免"廢"日報

新近刊印的《晴報》和來勢洶洶的《爽報》弄得業界(應該是後者吧主打…)風起雲湧的，好似話有收費報章即以減價作招徠云云…

um，其實小的一路都無睇免費報紙的，原因舊文都寫過，一看…嘩﹗差不多6年了﹗時日如飛…今天在我心裡…是充滿不退的記憶…

話 說初初只有metro的年代，小的仲會搭地車返工，見到啲公公婆婆在閘外通道上伸晒手等搭車的人拎俾佢地，後見過幾次好心人拎幾份過去，公公婆婆們竟然爭 起上嚟，感覺極不良好，後來派報的姐姐唔俾返工人拎俾外圍的人啦…自己拎一份走但人家只能望住你拎住走…感覺又是一個不良好…所以小的是索性唔拎。

後來《頭條日報》、《am730》加入戰團，在車站呀大街小巷大派一餐，等車時邊看邊等是不錯的，而且啲派報嬸嬸叔叔見人就派，當年在地車站的「伸手黨」情境應該可以改善了吧…

um，6 蚊一份收費報，一個月就百幾蚊，個數話多唔多話少唔少，正路梗係有免費野梗好架，不過觀乎身邊同事，好多唔買開報紙的人(可能係屋企訂)的人就會睇免費 報，而一路買開報紙上班看的人(又多數睇經濟喎﹗絕少見佢地拎住份蛇果的…)又好少會拎免費報，呀…拉闊史大奧啊﹗so far都河水不犯井水，所以我都好想睇吓以重口味作招徠的《爽報》可以有幾爽…可以有幾影響到一直都好似相安無事的報業生態？(at least暫時未影響到我啲同事，重口味得濟…可能留番上網睇﹗哈哈哈)

因為份gee野出街所以留意一吓相關報導(不過我係手機上網地讀報的﹗呵~我都好有史大奧架﹗)，今日方向報載 話蛇果啲免費報未派就正接去回收…囧﹗(咦，方向報係咪都話出免費報呀？)um，方向報既野首先要打個7折…但朝早返工所見，又確係好多嬸嬸派到9點半都 仲未派完，想當年《am730》未出時，《頭條》個嬸嬸9點未夠就收得工啦﹗(最慘係《standard》個叔叔永遠派到行家走晒都未派完…)…um，一 聽6份免費報，就諗起要用好多紙…就算可以拎去回收…但都已經要浪費多一重資源去再處理啦…好恐怖…而家條街朝早就堆一大堆派報的人，夜晚就係追住你捐款 或上網的人…好煩…

如果印出嚟既野令讀者接收到資訊呀咁，啲樹既犧牲都叫有價值，但實 在可以有幾多…當年唔拎色費報其中一個原因就係覺得內容太少，排隊等車時lap標題充塞吓時間是ok的，但有時想深入啲…oh﹗完。俗如蛇果報都有時會隔 離有啲時間表呀冷知識咁補充吓，久不久都會有「呀﹗長知識了﹗」或者「癡架﹗亂寫﹗」刺激自己思考的用途(蛇果是後者比較多…XDDDDD)…印了份野出 嚟啲人睇一睇，落車就扔…啲樹真係好慘…奠。(所以小的支持網上讀報…)

或者除了廣告收入外，唯一的好處係令叔叔嬸嬸有份工打吓，執紙皮的人士又可以有大把執咁囉…。

**********************************************************
相比報紙，小的比較喜歡拎免費雜誌如《Concierge》、《NEEDS》和《The List》咁，研究吓人家的行文風格、排版呀咁，職業病發，哈哈。