2013/08/26

讀書報告 #15~《AKB48的格子裙經濟學》

其實我成日覺得呢類分析某品牌(STH LIKE THAT啦)成功之道的書有相當的流FE,即係《思考的藝術》既「結果偏誤」…就是用後果來追索番原因,出嚟效果雖然有原來如此的感覺,但大都因為那些原因有如「阿娘是女人」般有啟發性…

古有呢本…今有這本。雖然我覺得流FE(或者人家係想寫得淺白一般老嫗能解咁呢),但某程度是讓我明白AKB48運作多一點既…

對於AKB48我是有相當程度的好奇,究竟點解係AKB?點解係48?咁多女仔都唔知邊個打邊個?紅極都係前田敦子和大島優子…貢其他女仔做緊乜呢?點解咁「岩慚」(NO OFFENSE…只係覺得好似無乜統一路線啫…)都可以咁紅?即係呢,某次CLICK到個JPOP VS KPOP的片,當中AKB既對照係少女時代…嘩…好風馬牛不相及,只能說都是當紅的組合吧?﹗於是,見到呢本《格仔裙的經濟學》就買下來看一吓。

一些謎團是解開了既,如AKB…原來一開始不是想在秋葉原的,話說秋元康想隊少女組合有個固定表演場地,但本來屬意的地點如原宿咁都無適合場地,搵吓搵吓搵到秋葉原,於是隊名就取秋葉原的簡稱,配上48…至於點解係48…呃,一個謎。THEN至於咁大堆頭,係因為要做固定舞台表演,多啲人就多啲組合變化咁。而一開始AKB48係靠每天公演來吸客,而唔係喺電視或出碟出道的說…

即係…一開始並不是吸御宅族了?噢…

一路覺得呢隊係加強版魔娘,但原來攪手秋元康之前的得意之作竟然係木村嫂出身的小貓俱樂部﹗﹗﹗﹗﹗作者話秋元康係吸收了小貓俱樂部以電視節目出道,節目受歡迎當然組合也成功,當節目不受歡迎時組合也隨之而走下坡,於是組AKB時就另取固定舞台場地,讓組合好歹都有個退守之地。另外佢都喺淳君的魔娘身上取經,好似魔娘咁久不久就攪選秀,讓組合有新舊交替云云。

固定舞台既模式,SOMEHOW係參考了寶塚的說,咁啲隊員從零開始被TRAIN和上固定舞台表演,那時未出道嘛,就有大把時間慢慢TRAIN UP經驗,到有知名度可以正式出CD出道時,啲少女既經驗和技巧都有一定水平啦,重點是,這個固定舞台地點讓粉絲可以近距離欣賞佢地表演和成長,跟平時偶像的高高在上有所不同云云。

呃…咁…同J家TRAIN啲小DIDI有乜分別…好似無喎﹗哈哈哈﹗J家何嘗唔係招募了DIDI後就讓佢地參與不同劇集、節目甚至師兄的舞台劇呢,到咁上吓先俾佢正式正道…

跟住阿作者話逢經濟下滑都有偶像(團體爆出),70年代有山口百惠,80年代有聖子姐,90年代有SPEED和魔娘,到08年雷曼兄弟引發金融風暴時,就係AKB了…

呢個講法我都有聽過,就好似經濟唔好時唇膏得別好賣之說,因為大家都想開開心心就算,於是見到啲女仔又唱又跳,是開心既。加之於經濟不景了廿年,年青人都在通縮環境下成長,於是佢地都唔敢對將來有太大期望,AKB啲少女走鄰家女孩路線,一出道並唔係歌精舞勁而係慢慢成長,讓人覺得「我都得喎﹗」,好似俾了年青一個希望咁。

UM,好似言之成理呀呵?不過如果單靠秋葉原的御宅族又係咪可以將風潮引爆得咁緊要呢?阿作者成日講07年係佢地熱爆之年…但其實那一年佢地出過乜歌上過乜節目做過乜驚天地泣鬼神既事呢?我諗佢地上NHK紅白會好關事掛?

不過我估那一兩年魔娘無特別爆的成員加入,同埋後藤真希畢業,隊野走下坡有啲關係既,少男總要有啲新既少女GROUP追先得架,睇過有個講法係日式少女組合興CUTE CUTE地,最好好似小朋友咁永遠唔好長大,開開心心咁令人睇得心花怒放(魔娘的《LOVE MACHINE》夠大堆頭夠熱鬧,啲歌詞夠九唔搭八,叫大叔加油都得既,據說真係聽得那時經濟泡沫爆破頹了十年的人好開心…),我開始明點解泡菜女團喺日本唔太WORK了,就算去了日本,都要收起長腿走番美少女路線…

好啦,AKB的背景我算是了解了一點(其實我自己去WIKI睇都得啦﹗),咁究竟一個秋元康點MANAGE AKB幾廿個人呢?跟住仲有啲SKE48…NMB48…仲爆到連上海都有個SHN48(仲有個JKT48…囧)等子團,話SKE是名古屋,NMB就係大阪的地方團,平時喺自己地頭作舞台表演,以AKB為中心,到AKB要出碟呀攪野的時候就喺小團搵人去咁。人多又勢眾,咁平時係點MANAGE呢?人工點分呢?

書有講到是有家AKS的總合經理人公司,逢係AKB的公作就由佢地接洽,團員分別簽到不同的經理人公司,個人的工作就由個別經理人公司安排…我又諗起J家分別有好多唔同LABEL,哈哈哈,咁咪同J家好似囉…有乜新野呢其實?﹗

或者係我要求太多了,作者係個經濟學家唔係藝能界專家呀﹗總有好多秘聞係外界人不能知的吧?

聽聽埋埋好多組合的成員一份糧幾廿個人分,收入少得可憐架嘛,咁AKB人多成咁,點分呀?書係有講團員係有BASIC收入(不過好少囉),除了人氣成員被選出去出碟既,平時都會做吓固定公演儲經驗和粉絲,到每年的總選甚至好癲的猜拳大賽就係爆發的時候,成日都會有啲無啦啦彈出嚟的人,係啦,就係唔覺意咁樣爆咗出嚟就發達﹗(咪…又係一貫做GROUP的手法?個人紅咗帶紅個組,個組紅咗又帶番旺組員,甚至益到啲唔紅既組員…)

看豆瓣有位朋友推介了呢個博客,好詳細的介紹了AKB的點點滴滴,看來我要再看一吓研究吓AKB成功之謎…

2 則留言:

  1. 小聲:"用後果來追索番原因,出嚟效果雖然有原來如此的感覺,但大都因為那些原因有如「阿娘是女人」般有啟發性…"...看完之後我立刻聯想到某人...

    我估, 你說的SJK48應該是指JKT48 (耶加達48)

    秋元康有出過書談及AKB的strategy, (http://www.amazon.co.jp/o/ASIN/4776207621/itmedia-biz-22/ref=nosim/)...如果想知佢點manage, 話唔定呢本書會有多d info.

    秋元康點manage個team我就唔知喇, 但點解紅或者點解某幾個人紅, 或者可以share一下小的個人意見...

    "可以接觸的偶像"是AKB主力sell的concept, 除了每天的劇場公演, 還有握手會...我有日文同學仔曾經陪朋友去大島優子在香港的握手會, 她說排第二次的時候對方就認得佢...不難想像fans為了維持"爆光率", 一定會為了握手劵而keep住買CD...

    佢地上紅白應該是因為爆紅, 而不是因上紅白之後爆紅的...至於那一年為甚麼會爆紅, 大概一方面是慢慢累積了一群忠粉, 另一方面是當年連續有好幾首頗洗腦的歌, 其中RIVER的歌詞突破了之前只賣可愛的形象, 開始受到大眾的注意而熱賣, 多了參加電視節目的機會, 慢慢"入屋", 增加非宅男層面的fans...

    小的聲明自己並非fans, 只是跟據關於她們的新聞和消息而推斷一下...


    回覆刪除
    回覆
    1. RE:まこと

      哈哈哈哈哈﹗我好LIKE你個小聲說﹗
      再小聲說一吓:SJK…係宋仲基名字英文寫法的縮寫…我太掛住佢了…

      呢本書個作者話因為佢個女鐘意AKB所以佢有留意吓,都唔係粉絲,所以我覺得佢既觀察唔夠深入,指出獨特之處亦好似唔夠深入,我唔知佢係想寫得淺白啲所以點到即止,定係想留番條尾嚟再寫多一兩本了…

      雖然如此,我對呢個GROUP越來越有興趣,會再留意吓,再研究多啲佢地既成功之謎﹗哈哈哈

      刪除

要講幾句嗎?﹗XD