近期常聽的歌…

無呀，想貼吓YOUTUBE又無乜名目咪求其作個TITLE…哈哈。我想話在某大人大推之下小的頗喜歡這一隊"無限"的，新碟的這CUT《Still I Miss You》LOOP完又LOOP，雖然其實我只認得有演《回答吧1997》的HOYA(笑)

其實我想話成隻《NEW CHALLENGE》都好不賴呀﹗《as good as it gets》、《Beautiful》和合唱版的《60秒》也是好好LOOP的說，跟之前的主打歌相比好似少了點熱勁，SOFT咗好多喎？襯番春天要溫柔點了？﹗(謎之聲：我好似上年才聽…做乜在扮熟…哈哈)((26/8/13後按：呢CUT《Still I Miss You》真係好恐怖呀，我LOOP到可以連住聽十幾廿次都未厭﹗))

無聊在CLICK某大人(繼續係某大人﹗哈哈）的文時發現三子在東京演唱會有唱《RAINY BLUE》了，跟住又在狂LOOP…呢隻歌真係好毒，不論是德永英明、張學友、楊千FA(佢05年時和林一峰的拉闊唱過的說)還是網路上三(五？)子版本都有令小的聽完又聽的奇異功能…就說小的成了某卓哥的暗粉，一看發現佢唱了中島美嘉的《Glamourous Sky》，跟住有天又唱了玉置大叔的《Friend》，嘩﹗都是我喜歡的呀﹗我應該睇三子演唱會了？(但我唔識/熟佢地自己既歌喎﹗XD)

之前看頒獎禮時聽了許牙醫的《面具》覺得還真不錯，跟住某天喺收音機聽到呢首《青春頌》…竟然是藍奕邦手筆架喎出自，死啦，我好CLICK佢啲正能量歌架﹗CLICK到在喪LOOP。據說牙醫呢隻碟以長大為題，《重新長大》係佢同朋友一齊作詞添架喎﹗

其實看完安室演唱會後，同一個星期五我仲看了郭城城演唱會，本來想出文但又唔太諗到點出於是就擺下了。呃，我想話呢音響方面比07年的好多了，其實我唔係好BUY佢啲體操舞的，那個雙槓太騎呢了，今回變了一堆可以推嚟推去的CUBE，好多了。而視覺效果方面落了好多心機，唔單止那個變型金剛台好睇，就咁用燈射落個台度又變宇宙又變海洋的效果都好好睇，雖然那些《失憶諒解備忘錄》、《絕對美麗》我還是覺得唔好聽。咦…唔關呢部歌事呀呵？無呀，比起《天機密語》和《I'm Aaron Kwok》，我覺得呢首《永遠愛不完》好聽得多啫…

安室的新SINGLE呢，其實我想話我覺得《BEAUTIFUL》更合我心意的，不過只搵到《BIG BOYS CRY》咁貼住先啦，我都話我衰，明明SELL勁歌熱舞的歌手我又走去LOOP慢歌…哈哈。呀，這首《BEAUTIFUL》很溫心的，讓我想起N年前Christina Aguilera同名的一首歌，又係一時喪LOOP之選…

雖然我覺得在懷念哥哥SHOW上陳天后成功將哥哥的快歌唱到極悶人…UM，不過奇異地我覺得佢首新快歌《SO HOT》(竟然跟陳妖LONE的一樣名﹗)幾唔錯，跟住再聽吓碟內其他歌，竟然OK合心意喎，呢首《斷?捨?離》其實都係一首很港式的情歌…但跟N年前的《TAKE MY HAND》一樣唔知點解好鐘意，原因不明。另，《月球上的約會》和《It's All About Timing》竟然很少女(和我覺得幾唔錯…)，但出來效果又唔突兀喎，很詭異。

還記得我是頗BUY洪小白的嗎？﹗(XD…看來繼77年之謎後，小的開始儲87年的飛佛了，洪小白、林YOGA、張某碩和BOA…越整越多，好危險﹗哈哈)，其實呢首《LAST DANCE》都唔新的了，應該是上年年尾派台的吧？但一聽就很喜歡一直記在心中咁囉。

不太喜歡主打歌《I GOT A BOY》，不過某次唔覺意CLICK到呢首《LOST IN LOVE》又覺得不錯喎，就說呢隊每人都有分工的嘛，不用跳舞SHOW長腿的時候，齋聽，歌聲其實都幾動人的說…BTW，另一CUT《Romantic St.》都很不錯的說，看來我都是留意多一點SIDE CUT才行(大力點頭)…
*******************************************************
貼完，以上~