2009/05/11

お客様は神様です

究竟客人係咪真係絕對是對的?客人真係神嗎?「今時今日咁既服務態度唔得架啦」係咪真係唔得?…究竟點樣先係好既待客之道?我是越來越茫然的說…

點解會用句日文做題呢…因為我記得KT團有隻DVD係以「客人是神」來作名字,不知怎的讓我印象很深。每每講到「客人永遠是對的」我就諗起「お客様は神様です」,之後再諗起呢個封面。話時話,龜先生當年個樣好似…同而家唔係好似喎?﹗反而田中小弟和中丸又好似無乜兩樣…

(我扯遠了…主旨不是說某KT團的事啦…哈哈哈…)

已經唔知係我黑仔定呢個世界真係有咁多「懂得主動爭取自己權益」的自私人,生活中總係遇到有些人動不動就一句「唔公平」二句「唔公平」的連珠爆發,究竟咩係公平呢?就係滿足到自己的要求。當然,那些要求係唔會理賣方和自己身處的天秤係咪平衝的。說實在,close deal時不是大家都同意offer才會有acceptance嗎?何解之後又反轉豬肚就係_,完全無視規矩,甚至係自己簽過名的約定。

有時我又會諗,有啲野係你情我願架喎,賣方存心詐騙就話啫,但若然係買方自己改變主意,或事前無諗清楚轉頭去賣方要對方滿足自己新需求,有啲野唔係吓吓可以隨便fulfill客人大大的嘛。硬要沒做錯事的賣方更改,咁究竟算唔算公平呢?賣方本著「以客為本」精神滿足對方,有過一次就要有第二次…其實又真係公 平嘛…

簡單如巴士站都寫了十五分鐘一班,車長等了幾分鐘等夠鐘才開車,有個燥燥地早早上了車的叔叔(看來佢係好趕時間…) 不耐煩走出去和車長理論,說做乜咁耐都唔去開車云云…咁樣好唔公平…嘩…使唔使呀,人家巴士公司早就寫了班次時間表,你唔睇清楚無啦啦走去鬧人…咁又有幾 公平呢…

即是說,聽晒那燥底叔叔支笛就係公平。咁趕你就去搭的士啦…車…

很明白有啲公司 (如某有條線的電視台…真係乞人憎到呢啲cs,唔慶都被佢撩到發火的說…)真係唔發火會被佢當病貓,扯火狂鬧就很快會達到目標,好聲好氣就反而落得被耍一 場。但真係好討厭有些人係又發火唔係又發火,好似自己永遠都啱(當正自己係國際巨星世界領袖咩而家…),公平真係自在人心,喺佢個心入面把尺度嘛。

點解我咁多苦水?﹗因為我無啦啦拎起個電話就俾人鬧咗餐話唔公平。車…
**********************************************
CSI研究系列(全名Customer Service Industry...XDDDDD):
機械好客之道
銀行裡的蛋散 
好客服務熱線之道

4 則留言:

  1. 我完全係因為你個KT圖而入嚟睇!你呢招好狠!(當然只係對少眾飯而言)
    呢個世界永遠都冇絕對嘅公平,因為人類都自私到連其他人嘅利益都要剝奪
    要做到和諧,一定會有人犧牲,但係邊個會咁大量甘心做被犧牲嘅嗰個?

    12th May 2009 02:48 AM

    回覆刪除
    回覆
    1. 你真係俾我呃咗了…
      既然講開kt就講多啲,我睇你個博先知佢地出咗新碟咋(one drop和rescue兩張single我只係睇劇時係咁2聽過吓隻歌…)…實在不得不讚吓呢6個弟弟,喺建立風格方面真係好得,啲洋風曲好有型(還是要叫sexy呢?哈),一聽就覺得「係你地啲野啦」,慢歌和solo歌要聽多啲先有印象(我只係聽過成隻碟一次)…聽了一次感覺相當ok啊~(既然kk未出碟…咁我煲住kt先啦﹗呵)
      我係咁講番kt,無呃你啦今次﹗
      13th May 2009 09:41 AM

      刪除
  2. 我有次係總站等巴士等0左25 分鐘, 都冇車黎. 走去睇佢寫6-9 一分鐘一班, 我真係火都黎埋. 而呀站長係我十步範圍以內, 我都淨係一個人激氣.
    係有一次架車係我身邊開出, 即係呢, 個個站好神奇, 明明個站係係一個位, 但d 巴士平時會係另一個位開出. 我咪一向都係個個位等,點站佢係站個個位開, 又唔出聲, 於是我就目送0左架車走呀!我個下真係走去站長講. 但都係一臉委屈的樣子.
    我好佩服d 人咁好火, 真係走去鬧人. 其實咩都係小事一宗啫, 為咁0既雞毛蒜皮動氣做咩呀. 唔等都等0左咁耐, 冇巴士你鬧個車長佢都唔識變架車出黎咩; 走0左架巴士都無計. 唔通call 番呀司機車番架巴士返黎咩?算吧啦.

    13th May 2009 13:55 PM

    回覆刪除
    回覆
    1. 得一架車搭的嘛?要不唔對路我應該會中途走去搭其他車的了。如早上返工等極都等唔到車的時候,就唯有忍痛去搭的的囉…嗚…很心痛…成舊水的了…
      其實我係無乜火,就算發火鬧人都係一陣就會過咗道氣,呢個我係幾欣賞自己架(讓我自慢一吓﹗),因為發火自己就不能冷靜,又整嬲人地整嬲自己,地件事完全無幫助,而家我會不停同自己講:做完件事先嬲…之後先嬲﹗等件事真係做完,我又唔得閒去嬲了…
      eq之訓練呢…~
      19th May 2009 12:13 PM

      刪除

要講幾句嗎?﹗XD