2013/07/29

[日劇]《Summer Nude》、《天魔來臨》

我才看完上一季的月九,轉個頭又開了新一季的來了…其實list係無呢套的,但見編劇係金子茂樹,跟住主角有山P和長澤雅美,件事好《求婚大作戰》啊﹗

如果說《Buzzer Beat》十分有《長假》的影子,這部我覺得勁有《Beach Boys》喎﹗淨係兩個失意人和一個海邊都似到爆了﹗

Ahhhhh~~~forever your love(forever your love~~~~~)

最邪的是,失意人一號山P和失意人二號香里奈都竟然係同樣愛人神秘消失了…使唔使咁啱呢…

<--看板﹗又係看板呀﹗不過今次無slogan了…

同埋長澤原來係特別演出演山P走咗佬的女朋友…張看板影得佢同《求婚》時一樣咁清純…但…um…之後講…
Um,而我唔知點解套劇叫《Summer Nude》,轉頭,山P就裸了一吓…um…原來牽絆係首叫《Summer Nude》的舊歌,劇尾就播山P的翻唱版…

戶田惠梨香﹗突然鏡頭一轉去了《野豬大改造》﹗雖然那套劇惠梨香係同龜梨和也拍拖的。um,佢個角色係好死心眼地暗(明?)戀山P(咦…我係咪應該叫番角色名呢?),呢啲死心眼既角色如果係女一既話應該會到最後感動到男一令佢改變的,但有香里奈喺度,惠梨香係咪只能算女二呢?﹗巧慘啊﹗最慘既係,明明惠梨香咁熱愛山P,但山P之所以同長澤拍拖,就因為惠梨香叫老闆爸爸俾山P做廣告的攝影師,而個model就係長澤,之後佢兩個就一見鐘情了…咁旁邊的惠梨香只能得個睇字…真係慘喎…

而,長澤上面個看板係賣啤酒的,咁山P個角色叫朝日…我想知啲啤酒係咪朝日sponsor既呢?

夏天要有海,當然也要有夏祭、煙火、刨冰和…浴衣…囧

而唔知點解,總係有班人要死命守護一啲野,又係海邊的店呀﹗好《Beach Boys》呀﹗

我估山P和香里奈二人會有感情線的,頭幾集都仲係針鋒相對,但又互相了解(同是天涯淪苫人嘛﹗)在這傷心者車路上同行…呀,其實係香里奈被山P昆了來呢個小鎮度做廚師的,劇情大部份就係由香里奈問各人對山P和長澤之間的事而揭開往事的緣由既…

呢個叫Misaki的鎮好攪笑,店中主人翁喺夏天而開的店叫青山,跟住有另一間Bar叫港區…有無銀座、涉谷咁呢?
嘩嘩嘩﹗我就係想話長澤啲眼紋好勁﹗拍得住生田斗真咁勁呀﹗明明長澤細斗真同學幾年架喎﹗um,睇八掛新聞傳話山P去割雙眼皮…而呢套劇又咁啱不停有佢既近鏡…嘩﹗又真係幾深喎﹗

我想話呢,長澤個看板好似鬼咁如影隨形,跟住長澤說的《48小時》第二集dvd係山P覺得同走佬了的長澤之間唯一的牽絆,於是死命唔肯還寧願每個星期比2100 yen遲還費…好貴呀﹗遲還一星期要成百幾二百蚊﹗

其實呢套劇夏天得嚟是唔多歡樂的,啲人成日黑口黑面又唔開心咁…係呢幕令我笑了…

個樣幾慘﹗惠梨香妹妹真係太瘦啦﹗佢唔笑都還好,一笑就爆牙肉…唔令呀﹗

Um,點解山P成日演噂苦口苦面既角色呢?呢個朝日除了係影相佬之外同《Buzzer Beat》個打波佬…演出方法不能令我有覺得有何分別…囧﹗但奇異的是…我又有心機一炮過追晒已播的三集,但劇情的平伏度又不能令我專心睇劇…呃…在睇與唔睇之間,實在有好多空間(例如我做乜唔去睇《衝上雲霄II》呢?佢講金句會令我爆笑喎﹗)講起上嚟,我好掛住山P在《Monsters》入面成日俾大口仔整古的熱血刑警角色…

等我扮吓日劇專家:這…就是佢收視大跌的原因了嗎?﹗哈哈哈哈﹗
*********************************************
其實我無睇《三十三分探偵》第二輯,於是知道剛叔會有新劇上時,唔理佢係乜劇情我都好想看的說…

雖然我更想看的是光叔…哈哈哈﹗

<---極度正常的造型…
<---好可愛﹗



故事說剛叔演的法界天魔係世代相傳的捉鬼人,但佢同前代不一樣,佢會叫隻幽靈化身成佛,而唔係一野就收咗佢咁既,我以為會好似《三十三分》咁無厘正經,但一開始又好似幾正經(但實在佢係咪好怕鬼既呢?)…不過之後佢會無啦啦見鬼暈倒,之後會同死咗既阿爸對話,那個隨心的對話好似無劇本亂咁吹咁…呃,看來都有幾分cult的…

第二集先真係搵到學校裡的幽靈,仲要係戰國時代殺掉織田信長的人,唔係明智光秀咩?噢…

好在我有睇《信長的廚師》,大概知道發生乜事啫﹗
UM,通常一套劇入面實有個同男一對頭,懶型懶勁的,今次有刑警兩件(就好似《Legal High》個對頭律師,或者《Monsters》個gel頭刑警…我完全叫唔出角色名﹗哈哈哈哈)
少不了是唔好笑的冷笑話…
AKB48﹗真係無所不在﹗而我才發現原來呢套劇個女主角川口春奈就係《神探伽俚略2》吊咀那隻個高中生…難怪咁熟口面…

好like呢個案件重演,個樣超好笑﹗

無無聊咁就一集,如果連住一氣呵成睇,應該好快KO,但難得係剛叔出山,點都要支持吓既﹗
 *********************************************************
就說我在煲《衝II》嘛,喺Mytv度驚見…﹗係驚見﹗係《阿Sir早晨》呀﹗係白面古天樂呀﹗我係咪要睇?我接受唔到呀﹗

不如襯呢水姑姑出山,重播白面版的《神鵰》啦﹗打鐵趁熱喎…咪住…其實我有vcd…哈哈哈哈…

2 則留言:

  1. 山P不嬲都係雙眼皮咖喎, 仲要去割? XD

    今季激流好睇呀, 係悬疑劇黎, 推介呀!!!

    回覆刪除
    回覆
    1. RE:NATSUKI

      或者再割深啲呢﹗(講笑﹗)

      有人推《海女》,我就有少少興趣《半澤直樹》,看來今季的劇都OK,可以挑的都幾多…

      刪除

要講幾句嗎?﹗XD