你好，netbook

話口未完部舊機襟用就上演一幕可樂浸機事件，之後我們就天人永隔…囧﹗諗住用三姨頂住先…但…649mb的memory…我真是昏了…

心中其實還有其他心頭好，不過都係買番部電腦好似緊要啲…揀呢部無乜特別原因，反正部部機機能和價錢又差唔多，20分鐘內扑搥成交。

一年前三姨初初出時最多都係12gb 硬盤，今時今日已經多個零都唔止~160gb﹗仲多過我司部desktop(btw，佢今日勁唔聽話，hang過兩次了…囧)，當然個處理器就只是普通而 已。但都夠讓我感動流涕，三姨我長期得649mb(係649mb呀﹗)，舊機亦唔好得好多，12gb(40gb 硬盤) ，成日都要就住就住唔好開太多application…，picasa整個college都要5分鐘以上，兼之經常中途hang掉…囧…(怨念人…)

好了，一開機…160gb硬盤(處理器是甚麼1.66, 1gb…我CS會考完已經還番晒俾阿sir啦﹗哈哈…)真讓我感動死…：IE7.5(係我一路都唔敢裝驚死機的新IE…雖然我唔用的…)、Google Chrome(也是因為唔夠ram所以鏟掉了…)、Adobe Reader(舊機好像一路都無裝…)、M$ Office 2007(雖然只是60日試用…)、Work(好過無﹗舊機我也是沒有裝office的，唔夠位呀﹗)，再裝埋picasa、畫圖工具、itunes(呢個很食位﹗但也就是我不能再和三姨相處的原因…唔係要我吓吓返公司過歌掛？)等等…仲有好多位﹗唔使就住就住使…我太感動了﹗試一吓，picasa整 college好快攪掂﹗合格﹗哈哈…

前說我只看了一吓啦啦聲決定買邊部的…係呀，店內的netbook很多，有呢部、呢部、呢部等 等，價錢都係4000蚊有找，大家功能和價錢不相上下，咁我呢啲咁表面既咪睇樣囉。之前見有同事拎住部三zone周圍走，白色機身超簡潔的，見佢個 keyboard又幾好打(這也是初代三姨一個死穴，女仔手都一樣太細好難打的…)，一心諗住就你啦﹗點知店家說只有粉紅色…囧﹗急急轉去HP(成日覺得係HOMEPAGE或哈里波特的朋友…)這部，我鐘意個keyboard平平的，幾獨特喎﹗初頭因為覺得佢個mon比較細，所以先想go for三zone的…，睇番啲spec應該兩者差唔多喎…

家陣用咗幾天，感覺幾良好，用落還是充滿感恩和得救的感覺(我是病態網民好了﹗哈)，只是…如果呢個可樂意外早啲發生我就唔換相機住啦，umum。當然，個mon真係幾compact，我娘次次見到都話啲字好細粒，係架，但當小的曾經對住三姨共處一年以上…HP這部大好多架啦﹗起碼唔使不停scoll來scoll去…手抽筋架﹗另外電池據店家哥哥說三zone那部係長啲既， 不過HP這部都OK，我拎住佢由《王老虎搶親》睇到《烈火雄心》兩個鐘都係去咗半格電，都OK丫…係無光碟機吓吓都要usb或sd卡save野囉。不過都 唔理得咁多了…哈

呢部機3,488蚊，諗番部舊notebook差唔多10,000蚊…平咗三分二，我真的很感恩電腦科技之發達和netbook的興起，唔係死咗部舊既又點可以買部新既買得咁爽呢…(不過跟住一年就多咗樣使費…我…分了期…哈)。

The HP 2133 Mini-Note PC

(6/1/12後按：唉…呢部機在中毒後一睡不醒，只玩了一年多﹗2010年聖誕害我要無啦啦買番份禮物俾自己…慘…現在用緊fujitsu的netbook，也ok的…最緊要佢唔好一聲不響地離我而去嘛﹗)