BEYOND．福祿壽放暑假

友人告訴我王祖藍在全新的《福祿壽放暑假》重玩本人最愛的《洪武三十二》(D)扮千三娘(XDDD)…咁小的梗係非常神心去即刻搵嚟睇啦…咦，咪住，個節目名…令小的諗起小時候睇既《BEYOND放暑假》啊…再上網睇一睇，原來出咗VCD﹗逝去日子…經過多少…逝去日子…打算是多麼遠…

********************************************************
先嚟懷舊一吓，其實我唔記得個節目做過啲乜架，不過好記得有個咁既節目，再上網search一search番節目內容…即刻嘩嘩聲：

#1：黎明節目中四子為觀眾解答疑難，包括如何討女孩子歡心；還會請來嘉賓黎明教大家如何度過漫長的暑假

#2找來吳剛師傅睇睇風水，希望演唱會門票大賣之餘，順道為各學生找出風水好學校。「愛情信箱」提供多個拍拖勝地以及免費遊玩好地方，讓沒錢的年青愛侶多個選擇，如何用最低消費享受最甜蜜時光。

#3 放暑假約女仔，如何順利過伯母一關？紅星名人究竟來自何間中學？還有各式各樣的愛情難題，Beyond都為你一一解答。「搵錢偶像」找來成巨狺l(冰按：？？？)，教你如何發奮圖強搵真銀。家強更會親身示範，傳授彈Bass的技巧。

#4 今次Beyond深入鬧市，為你調查學生的潮流衣著打扮趨勢。嘉賓黃翊與四子大談暑期工的經驗與趣事。今次亞Paul粉墨登場，教你彈結他之道。

#5今集Beyond不但會唱歌，還會擔任情場高手，在「愛情信箱」中為歌迷解答愛情難題。此外，世榮及阿Paul 為了美女CoCo打生打死，最後誰會奪得美人歸？兄弟情又有否受到影響？靚女當然引來一群狂蜂浪蝶，周慧敏又會如何應付？

#6 Beyond跟草蜢以過來人身份，笑談放榜趣事。「暑假補習班」來了一位新阿Sir，訓練Beyond直至擁有強健的體魄；大夥兒去到海灘訓練，Beyond要面對什麼挑戰呢？最後Beyond、草蜢兩隊組合碰頭，當然會表演好歌連場！

#7 阿Paul走遍港九新界，深入調查全港學校名稱，為你作出最有趣的報告。「暑假補習班」教你唱歌的技巧，還有嘉賓鄭秀文同Beyond四子一齊分享賣舊書的趣事。當然少不了「愛情信箱」的答問環節以及Beyond的金曲啦。如此精彩的內容，你又豈能錯過？

#8 今集請來重量級嘉賓劉德華。快將開課，Beyond四子聯同華仔一起分享新學期的趣事和重要須知。華仔更會扮演戀愛專家，齊齊同Beyond解答你的愛情難題。

#9 「八卦校園」帶你回到60年代的香港，看看當年的校服和學生打扮，原來當年的男生流行三七分界，女生流行歐米加頭。直到70年代，4吋闊大燕子領襯衫、3 吋闊校呔，配22吋掃把褲腳西褲，名副其實的「闊」少爺打扮。麻辣老師杜德偉想融入頑劣學生的圈子裡，就要絞盡腦汁，最後更以一敵四對抗Beyond四 子，勢要挽回教學界的名聲。

#10 早已畢業，離開校園的Beyond，以過來人的身份向現任的學生介紹對付老師的鬼馬方法。但正所謂一山還有一山高，他們的舊橋還是鬥不過溫兆倫老師及港姐靚女吳婉芳老師。如果你要使用「愛情信箱」內提供的方法去解決愛情疑難，就定必路路暢通，甚至比那些愛情書藉上所學的更勝一籌。

#11 時下學生大多討厭上學，原因何在？Beyond經過一番調查後找出原因，並提出解決方法。Beyond四子無一不識，但假若將四人分開，觀眾又會否認得？ 大家又知否四人的真實名字？Beyond偷拍測試各人受歡迎程度，克勤擔任今集嘉賓，為大家獻唱《護花使者》。

#12 最後一集的《Beyond放暑假》，Beyond把握最後機會，全力為歌迷解答來信，還請來愛情高手李美鳳為大家解答愛情疑難；而校長譚詠麟則以整蠱專家的身份大談整蠱人的方法，最後當然還有一班唱家班傾力演唱一番。

講愛情、點樣hea暑假時間、放榜、暑期工、整古老師、鬼…咁《Yes﹗》既啲內容﹗嘉賓又真係好強，黎老闆、劉華、校長、周玉女、鄭天后、草蜢仲有杜德偉(乜佢有做過青春偶像咩？)((黃翊都有…好強大呀﹗))…仲有電視界既溫兆倫和李美鳳(can't let you gogo, can let you go~)…好爆﹗成件事好唔BEYOND囉…呢個節目和《淘氣雙子星》小的當年都看得如癡如醉(當年仲成日談論究竟家強定阿PAUL靚仔啲添…)…弄得小的印象中好似無乜記得過BEYOND係一隊BAND… (不好了，家駒哥知道可能氣得驚呼狂叫…香港真係無樂壇呀…SORRY SORRY…)

講開又講，小的好喜歡《逝去日子》原來就係《淘氣雙子星》的主題曲，想話點解黃貫中和李克人會似雙子星呢？但其實我完全唔記得啲劇情…(呢套野啲青春氣息拍得住《Y2K》和《四葉草》丫…，當年無記年年都會有套暑假oriented的劇集(記得仲有套《不再少年時》，又係李克人演的，仲有首好熱血的同名主題曲添﹗)，但而家好似完全無晒影，唔target年青人之餘連小朋友的都好似攪唔起…唔係欣宜和唔唱k的世紀之吻我都唔aware有個《兒歌金曲頒獎典禮》囉…

well，講番套劇，後尾我先知原來《淘氣雙子星》度有郭城城的，唔知點解我好記得有黃寶欣(好似話佢想做歌手，成日fing把梳份mic唱歌的~)同黃翊(飛圖之友？)，唔怪得黃翊會上《BEYOND放暑假》啦﹗

講起啲兒歌，突然又好懷念《共享陽光》和《夏季SHA LALA》了，沒有松松姐姐就好似無放過暑假咁…夏季SHA LALA，又到海灘喧嘩，日光裡，人人黑媽媽… (點解明明講BEYOND會變咗講松松姐姐…真係忍唔住要貼一貼…XD)

********************************************************

笑到收唔到聲，王祖藍扮除紙山個咀真係超似…千三娘講完「其實我都想拎視帝」，燕王話「本王相信人定勝天」那一吓小的笑到完全收唔到聲…囧﹗

「我的字典裡沒有放棄~~~~~因為已鎖定你」…實在是太爆了﹗不過呢度唱得兩咀唔夠喉…聽埋呢個《唸你(父子情深版)》先夠勁﹗ (LAUGHING SIR行來行去插科打渾太不過癮了﹗)

幾時會惡攪《潛行》的劇情呀﹗(或者叫祥哥仔惡攪番《真相》丫…)

其實我沒特別看這個節目，都是靠身邊勁熱愛福祿壽三兄弟的友人報料邊條片好笑要睇番…如呢個的士陳…真係百看不厭…令我知道陳偉霆是誰。UM，是咁的。

咦，TBB官網得7月31日既資料，只播了一集嗎？？？？？ (剛剛出了電影版…我係咪要睇吓呢？