究竟有幾多藝人本來唱歌後尾走咗去拍劇/戲？

究竟有幾多藝人本來唱歌後尾走咗去拍劇/戲？

小的的確好無聊，試著來數一吓(發現，是男藝人比較多的說…係，就係某日諗起都好多人做完幾碟歌手就走去拍劇喎…所以先心血來潮去數吓的)((亞記係咪都應該有啲？但我睇得亞記太少…諗唔起…))：

((話說此文原稿打了在OUTLOOK成個月有多，多謝琴日某博友講起先醒起…XDDDD))

蔣志光
名曲：《相逢何必曾相識》…(係咪要CREDIT番《家有喜事》？)
(舊文話睇維基見到蔣生本人說唔會再唱番以前啲歌…oh﹗有性格﹗型呀﹗)

林保怡
名曲：同牛尾君合唱的《偷窺》好聽啊﹗(其實我可以說是「男人心一字馬」？)
印象中係半夜啲點歌節目聽過《偷窺》…真係正喎﹗(某年搵闊容天后和傑少合唱了…又係好聽喎…)先記起保怡哥以前係唱過歌的(啲封套都係黑麻麻的…咦，點解我會記得？)((睇維基才知，原來保怡哥做過消防員又做過警察﹗勁喎﹗))

馬浚偉
名曲：幸運就是遇到你？3分07秒？玫瑰和家明？(其實我鐘意佢同陳健穎((好似改咗名))的《新世胞時代》…)
太難忘佢既「他不是黎明」宣傳語句了﹗又說，雖然小的不喜歡馬生啲角色吓吓好委屈但又硬係好偉大咁，但佢既歌聲確係不賴…(其實咁不滿公司唔重視自己又想去國內拍劇就去吧，想喺度爭視帝咪唔好走，又要馬兒好又要馬兒不吃草咁唔知想點…)

謝天華
名曲：shake shake shake…shakeshake shake…大地震動…謝絕枯燥…
風火海呢首《shake shake shake》我笑咗好耐…同埋我只記得呢首(同埋啲講唔出名既《古惑仔》主/插曲囉﹗)…太爆了…。咁laughing哥正正經經唱歌都ok既(遠目《洪武》的插曲)

鄭嘉穎
名曲：呃…《飛出戀愛街》可以嗎？
我敬愛的鄭視帝係馬生的同門師兄弟啊…尤記得當年勁可怕的棒球小子郁…完全唔記得佢獨唱過啲乜歌…只記得萬X路RED HOT HITS啲歌…哈。

陳山聰
名曲：ABCD…我話你知…無謂再…逃避這…豪情哥哥﹗
其實呢首本來都係唔識的，前兩年雜誌話唔唱k拍劇時show咗呢首歌既mv俾山lone哥睇…即刻搵嚟睇啦…果然笑爆咀…(遠目當年真係開到口識講野就可以唱歌架啦﹗)又說，阿陳生而家追求更高的成就，真係「踏世上高峰總要攀」…umum

曹永廉
名曲：《胡塗情感》和《唯一的女神》
其實，呢兩首歌係堅好聽的，不過曹爸爸個定位比較其怪，偶像又唔係實力又唔係…oh…。

胡諾言
名曲：《一個諾言》
唔記得首歌點唱，但記得有過一首這樣的歌…都算係成功丫呵？

蕭正楠
名曲：跟同年女新人金合唱很HILLS的《特別鳴謝》，堅好聽…不過最記得都係佢記「邪不能勝正」
SIU公子另外一個成就…應該就係那個「0雪…0雪…0雪」的騎呢廣告吧？﹗ANYWAY，多謝你為我們帶來過的歡笑~

王浩信
名曲：《訊號》(其實我是唔記得佢唱過乜野歌的…)
咦…係咪就係《刑警》入面同胡定欣一PAIR同埋死咗那個呀？(劇我就唔太記得，係記得佢跟陳YOYO是一對…遠目…)

鄧健泓
名曲：《直上》、《如果有神》、《朋友二號》
鄧生啲歌其實唱得不賴，但有點太…醫生了吧？﹗(但那一水有邊個出道唔係自持「我好似醫生」既呢？)…，死啦，自從睇完《刑警》後，我就好記住佢入面個女人濃妝郁…好驚…

田蕊妮
名曲：呃…好似某年亞運定奧運(96年？)主題曲係佢唱囉…
(果然我是好辛苦先諗到一個亞記人…麥子杰有無拍劇架？佢同陳秀雯合唱了一首《再見艷陽天》的插曲幾好聽的…)((咁杜太太又算唔算先唱歌後拍劇？﹗囧))

羅敏莊
名曲：《挑戰者》、《一顆恨嫁的心》
唔講唔知當年佢俾同公司天后級人馬恰喎﹗又咁，佢而家都搵到頭上一片天丫…戲照演，碟照發，仲有大把捧場客﹗

江欣燕
名曲：「龍貓竟會做我的良朋」？
(((((哈哈哈﹗咁夾硬我都寫得出﹗咁係咪應該寫埋陳雅倫同佢既名曲：《隨便坐》…))))))

海俊傑
名曲：《永遠的偶像》﹗﹗﹗哈哈哈…
《微風中的海》呢個碟名真係幾掂﹗不過華星喺捧醫生和千FA之前接連失敗了兩次—海俊傑和梁浩賢(佢既《含蓄》和《樂園》都係好聽的﹗)無記劇我只記得《緝私群英》和《闔府統請》，咁啱都係喜爺的…THEN就係《孤男寡女》做鄭天后前男友囉…之後就係亞記啲疑似咸豬手咁…囧﹗之前睇ROADSHOW好似話佢出番碟喎﹗

譚耀文
名曲：《長夜怨曲》？(其實我大概記得有首差唔多名的歌…但唔記得點唱…)
《縱橫四海》明智傑﹗(我記得阿田係做有錢女，俾佢聚過門嚟搏上位的﹗嘩哈哈﹗有錢佬係咪馬壽南？好似係石修做的﹗)

**************************************************
十七皇兄係先拍劇後唱歌又拍番劇唔算丫…蔡濟文我記得佢有拍過亞記劇，曾航生係奇異地出現過喺松松姐姐套《蜀山奇俠》度，聽聞佢而家好似同梁安琪做緊社區工作喎…

應該仲有好多吧？﹗UM…

舊文：懷個90年代的舊
蝦里波特之消失的新人們
今年新人特別多…
無記歌手…我見和我想…
無記歌手2~舊時歌手今日藝員