2011/10/28

一把年紀學琴記(七)~租琴(房)記

話說,家裡大修七角咁亂,練琴不能,於是跑到附近琴行租琴房去了…
又話說呢,這個月租了兩次琴房…

第一次是前陣子的考試,呀,離上一篇(六)都一段時間了…um,個考試呢,雖然話小的純為興趣,上到去試場時心情本來都好輕鬆,但一入到試場都係越彈越緊張,囧﹗難怪琴行的人千叮萬囑務必要考試前租一租考試室來練一吓了…um…我炒了一條scale(炒的意思…是勾錯黑鍵…哈哈…自我approve又彈過…)…然後pieces炒了一首歌的最後一行…唉…考官俾我彈多次…都係炒…囧﹗好在之後的第三首歌又無乜事…世事真係好妙,明明第二首歌一路都係最有把握的,竟然係炒呢首…頭首兩首無乜事喎﹗囧﹗唔知係咪考官見我越彈越驚(唉…一把年紀了…都仲係咁),sight-reading竟然醒了一首易(我自覺)的我嘆,好簡棟啊﹗…

原來呢,睇《交響情人夢》野田妹彈琴係記手位,所以佢可以唔使睇譜,之但係一俾人叫停就唔知點樣入番…呃,小的練考試歌攪攪吓就係咁,彈到完全唔使望譜,但中間一彈錯位就唔知點入番…或者有時鬼上身錯嚟錯去都係同一個位,要睇番譜好似睇新歌咁由頭研究過啲手位…好詭異…

話實,咁樣幾個月不停喪練三首歌真係好鬼悶,唔怪得琴行啲小朋友都木口木面啦,考完試除了囧炒咗粉外,就係終於唔使再彈那三隻歌了﹗尤如放監﹗噢耶﹗(不過問我會唔會再考…我諗都會…哈哈…實在咁樣逼住練scale呢,而家睇譜好似真係快咗…睇住有幾多個sharp幾多個flat又唔使吓吓數餐死…真係幾爽的…)

um,就是說因為考試所以租了考試場地個琴房,那個號稱三角琴的房好似百幾蚊半個鐘的(唔記得了…),但唔知係咪我心理作用呢?之前公司有event租過個三角琴…咁小的梗係玩幾吓啦…啲鍵好實架喎﹗所以小的一路都為考試擔心驚自己唔夠手力(小的彈琴行個琴都成日俾老師說唔夠大力的說…),坐低彈考試個三角琴時…咦﹗好鬆喎﹗呀,爽呀﹗好在個琴鍵唔重啫…唔係又緊張又盛咁就大件事了…orz…

*********************************************************************
放監彈番歌仔真係勁開心…終於唔使對住那三首歌了﹗囧﹗

又因為彈新歌,屋企又練唔到琴…於是就走去玩租琴室了。睇中了屋企附近的一家店,價錢應該唔算最平,不過諗住佢開得夜就到放工時間嘛…就去啦…一坐低…嘩﹗好爆﹗係個琴好爆…個鍵爆咗喎﹗彈落去…無聲…大力彈落去…有啲走音feel…呃…隔離房應該係一個細個得好緊要既小朋友學緊琴…佢係咁hyper地拍牆,好似同我打拍子咁…囧﹗後面有個應該幾高grade的人在練琴…前後夾擊…呃﹗無計啦,啦啦聲把握時間練好幾隻歌仔佢算啦…

um…即係呢,那個琴衰過學琴琴房個琴好多喎﹗個觸感仲衰過彈電鋼喎﹗好難想像學琴都係用嚟個爆琴囉…唔通有人彈琴彈到酒杯爆鋼琴?你媽媽話痛喎﹗(好爛…逃…)

考慮到呢個月都要蝸居,於是買了張租幾個鐘的卡…哈﹗哈﹗哈﹗我諗唔會間間房都爆琴咁爆掛?囧﹗頂埋呢個月佢啦﹗oh yeah﹗~

6 則留言:

  1. 其實外面好多琴房的質素都好差ga, 我都試過借琴房入面個房有一兩個鍵無聲的...最好去學琴o個間借, 順便問下老師邊間琴房個琴好彈d...同一間琴行, d琴房質素最間都唔同ga...

    對於三角琴, 我都有同樣的感覺, 我覺得應該係因為以前唔識彈, 唔識用力...

    其實我覺得應該大家都係唔使睇譜就彈, 到時先睇譜根本就彈唔切...sight reading就話可以慢jie, pieces有d好快ga嘛...

    回覆刪除
  2. 你考幾多級呀? 加油呀~

    我以前屋企都有部琴的, 當年就真係齋practise考試歌...em...對鋼琴的熱情不夠呢...

    最後家裡裝修就琴都送埋俾人了!

    回覆刪除
  3. 哈哈你考幾級?考琴真係悶到嘔既一回事!話說我當年考八級,對左果三首歌同SCALES成兩年先衝到合格多DD,AURAL永遠都唔合格咁解,哈哈!

    回覆刪除
  4. まこと:
    我無諗到會咁頹架﹗純粹係諗住近屋企同開得夜、平平地咁咪去囉…爆琴呢吓真係o晒咀…
    我諗住而家間琴學度租會貴啲嘛…想慳錢典知有得開眼界了…
    三角琴…我真心覺得要tune吓的…我覺得啫…咁用得嚟考試應該唔會太頹掛?但佢鬆鬆地都好…我唔使彈得咁辛苦!
    那三首gei野彈了差唔多8個月,真係彈到人都癲…好鬼悶囉…屋企練時悶悶地寧願拎本sight reading出嚟玩吓…即刻好懷念之前彈歌仔的日子,但而家彈番歌仔,個個星期唔懶得一定要練又有啲懷念彈pieces的日子了…哈哈哈…

    回覆刪除
  5. 火女:
    我二級咋…哈哈哈…
    miss說可以試三級,但要好勤力…我心諗第一次考好似考啲有把握既好喎咪選二級囉,諗諗吓先呻笨,反正都練了大半年…不如跳多一級啦…呃﹗
    我細個時就係覺得悶所以學學吓停咗,而家現兜兜自己俾嚟自娛…一停我諗就唔會再玩番的了…um,我會繼續努力的了﹗~

    回覆刪除
  6. JACKIE:
    我二級貨仔咋…唔知會唔會有熱情衝上去…
    雖然說係初級,但成個練習的過程都幾痛苦,唔怪得見到啲小朋友都木口木面無表情,唔笑既…

    回覆刪除

要講幾句嗎?﹗XD