2011/06/24

辦公室教曉我的另外5件事

承前一篇《辦公室教曉我的5件事》,寫得興起,不如再講多一點吧?﹗emotion


返工不是識朋友
  • 聽過很多人說想轉工是因為在公司無朋友云云…呃,公司請你返嚟係做野唔係識FRIEND喎﹗
  • (小的算係幾好彩,做過的幾份工都識到可以交心的朋友…嘻嘻,讓我hills一吓) 
  • 當然,人際關係係需要重視既,大家保持友善做起野上嚟都易啲丫…(就如前文所說的old seafood類)
  • 特別係同組的組員點都要吹吓水friend底吓既,不過會唔會friend到交換fb、msn咁就閣下自理了…有時慶慶地寫咗一句半句(疑似)好有型的tagline…講者無心聽者可能有意呢…
  • 最 高既境界就係lunchtime management,呢個可以體現閣下係咪已經成功融入間公司,如果全司culture係出街食飯(而無乜人帶飯),oh,咁閣下唔好彩了,要研究吓邊 班人可以做飯腳了…孤獨精一日半日就無所謂,日日係咁就好慘呢…(好在吾司流行帶飯…umum)
  • 又咁講,人心隔肚皮,知人口面係不知心,做人既野都係要小心好啲,friend還friend不要因為friend而越過職位上的底線…好多時就係有人見大家friend所以搭膊頭托呢樣托那樣,咁自己就要小心啲睇吓邊樣ok邊樣唔ok啦…
  • 如果係辦公室戀愛就更複雜了,有時未必係當事人有野,反而係周邊的人覺得不知如何是好的…

世上沒有懷才不遇
  • 只有轉工就能有更好待遇。
  • 反正無人逼閣下留在現司嘛,當年接受得offer…就唔好怨…覺得唔啱就唔好接受啦…
  • 很多時在下位者都覺得在上位者不體恤他們,不能讓他們多發揮才能…um,好多時公司體制、culture所限,一個人根本改變唔到啲咩嘛
  • 就算被派很無聊的任務…呃,咁公司出得錢請我而叫我做啲無聊野,咁我咪做囉…反正返工的9個鐘預咗俾公司的了。
  • 回 應前文的一句:冗員的存在﹗好似逢公司都總有啲薪高糧準的冗員們吧,well,自己做到死死吓時人家卻在悠閒地上網…well,1. 你睇人好人睇你好啫,人家的難言之隱總不成全部都俾我知架…2. 如果咁唔順超…咪走囉…留得喺度但求做好自己本份就算,其他野隻眼開隻眼閉吧﹗
  • 呀,隻眼開隻眼閉都係一個辦公室必備技能呢﹗

建立獨有而不能被取代的價值 
  • 即就是說,提升你的技能,等人人諗起某件事就知一定要搵你才可﹗
  • 作為一個好的二打六,能讓老闆信任自己甚至依賴自己…係一個超級無敵大的成就…呵
  • 也就是說,公司有乜冬瓜豆腐,自己都有多啲留低的本錢
  • 也也就是說,如果要跳草裙舞,本錢都多啲。
  • (我最大的技能應該係記仇…幾多年前發生的事我都會搵得番出嚟﹗記得我說過我從來唔delete email嗎?)

上心有時,看開有時
  • 上心者,可能係對任務完美度的執著,對制度的依從,或者要跟足任何一個細節…
  • 但要知道啊,有時派了給其他人(例如再在下位者)做,就要懂得睇開啲,唔好好似阿媽教仔咁行一步問一句…很討人厭的…
  • 鬆緊度呢一吓自己都學緊,有時真係會覺得「車…我自己一陣就攪掂啦﹗」好想搶番嚟自己做,但派了出去又收番返嚟人家會點諗呢…(你大晒咩…)
  • 懂得睇開啲,俾啲空間同事係好重要的,當然,信任都視乎對方係咪一個正常人既…個track record衰的話咁就無計,收番自己做無咁嬲…囧﹗

抄的重要性
  • 我諗好多公司都係新同事第一日返工未必會有正式orientation,好多時都係俾堆boxfile你慢慢睇,同事得閒就過嚟教你兩野…跟住就閃埋位做自己野…
  • 啦啦啦,有舊野睇就一定要認真睇,係做「吸濕大笨象」的時候,主打係睇司內舊人作風,第時落手做就乜都照跟嘛…
  • 當然,不能有啲post老闆會要求閣下俾多啲input,但小薯如我,都係要跟著insturction做人架啦,又唔係叫我做CEO…公司culture就要照跟囉…
  • 新人俾心機觀察司內的事而快上手,是很令人安慰的…證明佢有俾心肝唔係發緊夢啊…
  • 你知啦,介紹司內的事講到口水乾的,如果講完你好似完全唔知乜事又問過…我又講多次…好慘架我啲口水﹗而且都證明你無認真聽我講野囉…(1. first perception係好重要的…2. 又回到無時無刻都要帶定本簿度啦﹗)

***************************************************
仲有邊幾件事可以再些牙?﹗﹗﹗﹗

XDDDDD…以上。

10 則留言:

  1. 呢個世界永遠都係多一個朋友好過多一個敵人, 但最緊要記得防人之心不可無...如果真的跟人夾不來, 就要睇開D, 很難讓每個人都喜歡自己, 打份工, 不是要做友誼小姐, 有些原則還是要堅持...

    而家特別是較年輕的一代(很抱歉我已經過時v.v), 總是以為自己好勁...其實呢, 世上最有意義的工作只有一種, 就係義工...否則, 工作裡面不一定所有事情都非常有意義, 但這又如何? 人工包左ga wor...新人進場, 影印filing是必做的, 若簡單的事情都做不好, 怎能讓人有信心交託更重要的事? 不滿工作或不滿上司之前, 先檢討自己有沒有做好自己份工仲好啦...

    認清自己的長處, 然後讓這些長處成為自己的competitive advantage, 不用考慮太多那是否自己的工作範圍之內, 把握能發揮自己competitive advantage的機會...可惜有更多的人只會計較那是否自己的職責所在...

    23rd Jun 2011 23:58 PM

    回覆刪除
    回覆
    1. 係,就算多唔到一個朋友,至少都唔好多個敵人,樹敵永遠係對自己最唔著數,之前我對住同team的一位阿姐…我俾佢激死激到想打佢一鑊…但又朝見口晚見面,所以我是忍住唔同佢反面,那一水真係好慘…咪同其他交心既同事呻吓訴吓苦…好在佢後尾掉咗組…大家都解脫了…
      看得開都係辦公室一個好重要的技能,某程度的偏執是必需的,但有時都要知幾時放心,邊個位應該睇開啲邊個位應該執著啲,個balance好難拎…我仲學緊…
      年輕人嘛…(放心…我都已經向old seafood前進緊啦)可能會覺得我等唔上唔落既人無火,經歷過前司年代在ot勁搏殺但只攪到自己五癆七傷又唔會加勁多人工又攪到無晒私人時間的生活,我只會覺得,你俾咁多人工我我做足咁多output俾你,我已做足我本份問心無愧。如無必要就唔會ot,自己多點時間休息也是對工作負責任呀﹗
      對對對﹗很多人真的只在乎自己的職責,雖然事不關己己不勞心是道理,不過有時幫得吓既咪幫,第時自己有事人家都不好意思唔幫你(當然也真的有人很厚面理得人家死的…)…經驗告訴我,有時唔好太介意蝕底(當然太蝕就要和老闆相量),到頭來回有回報的~不過個balance位也是得要好好學啦…

      7th Jul 2011 10:46 AM

      刪除
  2. 非常贊成果句「返工不是識朋友」~!我開始覺得唔好跟同DEPARTMENT既同事太熟比較好,萬一知道對方太多衰野,同其他人SHARE會被人話講是非,自己睇唔過眼又焗住焗住~

    另外,有D冗員點解可以冗一世,真係純因佢地有「建立獨有而不能被取代的價值」~!當然,價值係對老闆而言,絕對唔係其他人~

    24th Jun 2011 00:56 AM

    回覆刪除
    回覆
    1. 對呀,返工我只求和同事相處融洽,從來都覺得識到好朋友係bonus,識到交心的朋友係中獎,呢啲唔包喺份人工度,總之同同事好好相處,能夠令工作順利進行就ok了﹗
      而且交心講幾多野都要睇人,攪不好對方係是非精幫你周圍唱就死得啦…要睇定啲…
      同team既同事我睇人啦,老闆我day 1就跟住佢,大家識咗咁耐所以都會講好多屋企野同埋我有私人野佢都樂意俾意見我…所以我係覺得我好好彩的~至於其他的同事…可以做fr既咪做,唔可以既咪點頭之交,最多add吓大家fb comment吓啲相就算…
      冗員單憑廢係絕對唔可以生存…佢地既生存之道絕對值得研究…世事不能單睇一面,佢表面廢啫…但可能暗藏好多絕世神學…真係要睇清楚啲先得…

      7th Jul 2011 10:51 AM

      刪除
  3. 很喜歡你這個系列~^V^
    最近開始工作了, 可以知多D職場既野~
    很同意第一點,如果講野唔叻好易得罪人,因此通常都是吹下水講下電視劇情而唔會講私人野
    能夠在職場識到朋友真係好幸運, 要好好珍惜啊~^^

    27th Jun 2011 14:38 PM

    回覆刪除
    回覆
    1. 多謝啊﹗大家一齊交流吓辦公室生存之道嘛﹗小的初初出嚟做野時係比較隨心,又懶叻自己估,面皮薄唔敢事事問,卒之就撞了很多次板…文內所寫的字字都有血和淚呀﹗跟大家分享吓,大家就唔好好似我咁啦…(泣奔…)
      可能而家有咗fb…易咗同同事大家互相了解…不過第一步我都係覺得要小心觀察先放開懷抱去交心…
      同埋我始終覺得如果add咗同事,fb唔應該擺太多私人野…

      7th Jul 2011 10:54 AM

      刪除
  4. 室內設計23/3/12 12:36

    看來辦公室文化都是大同小異阿~~XD

    4th Jul 2011 15:07 PM

    回覆刪除
    回覆
    1. 對呀,所以大家都可以一齊來分享分享﹗~

      7th Jul 2011 10:55 AM

      刪除
  5. 我都係新人! XD(係剛轉工唔係剛出來做野...)冰子你自己變左Old seafood未?

    6th Jul 2011 11:49 AM

    回覆刪除
    回覆
    1. it depends喎,自己都出嚟做咗野一段時間,唔上唔落咁囉,在manager眼中我係小妹,喺新入司既didi妹妹眼中我咪姐姐仔囉…

      7th Jul 2011 10:56 AM

      刪除

要講幾句嗎?﹗XD