2011/11/30

[港劇]又講《天與地》~如果~命運能選擇~~

講堅,強烈希望無記會出OST,出番片頭片尾兩首歌同埋劇中的配樂/樂曲,實在太正了~

看微博說黃貫PAUL係從頭到尾看過故仔(劇本/片?唔SURE)一次才寫咗主題和插曲的,主題好ROCK & ROLL…片尾就有點《十八》+《笑忘書》(林若寧填詞嘛),淨係兩句「如果命運能選擇」和「如果活著能坦白」已經觸動得起雞皮了…

很奇怪地…今次明明係打BAND…在片尾個MV度又無乜三人打BAND的場口;反而同打BAND扯不上關係的《情越雙白線》和《真相》主題曲片尾MV卻SET埋隊BAND懶ROCK咁…TBB啲野真係估佢唔到…

雖然說今年劇集有幾部都讓小的如癡如醉,不過講餘韻和追看度還是《天與地》嬴了,幾個場口如第一集的電話少年回憶記、BALLROOM飛紙飛機和琴日DR. DYLAN講社會一式一樣都讓小的感動和感觸…。食人一段也不過是個引子,社會的大眾主觀意願SET下一堆條件,要點點點咁咁咁先算合格,吃掉少年人想不一樣的丁點夢想,不就和食人一樣恐怖嘛…登時諗起魯迅曾經說過禮教吃人,人只能跑去讀四書五經考科舉才能「成功」…而家也不見得好好多,咪就係要追嬴在起跑線,三歲就要識1000個單字(還是更多?)追到入U畢業要好工買樓結婚生仔乜乜盛咁,好攰好攰真係好攰,點解就唔可以簡單一點呢?

(因為學琴而常去睇相關科林,見好多人都係細個被送去學,到學到咁上吓想將之作為終身事業時就被家人反對於是放棄了…小小願望當不合乎主觀意願時就被打壓了…但件事本來係主觀意願同意兼大推架喎?呢個世界有啲野真係好難明的…打BAND就更加唔會俾人睇好啦…特別係香港…泣)

阿YAN哭著問自己係咪醒咗一幕真係被觸動了,不自覺對號入座了,當自己也曾有個想圓的夢卻因大人意願而放棄的時候…呀﹗我都好想永遠在夢中不會醒,在夢中反倒可以自由想點就點喎﹗

套劇啲對白真係好中但又好恐怖…怎麼篤得咁中。琴日DR. DYLAN一段:「你睇吓我地呢個世界,睇下我地呢個城市係乜野樣,除咗錢呢個字之外,我地已經分辦唔出是非黑白,我地每個人都被環境訓練到,好似倒模出嚟咁。鍾意食同一樣既­嘢、鐘意同一樣電視節目、支持同一種政治立場,信奉同一種生死病死的做人方法,this city is dying, you know?」(轉微博)又係應一應(仲有人肉錄音機…哈哈)…

830的那一套,那個王爺搶皇帝位的橋竟然可以一年出3套﹗仲要詭異地都係830播喎﹗um,所以小的真係好驚喜930這套,感覺830的一套就好似皇帝的新衣啲人民咁,930就好似篤爆原來皇帝無著衫個細路咁…(um,我試過包容830一套的風格…或者真係有其可取之處呢?但我做唔到啦﹗唔理清宮史實啲野啦…((係﹗我知我唔應該太認真﹗)),淨係啲橋一而再一用再用…救命呀﹗我頂唔順呀﹗第一次《洪武》睇馬神搶陳山lone皇位時覺得…ok啦…可以再好啲,到《紫禁驚雷》…吓?又嚟?唔係fa…而家再嚟第三套…邊有咁多王爺搶王位呀大佬﹗東施效颦已經驚…而家係效上效…強大力square呀﹗真係勁京京…)umum,那些投訴《天與地》的人…um…其實多一點不同唔好咩?我都好想投訴《紫禁》寫到康熙廢到無朋友,孝莊變成深山老妖,《萬凰》將四阿哥(即將來的咸豐)寫做大阿哥…真係眼都反埋…((我知…唔應該太認真,但人無夢想就和鹹魚一樣,飯來張口不就比一條鹹魚更衰吧…))

究竟無記係咪真係驚套劇太好會影響到親生仔女拎獎而放在而家呢個so-called炮灰位播呢?係既話…佢地都仲算有點點審美眼光喎﹗

希望這一股清泉能夠好似《金枝》咁由頭帶到尾,又一套值得一煲再煲的好劇,好,努力繼續追。以上。(5/1/12後按:是成功了﹗確實係一套值得一再回味的劇集)

上一篇:[港劇]《天與地》差天和共地下一篇:[港劇]最後的《天與地》

14 則留言:

  1. dr dylan果段一路播時我 O 嘴良久的...

    回覆刪除
  2. 我只是覺得由佘詩曼講rock & roll有點…
    如果下星期一胡囧兒羅女主角仲京京。

    回覆刪除
  3. aulina:
    好有心機寫的對白﹗(大愛…灑花…)

    回覆刪除
  4. brownie :
    佢個角色係好熱愛band野的dj嘛…
    (其實蛇視后講呢段對白時我執緊屋無細心睇…哈…)

    回覆刪除
  5. E套真係好好睇, 一D都唔TBB, 反而有D日劇FU~~~

    Natsu

    回覆刪除
  6. Natsu:
    話時話,自從《飛特族買間屋》之後我都無追過日劇了…

    回覆刪除
  7. 今季日劇好好睇呀~

    推"不能戀愛的理由","家政婦三田" & "還有第11人"

    "還有第11人"係宮藤官九郎咖~ 記得你好似係佢既FANS黎咖喎(笑) 應該岩你睇!

    NATSU

    回覆刪除
  8. NATSU:
    咦…係咪廣末涼子?
    我甩晒啦啲日劇…
    係見人講《家政婦三田》好hit…諗住清一清手頭上啲貨先出手睇…

    回覆刪除
  9. "還有第11人"係有廣末涼子果套呀!

    我都冇睇好耐啦其實,係見今季有驚喜,先睇返(笑)

    NATSU

    回覆刪除
  10. NATSU:
    咦,你咁強力建議我要睇睇了…
    除了這套我應該會睇一睇家政婦和不能戀愛的理由~

    回覆刪除
  11. 呢套都應該係無記絕響,我無睇,不過我相信一睇會好鐘意。

    完左天與地,大概無記以後都係拍師奶劇,因為佢話低收視嘛!其實人人皆知套野有阿佘做,佢咪故意咁做囉!

    d收視既野,都係佢自己亂嗡,佢肯宣下傳,日日都話自己三十三點收視。

    再陰謀論d講,無記只係鐘意d倒模野,以後只係拍師奶劇,所以佢咪故意話天與地低收視,成你貴言去拍多d師奶劇囉!

    by無敵

    回覆刪除
  12. 正如套野有集講rock ﹠ roll,而家既人跟本就係睇d倒模野,聽音樂都係一樣既音樂,睇戲又係差不多,咁有咩特別?正正寸埋無記自己

    by無敵

    回覆刪除
  13. 無敵:
    無記的反應確係好冷淡,不過都關乎劇的內容事既,如果大眾只希望睇啲唔使用腦畫公仔畫出腸的劇集,《天與地》確係需要用一點腦(其實也只是要用一點,只要用心一點看就會看得明前文後理吧…)…但或許大眾都不想有改變(或者害怕改變吧…)…於是劇播完咪繼續播番一貫的劇囉…
    但還好此劇還是激起很多人的思考,看劇係咪一定只能看肥皂劇呢?還是應該有多一點選擇吧﹗

    回覆刪除
  14. 無敵:
    或許家陣買碟的人不多,而唱片公司又唔肯開發多啲唱片以外的新賣歌平台(或者背後有太多印象呀發行呀的利益所在…)…於是個餅越來越細,又點會有人肯搏,就算以非主流搏了一條血路,有人氣之後都走向主流了…

    回覆刪除

要講幾句嗎?﹗XD