2012/02/24

琴日大作戰~4:日語教材篇

umum,相比起日能(亂買的)書本,其他的教科書相對地是比較少…有些前陣子執屋時(懷疑被)掉咗而唔見了…看看書架剩下的大都是日能的…(泣…)…

好在呢本仲喺度,唔計暑假自習的copy book和萬里自學書,這就是小的第一本正式上course用的了…

係啦…就係小的喺商大呃gpa而take的日文course,話說呢本書係友人幫我班番嚟,之前好似有幾(?)手人用過…再放在書架上風吹雨大…是瓦了一點…呃…

揭開…果然是很基礎的說﹗那個日文course確係由五十音教起,呢本書內容無講五十音,不過啲會話基本過基本…都唔知商業在那裡(商場大學的自作業囉﹗笑﹗)

又話說,因為小的事前已經自修過,於是拿到不錯的成績去推高gpa的說。



上面說自學的書就係呢套,話說真係相當唔錯,簡潔而直接,小的暑假無聊嘛,就買嚟自學,每天睇兩三個小時(就是太得閒),呢套書的解釋頗詳盡而且簡潔直接,睇完(自覺)進步神速,識了些生字,會一些簡單會話,滿有滿足感的。我懷疑,睇晒四本的話係可以去考4級的了…不過小的只看到唔記得第二定第三本就開學,放下無睇…再攤了一輪才在商大take course呃gpa的說。

而家潮興的係咪應該係《別笑﹗我是日語乎習書》?…小的買過西班牙粉版和韓粉版,西班牙那本話自己係初級但一嚟已經跳晒字母…啲會話深到爆﹗韓粉《我的第一本韓語乎習書》反倒不錯,文法解釋和例子都齊備,睇完再睇會話會明多啲,不過係覺得在發音方面的例子解釋唔夠…睇到一頭霧水的說…囧﹗


曾在中大校外讀過兩個term,當年佢係用自家製課本,橙色一本得啲勁核突的圖其餘就係字、字同字,不知有幾多次悶得我呼呼大睡(這又是課本的錯嗎?另…當年商大的老師大推中大校外課程的說。)…。後來轉咗去Paxona,用的是左邊呢個新文化日本語,由中級二用到四(advanced 3-8係綠、橙和紅),總共玩咗6個term(一本用兩個term),呢本野比起中大校外本無圖天書是開心很多的,起碼印刷精美得多丫…而啲課文內容cover範圍也較多,有日本文化(歷史、節日同風俗,有一課講點解日人鐘意食鰻魚的說…咦…張某人都鐘意食鰻魚架喎﹗XDDDD),也有正經一點講日本社會問題,同埋天文地理都有cover吓,生字文型之外又知多啲唔同文化既野,幾有趣的。只是課文後列出的重點學習文型、語彙呢無詳解(就是說你要上課聽先生解囉﹗),同埋啲課後會話、作文、活動呀咁都似係課室上課而設(也就是說要先生帶領…),如果自修的話就有點得物無所用…

另上了一個upper advanced 1(之後就轉番去太空學院了),那班選用的是himawari出的課本,好爆趣,每課就係生字、課文,之後係練習,完﹗本workbook上課又唔點用喎,成套書收咗百幾蚊架(好似﹗)…最爆趣的是…屋企大整完之後…3本《新文化日本語》和呢套有少少把鬼的書(仲有兩本在第2日語上過的書)都唔見咗﹗囧﹗

呢個係前陣子在太空學院讀的year5時的課本…左邊一本悶到癡肺,長到爆的文,多到嘔的字,可能因為呢一年係prepare 2級而小的其實已經passed咗,於是文法方面可以輕鬆啲專注番讀和解囉,因為啲用字幾深。同埋我唔明前一年和後一年都唔係用呢本書,點解要買咁大本書淨係用中間幾課…好浪費呀﹗
可能學校都知本J501太focus喺讀方面,於是整多本…好奇怪呢本啲會話係超級口語,口語到都未必睇得明係邊個文型的簡化版…但內容係生動啲同埋啲圖幾攪笑的…。重點是…呢本書個重量先正常囉﹗另,原來而家多了一年year6(究竟有無人真係喺太空學院學足8年?),唔知係咪繼續用呢本呢?因為我中間轉咗去p記,之後又跳番去太空,這一年skip了…

um,講開又講,從前p記selling point係會話機會多,以小的讀過呢兩年在太空嚟講,唔知係咪針對呢個問題加強過定係先生問題啦,兩年的老師都不停篤人答問題,就算平時discussion老師都會走埋嚟叫我地圍內講吓野,開口的機會滿多的說。

教科書以外的,甚麼單字1000個呀幾十天學會幾多會話呀咁少不免。考完2級之後覺得文法根基不好,於是買了這本(商x有繁體版)和下面呢本…,不過…其實我無乜背架﹗哈哈哈…特別係下面那本札記(同上面一套自學書一個出版社,相當不賴),字典咁厚,用嚟嚇人一流﹗


行書局成日見啲咩《中學生課文學日文》、《從小學生課文學文法》咁,揭係揭過不過最後無買到,前陣子唔知做乜買了上面一本…突然咁唔正經好似唔match之前啲內容…哈哈。

***********************************************************
以上。

上一篇:琴日大作戰~3:日能教材篇(貼圖總篇)

其他的:日本語學校雜談
日文與我‧問卷調查(這是呃文﹗)
我的日文道路

4 則留言:

  1. 我來探你啦,看見你這些學習書本就頭暈啦,我中、英文都未學好,不要說日文了,加上記憶力又差,要學會真是天方夜譚。不過我好佩服和欣賞那些有語言天份又有毅力的人的,比心機啦你。

    回覆刪除
    回覆
    1. 你好啊﹗好耐無見啦~~~~

      哈,其實中英文我都唔係好叻架,不過係有興趣(鐘意煲日劇和迷日本偶像),咁多一重動力去學同埋to certain extend可以應用咁解…

      語言天份…呃…我諗我係被公開考試訓練到點玩考試遊戲,唔考試齋talking的話就露底的了~

      不過為了繼續迷偶像,我會努力的﹗

      刪除
  2. 我雖然也只是刚開始讀N3, 但之前買落的参考書也一座山那麼高

    回覆刪除
    回覆
    1. 哈,其實啲語法書用嚟擺既多,咁多年我都無細心睇,啲副詞既細微分別永遠只有考試時先記入腦,之後就唔記得的了…

      刪除

要講幾句嗎?﹗XD