2013/03/31

讀書報告 #6~《衝動購物日記》

我只是行過唔覺意見到鹿島茂這本書,只是見個封面幾得意title又幾有趣,唔覺意拎上手揭了兩揭就轉身去俾錢,邊看會邊陰陰咀笑架,喺屋企睇時直頭忍唔住笑咗出聲,因為實在唔止係會心微笑,直頭係狂笑,鹿島叔叔的歐吉桑購物情懷,我竟然十分有同感喎﹗

事前我當然唔知鹿島茂是誰了,城島茂我就知(好了,是Tokio隊長…很爛,我知道)。買了書就自然要看,一睇就停不了…呢個叔叔啲文筆好好笑﹗難得翻譯了做中文仲keep住那種叔叔的衝動購物心情,就如我尋遍天涯海角(<--太誇張了﹗)先搵到古眼神的《愛的解釋》,又或者係郭城城的《純真傳說》,回家不是將CD放入唱機播來聽(其實我一早就有MP3了),而是影影影一番之後貼上博,那種想跟人些牙的心情,跟作者是一樣的呀﹗

最攪笑,是之後發現自己原來做了笨事,買回來的東東原來不如想像般美好…衝動就係咁,熱情過後就會覺得件野不外如是,篤眼篤鼻,食之無味棄之可惜的雞肋,於是就放在房的一角,靜待有一天狠下心腸掉咗佢,完。

天呀﹗我就係咁啦﹗

書入面鹿島叔叔解構了佢買「腹肌訓練器、小腿暖氣機、通勤公事包、躺姿折射眼鏡、中華健康棒、便宜旅遊套裝行程……」的心情,通勤公事包呢,死啦,同我完全一樣,懶係要有個性於是我地都去無印涼粉度買野,但其實佢一街都係(好了,我承認這是矛盾,但我還是很迷佢既「個性」,甘心繼續做水魚…囧),為了展現真正的個性,鹿島叔叔在法國發現了一個心儀的公事包,心諗去到外國買,而個牌子係日本無既,雖然有啲間隔未必合日人用(如法日雜誌SIZE可能不一樣),但心想不會在日本撞袋,就殺啦,HILLS地滿足了一輪(仲話,唔驚講出嚟有讀者照買而又撞袋了?叔叔說佢係趁轉款先寫出嚟架﹗)…竟然俾老婆篤爆原來牌子「MH WAY」的MH是日籍設計師的簡稱…哈哈哈哈…我真係忍唔住笑咗…原來是日牌呀﹗

講銀包的一篇又係好好笑,他說而定啲銀包無因應現代人無論係唔係卡奴都會有十幾廿萬張卡而改動一吓設計,總是滿滿而脹脹的,佢係咁二數一吓都有十二張卡,「稍微稱得上是卡片收藏家」了,我笑咗囉﹗而最有共鳴的是,平日放在銀包的優惠卡不怎麼用,到收起時就會用得著,那時才發現無帶喺身﹗大囧囉﹗(我琴日去食壽司時先發現剛剛跟銀包瘦身後無帶到那家店的會員卡…蝕咗個九折優惠呀﹗)

仲有篇講佢喺法國行古書店,因為行入店只係望望的話會給店主看不起,於是佢慣了用一本好難搵的書做藉口,店家無唔係自己錯呀,咁就可以大條道理齋睇不買啦,點知某家店有喎﹗仲要係極少有的,咁鹿島叔叔就人生交叉點啦,諗住唔夠CASH唔使諗啦,點知間店可以碌信用卡,第一張唔得(呀﹗咁又唔係我錯了﹗)…典知收番張卡入銀包時發現有第二張,而佢聽到第二張卡的呼喚不由自主的碌了…

我成日都係咁架﹗哈哈哈哈哈哈…

望一望豆瓣先知作者原來係日本旅法的法國文學專家,但睇書我覺得佢係個好可愛的叔叔呀﹗XD唔怪得本書入面佢成日講法國買野的經歷了。除了上面講的一本外仲有左邊呢本《上等舶來學》,好危險…我又有藉口去一轉誠品了…大囧﹗


我呢啲咁無個性的人用既袋梗係成街都有撞到BANG BANG聲…今日去行百貨公司時我被這個代言人閃到了…好似無乜識既人用喎﹗咦,咁我咪可以好獨特﹗﹗﹗﹗﹗﹗﹗﹗

呢家公司用呢個代言人肯定是十分成功,不過我未真係買啫,我有留意丫起碼﹗XDDDDDDD

***************************************
<--很有效率的我完成了《衝動購物日記》,冷不防睇完之後結尾竟然有物品的下落總結…我又大笑了…哈哈哈

7 則留言:

  1. 好像很有趣的樣子,不過最近實在買了太多書,都在家里屯積著呢!

    回覆刪除
    回覆
    1. RE:Sophia Leung

      係的說,一來我都係成日衝動買野的人,二作者文筆好攪笑(不知這算唔算係譯者的功勞?),睇得好開心

      我都係買到一屋都係書的人,不過見到成屋都係野時又好有滿足感喎(<--變態)

      刪除
  2. 看來你的買書癮真的好強大,不想買還是繼續買,那張誠品書券,你要唔要?因為五月就到期,我不想浪費而已。

    某種情況下,我都是衝動購物的人,只要看到大減價或是買多幾件就有幾折的時候,就會輕易打開荷包買了一堆衣物或護膚品回家,心想現在買很便宜呀,不管家裏還有多少護膚品存貨,也不管還有多少件仍未穿過的衫,其實是不自覺掉入了消費陷阱。

    回覆刪除
    回覆
    1. re:五月

      真係好大呀,呢個復活節假期我都買了兩三轉,好可怕…
      誠品書券好呀,我email地址俾你?﹗嘻嘻…因為而家我有銀聯卡了…

      因為而家有會員優惠,通常見到有興趣的書都會買的了,到會員減價時想買的都買了,很好,不用再買了…哈哈哈

      刪除
    2. 哇,你應該有幾個放滿書的書櫃, 好有文人的風範。

      這是我的email: magnoliaivy@yahoo.com

      刪除
    3. RE:五月

      放滿的書櫃是肩幾個,文人的風範…呃,似係儲物狂做成的擠逼戶啫…

      刪除
  3. RE:匿名

    詭異多謝分享?﹗

    回覆刪除

要講幾句嗎?﹗XD