2013/04/07

《忠烈楊家將》

首先我喺巴士站等車時聽到有對中年男女說:

A:咦,六郎係佢(廣告上是吳尊演的楊六郎)做呀,咁邊個係細仔呀?
B:林尊丫嘛﹗

在旁的我差點笑了…小林尊、林峰和吳尊我都識…但我唔識林尊喎﹗

ANY肥,因為咁,於是我無啦啦留意了呢套戲…又因為我見到了呢款時裝POSTER…我一度以為呢套係時裝片…XD

其實我本來係想睇《當西雅圖遇上北京》的,不過時間不合就作罷,就睇吓做細仔的林尊是誰了…

而片名《Saving General Yang》讓我想起《Saving Private Ryan》,而呢套片又確係去救人的…

我行過車站多數都係見到上面那款POSTER,一SEARCH(圖片刧自豆瓣),先看到左邊那個很無記PHOTOSHOP FEEL的,不過我可以肯定這是一套古裝片了(XD),咦,仔仔在中間(在中?﹗XD)喎,右邊那款據說是馬來西亞先行預告版,STYLISH得多啦,而片尾這一幕會出現,死掉的(唔使我爆都知好多角色會死掉吧?﹗都唔算劇透丫?)就慢慢FADE OUT,淨番無死的太君和六郎,件事好…《萬凰之王》呀﹗

好啦,雖然楊家將呢個故仔係非常之深入民深又耳熟能詳(改篇的電視和電影係勁多﹗),又雖然小的睇睇埋咁多古裝片,但我對楊家將和楊門女將之都係無乜睇過的,80年代群星鞏照的五虎賀台慶版無睇,阿姐的楊門女將無睇,去到90年代《碧血青天楊家將》(咦,原來又唔係陳秀雯做穆桂英喎﹗係麥景婷做的…我可以叫番佢麥麗紅嗎?)有看一點…呀﹗陳秀雯那個是98年的《穆桂英大破天門陣》。BTW,之前柏芝先有套《楊門女將之軍令如山》…我唔覺意睇戲時睇到個預告片…佢個樣真係好囧…點解佢以前《十二夜》、《喜劇之王》、《星願》(仲有我好LIKE的《無限復活》和《辣手回春》)呀那些唔覺佢咁歇斯底里既呢?佢啲氣質去晒邊呀…點解會咁架﹗

講開咗好多講開,其實唔知得嚟都大概知個故事和結局既,雖然講起宋朝和抗外族呢,我熟《射鵰英雄傳》和《神鵰俠侶》多啲﹗哈哈哈…明明好正氣的郭靖(梁家仁)變咗奸友潘仁美喎﹗我接受唔到囉﹗

 <--友人知道我會睇呢套反應都係好多令仔和好多肉…但最多係呢幕啦…仲要一開始就嚟…

除了梁家仁叔叔,港隊代表仲有演阿爸楊業的秋官和大哥的浩南哥(件事突然好《笑看風雲》…誰沒有一些刻骨銘心事~~~),同埋五郎PROF.傾,加埋梁家仁件事即刻好TBB,好在佢地都(似)係自己配番,唔係勁騎呢。秋官除了PAT長鬍子…呃…唔怕打仗時阻住睇野同唔衛生咩?和梁家仁叔叔氣場都好勁,一忠一奸喺皇上處唇槍舌劍時我心諗會唔會有八賢王和包大人呢?﹗呀﹗八賢王有一幕…竟然係為佘太君通風報信之後就走…吓?﹗咁茄既﹗而包大人係無出現的﹗…我知啦…佢開封府太多CASE行唔開了?﹗

而啲仔,其實我只認得港台代表:

  • 浩南哥演大郎,個角色係沉實機智,係楊家軍中的主腦,咁唔知係咪為了帶出呢份冷靜和機智南哥不停沉聲講野(就如《浮城》入面既郭城城,沉聲到我差啲聽唔到佢講乜﹗),佢…佢…佢…竟然梳石生個頭喎﹗大郎一出場時忍不住想叫石生呀﹗血魔呀﹗
  • 于波演二郎…SORRY…唔識…不過因為佢造型上喺塊面度有條刀疤,所以相當好認…而第一野睇有啲似任達華…XD…佢同大哥都係機智型的,而…佢最後翻轉頭跟大哥一齊戰死係令小的看得很心UP的…
  • 三郎係快箭手,為大隊開路掃清障礙,一路睇一路都係覺得呢個人個樣有啲似郭城城…究竟佢係邊個呢…跟住睇完(係成套戲睇完﹗)睇番維基先知…係…仔仔﹗大囧﹗佢臨死前喺麥田(?)度同射中佢阿爸那個茂利對箭一場好好睇…快上快落又刺激(啲草遮住晒嘛﹗)…終於都有一場打戲唔係一味血血血了﹗


  • 李晨演四郎…呃…其實我極唔認得佢同埋唔記得佢喺套戲度做過乜?(同五郎一齊抗敵跳涯死算唔算?那一幕回憶番細個時跳河一幕真係好唏噓的…)
  • 林峰演五郎…佢係軍醫囉…同埋整啲火藥咁?除了同阿爸刮骨療傷(痛到呢﹗)外…都係用嚟打打打打打打打…而…維基又話佢地各人都有絕技…但SOLO的篇幅唔多呀﹗
  • 吳尊演六郎…唔煎(係都要寫番改名…XD)粉絲會好開心啦,因為六郎係唯一返到去的仔。太君喺鬼谷先生度得到的預示是「福禍難料,七子去六子回」,一開始太君以為係有一個要死,點知係第六個仔番到去…睇住佢地一個又一個咁死真係好心UP的說。最後由六郎殺番始作俑者耶律原真係令人鬆一口氣(雖然我唔明佢做乜唔一野整死佢,等佢有機會反擊,令我隔離的兩個嬸嬸肉緊大叫「唉呀﹗佢都要死呀﹗」),作為生還者,又因為細佬闖禍其實係因為佢同柴郡主的戀情,跟住佢好愧疚令到阿爸戰死沙場咁…呃…感情戲方面是可以更好的。同埋六郎跟耶律原對打時阿耶律先生係咁扯甩佢啲盔甲呀衫呀…我心諗唔係咁都要除吓衫呀嘛﹗好在無…
  • 付辛博演七郎,七郎急性子算係性格最立體的一個,因為佢性急又衝動,於是在擂台上錯手殺了潘仁美個仔,跟住又走去求潘仁美開城,終於死在潘的萬箭之下,死後報夢俾阿爹時好悲情耶…

因為套戲人多又多對打,於是我成日話唔記得邊個仔有乜建樹咁,而認人又大部份因為我識那個演員所以記得佢係邊個仔咁,無計啦,可能編劇邐住個故事咁深入民心都唔使舖陣太多吧?索性一嚟就七郎闖禍,阿爸帶兩個仔請罪時敵軍殺入就接令出戰,THEN被困就令七子出軍救佢,之後打一大輪後就得番一個仔生還咁。完。除了阿爸出征前各兄弟的行為反映吓佢地既性格外,就係行軍過程中啲對話,無計啦…如果要多啲刻劃既話怕且要分上下集的了。

除了真係好血之外,其實打戲係好華麗,文戲…係無乜的﹗但個故仔都簡單直接,都OK啦。

咦,阿六郎生還了…咁會唔會有下集…楊門女將之…打生打死咁呢?XDDDDDD

6 則留言:

  1. 如果我唔知楊家將係咩人的話,我真係以為這是古惑仔續集...

    回覆刪除
    回覆
    1. RE:逸之

      哈哈哈﹗大郎(浩南哥)俾人追住嚟打的時候我都有諗起《古惑仔》第一集澳門大橋的一幕…哈哈哈…

      刪除
  2. 早日係地鐵站見到廣告,嚇親
    其實我最想問,點解張宣傳海報要用六個男人着污糟衫呢?
    唔,就咁睇我會以為套戲賣仔囉...

    回覆刪除
    回覆
    1. re:rice

      明顯係賣仔啦…
      或者佢地諗住舖路整套現代車房仔既續篇,所以先整定張污槽衫poster版本出嚟﹗哈哈哈哈

      刪除
  3. 回覆
    1. re:rice

      唔係個個識…有啲睇好耐先知係邊個…係好難數得齊架啦…

      刪除

要講幾句嗎?﹗XD