為甚麼考一級呢？

第x回挑戰又來了~


上一回得的分數如果是二級既話就合格了，可惜一級要7成才合格，終於飲恨而回…再接再力了。

考完上次既末代(讓我抽水一吓…我都係末代考生呢？﹗)舊制試，轉過頭又要再戰今年7月的新制。其實準備上我只是買了幾本聲稱根據新制而編既練習，打算遲一點上場。

看了一看新制試題介紹，再回想兩年前參加既trial run，感覺以前一味咁背文型不行了，上一次小的其實沒有正式做過一次聽解(所以衰得很慘…)，也只做過幾個讀解(於是拉得文法得分很慘烈…)…前陣子整理剩下來的筆記時不時想…點解又要考呀…做乜咁辛苦呀？

某搵工達人傳來的一些job ad，要求懂日文的很多都是二級合格就行了。(而其實，我在工作上用得到日文既機會係…被同事邀請/逼去代睇日本旅遊email和行程介紹就好多囉…)…唔，感覺上考完二級就停下來好像有點不完整既感覺，考到最高一級感覺蠻虛榮的(同埋係會上癮既…)，考不到拿著二級證書也可以去搵丫，進可攻退可守的感覺還滿好的…報考的時候滿心歡喜的諗住「有咪考埋佢囉」…好輕鬆咁架，但現下只有一個半月，壓力就來了…上次爭廿幾分…今次如果考得仲衰啲點算呢？﹗

之前一路聽人說舊制二、三級之間距離極大，能收服二級試呢，一級成功之路都在望的了。對我來說呢，考二級試是花盡九牛二虎之力，一級…係十牛三虎囉﹗因為我是極懶的學生，拿上手第一件事就是背文型，聽力語語彙都沒花太多心機去改進，三級完全no problem，二級有點吃力不過加諸從會考、高考練成回來既錯誤剔除法都過到骨…但一級就死啦，只有漢字題比較沒問題，其餘副詞、動詞、形容詞啲讀音記極都記唔到，啲hinagana又似樣又盛咁，一望問題4個選擇我都唔識喎﹗死啦咁…

對症下藥…好了，多讀熟生字就是了。字庫廣一點，聽解和讀解都好點吧﹗

考一級的意義，對我來說應該是真係考自己有幾多成功力，而不再像以前般考MC技巧啦…(讓我hills一吓，MC小的係玩得幾好架~呵)

以上。繼續努力溫書了…

飯糰兄：考日能試一級有甚麼用？