新春馬交行大運

我真係去行大運…去到馬交只係食咗一餐咁大把…仲要係年年都食嗰啲餸喎…

1-5：很喜歡馬交處處是這種石仔地，除了撞色之外仲有圖案的(我行過的地方多數都係疑似海產…)…走在上面感覺好似去咗歐洲小鎮，很relax的說。即係呢，又回帶啦，有心(未拆到啫)無心又好(即係懶得拆)，舊時舊物係特色…人家嚟到就係想睇呢啲嘛…啲一色一樣金燦燦既搬埋第二度堆埋一堆，任遊人選擇佢地想睇乜 呀嘛﹗(唉…每去到馬交都不禁覺得咱們的突衰正苦不爭氣就是了…)

6：新建的賭場我沒興趣去(金光閃閃不是我杯茶啦…)，僅有的遊玩時間都在小時常去的地方鑽。新馬路的噴水池就是啦。每年都會有應節裝飾(記得有一水路上係有八仙的說﹗囧…何仙姑勁醜…XDDDDD)搭個台做賀年show，當年在此影群體照是例行動作啦…

其實我可以叫這個前後唔夠廿四小時的走鬼之旅做回憶之旅？﹗哈哈﹗

7：人力車﹗但只見車不見車夫。記得小時係真係坐過佢周圍去的。不過當年年紀小的我總被安排坐喺連住車夫叔叔和後住架車中間的棍上，叔叔會加塊板咁我就要如騎馬的坐喺上面…想講呢個臨時坐位係勁唔舒服…啲路係凹凸不平架ok﹗不過都講緊好多年前啦，九字中後都無坐過了…(provided that當時的本人都唔身輕如燕啦…哈哈…車夫都唔會俾我坐那個臨時位…)

講開又講，而家啲巴士加咗價呀﹗之前好多年都係2.5(3號車…我最常搭的…)…嘩，而家係$3.2囉﹗差成七毫子啊﹗(邊個仲話馬交啲野平呀﹗)

8：好多商場都見到「自動感應」電梯，即係平時無人用唔郁…一有人行埋去先會郁…係幾慳電既，但你就要睇清楚上定落啦…(小的在影影影時…小弟O咀了…哈哈哈…)

9：舊樓拆咗好耐都未見有樓起番，牆身盡是塗鴉…

10：點解無咗既？

11-12：行過見到有家麵包店門口放了個超級大豬仔包，仲貼晒紙話隨便影…咁我就影啦﹗哈。行過聞到豬肉乾好香…不過我一向都無乜食…

13-17：親戚家附近的老店和建築。那家店呢，我從來無見過佢賣玩具和模型架﹗反而係成日去買碟(仲應該買過卡式帶添﹗)，特別係新年逗完利是，行出去呢家店到fing咗佢就最順手啦…

順手講吓題外話，而家馬交都好似北京咁限時限地方玩沙砲煙花啦。記得以前係隨街都有人擺檔賣的說，咁我地呢啲無乜得玩既港燦梗係勁玩啦。沙砲係好似逗號咁既shape，一野掟落地pop一聲爆咗就算。咁我地梗係唔會玩得咁平凡(話實掟嚟掟去有乜好玩？﹗)，一係就幾粒甚至一盒咁掟/踩佢，發出的巨響係令人好興奮的，另外就係搵樹葉/報紙遮住，放喺地下等啲行過既人唔知踩到…哈哈哈…嚇鬼死佢地呀﹗then煙花呢，其實係一支類似香既野，點著就會有一抽火光 (同日劇花火大會玩啦種幾似的說)，不過點著其實相當臭吓的，呢支野點著就燒燒完就無，其實都相當無聊的，好玩在支煙花點著的時候"辣"向石屎路呢，"辣"既位會變白色…咁我地就專拎佢嚟寫字﹗乖既小朋友會寫四字詞呀(揮春上那些…)，唔乖既…咪寫「xxx正傻仔」囉…XDDDDD…

啲大廈就襯佢地建在時影吓相啦，我怕我下次去時又變咗樣…(暫時應該唔會變賭場了吧？﹗)

18：這家店的燉蛋又是一個味覺回憶。從小每次到馬交娘親大人都會帶我去食的說…雖然…佢而家香港係有店…而且…仲貴咗好多的說﹗(我記得以前喺馬交食係平啲架…7蚊碗架咋﹗)

19：諗起之前小克本《偽科學鑑證三》有一篇野講香港設計，其中講到街名牌(p.96-97)…唉…人家又試成功新舊交融啦。回歸咗當然係要政治正確啦，但改動咗之後又不失本來特色喎…

(最令人又愛又恨的…梗係華哥派現金成五千個大洋啦…)
***************************************************
馬文兜圈文：

天橋上的一個洞
馬交手信~請不要給我杏仁餅
希望越大之…Fatburger