我成日都諗可唔可以同一招用喺香港度呢…50年前即係60年代上下啦…我諗除了九龍城、深水埗多啲舊樓，好多那時代的唐樓拆得就拆吧？我諗，港島唔太得啦座底…除了山頂…UMUM…
是咁的，阿作者哥哥仔某次喺市集度發現《一天五美元玩歐洲》（Europe on Five Dollars a Day），就說是1957年的出品，作者Frommer寫給想出國遊玩的美國人如何五美元一天遊遍歐洲約十鬆啲個主要城市云云。跟住阿作者哥哥仔又知道佢媽媽廿多歲跟爸爸結婚前曾經試過同女友人一齊去歐洲，拎住既就係呢本書…巧京京。於是作者就想試一次跟住書中指南遊歐洲，又跟住當年阿媽寫落的信和明信片玩一次咁話。
巧癲喎﹗首先係俾佢搵到五十幾年前的這本書先啦，跟住佢媽媽又會俾佢KEEP晒自己啲信咁爆…XDDDDDDD
ANY肥，上次一年不用錢個哥哥仔堅係自給自足，這回的哥哥仔(其實佢有名既…叫道格．麥克Doug Mack)要實行難道就高啲，首先而家物價無可能5美元玩一日啦，搭程車都無咗啦(5美元即係40港紙上下啦，喺京都搭兩程巴士都無咗了…)，跟住好多建築物都無咗，佢隨時要摸一千萬個門釘的說。ANY肥，都是一堆規矩先，哥哥仔以書中Frommer叔叔建議的景點、飯店和餐廳為主，不SEARCH網頁或搵而家的資料，做就呢個拎住本50年前的年出發去旅行的壯舉。
雖然歐洲(應該)拆樓無拆得香港咁恐怖，拎住個霉菜一般的地圖都仲可以去到主要的景點既，不過很多小心得(如某日某日博物館免費咁)都OUTDATED，更有數不清的餐廳易手，或者飯店經過幾十年的經營已經升LEI令哥哥仔大大OUT筆咁。而呢個哥哥仔堅係大膽真係唔拎住部手提上網CHECK野，只係去到有WIFI的地方就UPDATE FACEBOOK和BLOG咋喎。
一路睇一路覺得好神奇的是…佢媽媽係60年代中期去歐洲的，那時究竟…佢又唔係住喺特定一個地方，究竟係點樣收信既呢(書中說係運通一手包辦喎﹗)？60年代係咪仲會打電報既呢？﹗好好奇添…
至於書中的城市…佢竟然無去到我最喜歡的倫敦喎﹗雖然佢講得巴黎好好…
睇睇吓見到呢條題忍不住大笑了…我就係不停行不停睇不停影同不停UPDATE FACEBOOK既人喎﹗
記得細個時去旅行都係喪影的，但影既一定係人+景，一定係俾爸媽推埋去啲景點度企定定影，於是九成九我細個啲相都係黑口黑面的…呃，看來我三歲定八十了，呃，不是說不喜歡被影，但咁無特色的紀錄性照片嘛﹗(話說回頭，唔係俾阿爸阿媽喪影我邊有咁多細個既相睇呢…)…呃，總之呢，掛住喪影好多時都MISS了現場好多細節，這個是肯定…跟團就更衰，喪影完都要走…。但有圖有真相喎，唔影又好似無去過咁…呃，好矛盾添﹗
關機我會死架喎﹗哈哈哈﹗因為慳長途電話費嘛，於是出親門就出張上得網的DATA電話卡，將WHATSAPP當電話用，我又未至於要消失天與地到想人地搵唔到我既…同埋呢…要搵地圖架嘛﹗
睇到呢度我忍不住笑了，看來我和呢個哥哥仔可以成為朋友呀﹗歐洲好多都係HOSTEL，要平就梗係要些牙廁所廚房架啦，雖然咁些牙來些牙去可以借住出出入入識多啲唔同地方的旅客，但同時又要驚俾人偷野呀睇唔住啲野咁(一個人上路的時候…)…咁…夜晚行完一整天後想休息吓都好正常啫…所以一個人出門…小的都係揀番酒店做自閉仔的…睇完好似去了一轉歐洲咁…真係去就…UMUM…我還是熱愛日本喎﹗XDDDDDD
沒有留言:
張貼留言
要講幾句嗎？﹗XD