…
• 數一數，我只記得我買過安室的《FEEL》、某人的《NATURE BOY》和剛入手的KINKI 《L ALBUM》…
• 為了清書，如上文說開始MARK低睇了幾多本…但我覺得要進一步MARK埋幾時買過乜書，因為成日拎住好似好熟口面，唔記得真係買咗睇過定係打完一輪書釘所以睇過？(順手又可以呃吓《讀書報告》文呢﹗哈哈哈﹗
• 至於寫blog諗住可以挑戰200篇以上，但因為11月超忙導致出文率創新低，就算旅行回來都未得閒出到遊記…囧

UM…等我諗到再加…