2013/03/30

東京下町遊(6)~《黄金を抱いて翔べ》和納雜雜…

在來回約十小時的機程度,瞓了一半,另一半就不停開電影來看啦,數一數原來我差不多開了七套﹗不過看完的就只有這一套《黄金を抱いて翔べ》…

在迷緊女林大人的同時,小的在暗啞底一條龍緊聰哥的戲…好忙﹗哈哈哈

順次序寫先…

1. 《踊る大捜査線 THE FINAL 新たなる希望
其實成個系列我一分鐘都無睇過,我連織田裕二個名都諗咗好耐先諗得番,只係前陣子搭車時見到巴士站有呢套戲的廣告,咁不看白不看,反正唔使錢有得睇啫…但…果然我是一分鐘都無睇過嘛,真係唔知佢做乜又唔知啲人邊個打邊個…看了應該有七、八分鐘掛…我估。

2. 《建築學概論
前陣子看《擁抱月亮的太陽》時起過一吓女主角韓佳人的底,知道佢有呢套電影上年在泡菜國係勁HIT的,而又有看《DREAM HIGH》而頗喜歡的秀智,一套電影和一套劇集令韓小姐人氣大盛(DESPITE佢既演技…囧),咁好奇之下咪睇吓有幾勁囉,但…我只看了五分鐘已經昏迷不醒(催眠力勁高﹗)…我只記得韓小姐一幕在間屋度行來行去,另一場就係跟男主角的物體相認話係舊同學咁…我頂唔順了…熄機。後來跟友人說,呢套係泡版《那些年》喎…囧。


3. 《黄金を抱いて翔べ
其實我本身係唔知有套咁既戲,係睇安室演唱會時唱度《DAMAGE》就會有呢套戲的片段,片入面打的是英文名《FLY WITH THE GOLD》…我一度以為係西片喎﹗而因為片裡都係黑媽媽的,我一個演員都認唔到﹗而其實,全部都係熟口熟面架﹗

又因為飛機個SYSTEM將所有片名都寫成英文,於是就相認了﹗(如果就咁寫日文我實唔知原來就係安室唱主題曲那套片﹗),開嚟睇…嘩﹗留了鬍子的妻夫木聰哥哥竟然爆似竹野內豐﹗(哈哈哈哈哈哈),而我完全認唔出短頭髮那位大叔係淺野忠信﹗跟住有睇慣睇熟的桐谷健太和西田敏行叔叔,再睇…東神的昌珉﹗(一見到佢就諗起東神啲歌入面的驚呼狂叫…XD)((我無視了溝端淳平…哈))…嘩﹗原來個卡士好強同埋都幾吸引…

個故仔都幾《盜賊門》一類的(或海洋十一?),都係一班人因為想偷一啲野而聚在一起,跟住隨時進展有啲人會死咗,偷野的過程是緊張刺激的,跟住有啲人又會有啲懶感人的發現,《盜賊門》Pepsee就發現Macao Park當年fake佢入獄的真相原來有愛的喎…呢套就係聰哥發現自己親生父親原來係…um,真係估佢唔到…呀,最似既係呢,戲入面比較年輕的一個…會無啦啦消失了(死咗…或)架﹗《盜》森動喺馬交俾人捉咗劇情無交代啦,呢套戲昌珉無啦啦死咗弄得我好唔開心…雖然看點還是忽然粗獷的聰哥啦…

發現原來我真係好buy呢type牛奶男的,遠古有郭城城白面古,跟住有光王子,近年…有馬bobo同埋今期新歡女林哥哥…哈哈,我好consistent呀﹗any肥,聰哥的印象其實我仲係當年《orange days》、《五個跳水的少年》、《一夜夫妻要結婚》既陽光男孩樣(但前兩套野我其實都無睇過﹗),search一吓自己個blog,原來我仲睇過《多羅羅》和《黑幫有個荷里活》,仲有前年我覺得ok難頂的《惡人》,看來聰哥是一心衝破陽光好男孩形象,角色都好多樣化的,比起《惡》的殺人犯宅男,今次做個黑口黑面又懶係有過去的粗獷男更出色喎…um,我在暗地裡一條龍緊,今日喺影碟舖見到有套《龍骨王與走屍男》(這是甚麼翻譯﹗)((原來是2011年電影節的電影﹗))…我睇﹗不過看了半個鐘…有啲悶添…

今年電影節聰哥有套《東京故事》都好似好睇的說﹗雖然我只看了《狼少年》,嘻嘻。

講番套戲,雖然我覺得好看,但其實是去程看一半,回程看一半,分兩次先睇得完的說。

4. 《ホタルノヒカリ the movie(螢之光:羅馬嫁期)
雖然我喜歡遙妹,也喜歡這套電視劇(但我無睇第二輯喎﹗),但我有點受不住不停的高音大叫「部長﹗~~~~~」,跟住又有男干物,女干物干物到去意大利﹗太神奇了﹗um…我覺得有啲低智啫個開頭…於是只看了少過十分鐘…囧

5. 《林肯
吸血鬼獵人林肯》我就有睇…哈哈哈﹗咁睇完套懶輕鬆的咪想搵到serious啲既嚟平衡吓,但實在太正經了,於是都都未入肉,睇了分幾兩鐘就關掉了…

6. 《春嬌與志明
上一套《志明與春嬌》好睇呀,但之後的一套一直都提不起興趣去看,於是見到有就開嚟睇啦…我發現,明明睇06年《神鵰》時好喜歡演郭襄的楊mimi妹妹,之後的宮鎖心玉》都曾經有過吓興趣,但唔知點解近兩年佢爆紅後我又唔鐘意睇佢了(係咪因為佢個樣越睇越似冰冰姐呢?)…於是…我睇到春嬌都上祖國做野之後就無睇了…

7. 《盜賊門
我竟然無聊到再開番呢套戲嚟睇﹗但真係堅好睇嘛﹗不過因為只剩十幾分鐘就降落,所以好好彩,我唔使再次面對森動的消失了…嗚…

2 則留言:

  1. 七部電影當中,我只看過《春嬌與志明》,雖然我不大欣賞楊妹妹,但我能把《春嬌與志明》看完,其實幾好看的,是少數能保留香港特色的合拍片。話時話,06年版的《神鵰》楊過也有客串呀。

    回覆刪除
    回覆
    1. RE:五月

      咦,看來我應該搵吓隻VCD嚟睇吓喎咁…
      因為我是坐夜機…所以睇完聰哥套戲都累累地了,之後開的戲都不能太集中看…哈哈

      刪除

要講幾句嗎?﹗XD