鞋控

雖然屋企有對鮮紅色珠片的，有對深紅色皮的，有對深紅色高筒的，但頭一對是低筒的，第二對是硬的著得不舒服，第三對是某次食魚蛋滴了汁在鞋面洗不掉…總之，它們都不是我想要的鮮紅色高筒…﹗

娘問：買咁多做乜？女話：唔同架，對對都唔同架…呢啲對白係咪好熟口面呢？(CON鞋控又出場了…)

其實我心底想買的，是最BASIC的布鞋高筒款，甚麼花款也不用的(呀﹗小的第一對買既就係深藍色高筒，雖然說高，但都只係過腳眼，後來係出到高到上膝頭咁濟的，那是後話)，著到真的蝕底了(舊文中那對白色的底都未算蝕得最勁，我試過有對蝕到見到自己腳板…哈哈哈)，穿過千千萬萬五花百門的款式(其實都係高高低低，鞋身的花紋用料啫…)，我想回歸最基本一對淨色高筒，但市面有的都是特別版(也其實是高高低低，花臣在鞋身的PATTERN和用料而已)，平極都無以前百幾蚊咁過癮了…

呀，怎麼我好似十年無買鞋，行入鞋店會O了咀？

上年買過一對高筒有拉鍊的，因為太方便(只要試過去要除鞋的日式料理店就知穿高筒縛鞋帶有多麼煩…我又唔鐘意鬆到一穿就得…)，於是日著夜著，著到蝕底了(一如以往，是落雨天滲水入腳才知道，呀﹗是時光飛逝的見證呀﹗哈)。一年過去，又是買定對(提早)新年鞋的藉口…哈哈哈﹗

就說，上年那對高筒，有拉鍊，有花紋，都叫有花臣賣四百幾都算啦，我心儀的紅色無PLAIN款，只有一對有兩條拉鍊的…呀，我喜歡拉鍊…有奇怪的魔力引了我去俾錢…忘記了…四百幾…其實好貴…我…我…N…年前…買的高筒…二百有找架﹗

(睇番舊文，另一對爛到甩邊逼住掉的鞋我著了七年，望一望鞋櫃，最耐那對CONVERSE係2002年買的，係2002年呀﹗還記得第一次著佢一日過後腳踭上那個痛死我的水泡((唏，我是很好記憶力記得每對CONVERSE跟我的故事架﹗))，一對咁既爛鬼布鞋著到咁多年都算勁吧﹗當然，是因為佢係PATTERN款，上一份工老細唔理我俾我著CONVERSE返工，但都唔好意思著啲花俏款，於是這對是久不久才著一次半次的…)

((於是，舊文蝕底的那對白色，跟一對布和一對皮的黑色都同告蝕底收場被掉了…也是年月的見證。UM，而家無得喺返工時間著波鞋了，只能於返工和放工時著俾隻腳舒服吓，真想問究竟係邊個發明高跟鞋(((但其實我著的一點都不高跟…XD)))架？痛死人咩？))
*******************************************************

哈，我的INDUCED CONSUMPTION通常都係睇劇時無啦啦發現的…劇情是蔡琳同意幫奧斯卡，但我留意的枱底不停UN和FING的那隻腳，和腳上的紅色CON…哈﹗哈﹗哈…

著住佢練琴踩PEDAL都準啲呀﹗我話既…閃了…