[港劇]《烈火雄心》之１＋２＋３

好明顯個題目我係抄自己的﹗哈哈(又難得《學警》和《烈火》3部我都好神心咁有睇，不過唔係睇晒啫…)

(無計啦，兩個系列…王喜和三哥都係我的飛佛嘛…)

第1輯唔覺唔覺已經係98年的事，嘩，好似上世紀咁遠的事﹗(喜爺就係咁做了3次消防員了…這回是熱心正直的好青年)umum，這一輯我不是追得太神心…當年學業正值風雨飄搖之際，縱然有古生壓陣都無面俾(情況同《刑偵4》，唔鐘意睇黑面既佢…) 。umum，呢一輯印象最深係喜爺、錢嘉樂和鄭敬基的「南山三虎」(我一路唔知這個「南山」喺邊…其實係咪商大隔離的南山村？)((6/1/12後按：um，終於09年時翻看了﹗原來真係南山村﹗相逢恨晚耶﹗))，特別係最後阿拔死時…喊濕我幾包紙巾呀﹗

睇番維基，羅冠蘭(戲中演喜爺媽媽)都好耐無演tbb劇囉(不過吓吓做甘草，中年女旦又到近年先抬頭…當年佢既戲又真係無乜得發揮…)，同埋李山山小姐演的日本人…嘩…佢一開口我就囧了﹗(戲中佢係港日混血兒來的…)

也是睇維基才知，戲中大部份角色的名字都係屋苑名來的﹗

第2輯我看得最著迷(02年的，唔覺唔覺都7年前)，記得係暑假時播，大結局那晚小的暑期工要開夜班，於是錄低再煲，點知部機唔生性錄到變黑白…但個結局實在太傷感啦﹗黑白都可以喊濕幾包紙巾﹗(主角要死是這個系列的特色？)好討厭，做乜要瑤瑤(佢喺呢套劇係相當舉足輕重的﹗)無咗媽媽又要無埋老豆﹗太慘了…嗚… (係，首播時我睇咗，之後買咗老翻大陸碟再煲了n次，劇情我是相當熟的﹗)

喜爺個角色係本身有能力，但卻貪生怕死變成 hea精，ok有新鮮感架，吓吓都cool爆我好勁好有power好有火…想悶死人咩﹗(但又唔好悶到《吾係差人》那種老好人咁悶喎﹗我很奄尖的…哈 哈)，由初初頂唔順阿頭方中信再慢慢被佢感染變番出色的消防員…啊﹗齊心就事成啊﹗(btw，最近睇咗《十萬火急》，發現方生喺《烈》劇入面個隊長角色同 《十》片係差唔多架囉﹗)

又話說回頭，這套野都算係小生的搖籃，無記錯的話這部應該係鄭視帝的回歸tbb作，之後有s4做二打六插科打渾，有巴士高(很攪笑地當年佢後生搖搖做30歲的兩柴，勁無說服力)、馬某明和吳唱k，叫埋陳小鋒和林lone來就真係齊人兼突腳了。女角就相反，除了蒙小姐，陳慧珊主力湊女，張可頤得閒先拍吓，唐寧直頭無續tbb約，摺了。

劇情幾老土的，但我看得很投入(有文為證呢﹗哈)仲有個原因…因為我日日都會經過劇中的碧瑤消防局…紀德…紀德呀…

琴日睇了第1集第3輯， 好驚，啲人腳和前一輯勁duplicate...貪演過一次唔使再train嗎？計有喜爺、鄭視帝、巴士高、歐瑞偉、王俊棠(火炭局的波sir)、林敬剛 (火炭局的飛sir)﹗﹗撞鬼囉，我重記住第2輯的人物關係…umum…喜爺和鄭視帝唔係兩兄弟…umum(講開又講，胡囧囧都和喜爺合作了3次…)

琴日一集主打交代人物角色，一開始就整場落水救人俾喜爺大展身手(今次回復《雷霆第一關》 式的很有才能有cool的款式)…唔怪得佢話唔夠體力再嚟多輯了…阿牛哥(喜爺角色)和鄭視帝亦敵亦友，戲裡戲外都應該很有火花吧？(我真係八婆…哈)主打係…巴士高可唔可以唔好gel到個頭咁？好蛋tat…唔得。同埋呢個無業青年佢係咪有啲超齡呢？﹗講開又講，演巴士高好友阿龍的梁烈唯幾sharp，演 無賴飛仔好青年都得(當然以佢既外型就梗係做飛仔多…)，睇好佢可以做全能綠葉王~(黎耀祥定艾威接班人呢即係？﹗人地真係choi過我…哈)((睇一睇 佢既維基，原來佢係梁家仁姪仔喎﹗同埋佢個樣睇唔出原來佢今年30歲啦﹗)

well，只係一集，仲需要多多觀察，劇情都估到應該係公式都唔恨(6/1/12後按：我真神﹗真係娘到把鬼火的啲劇情﹗)，不如先估吓邊個主角會死？﹗anyway，喜爺﹗我支持你﹗二少我都無睇呀，特登坐定定追《烈3》的﹗呵呵(主打係930時間已就啲啫…扮忠粉…)

第2集後話：點解1991年時鍾有成仲係個小朋友(剛上中學吧？)，但1999就變咗而家既王喜(劇中人當時係升大學失敗…)…好騎呢囉…

tbb劇情簡介

劇集後記：

[港劇]追電視好忙：自己人+王老虎+烈火3
[港劇]《烈火雄心3》~再見阿牛
熱煲系列5~：王喜篇
[港劇]烈火雄心2(呢篇係第2輯的後感文嚟的…)