發夢時間：假如我有三千萬

我想問…係三千萬乜野幣呀？日元…英鎊…港紙…人民幣…使法唔同架喎？(太現實了…拖出去打…)


好好，實在我諗我無乜機會中三千萬，因為有此意外之財的機會可能只有買六合彩，但我又不會買六合彩…umum…

發吓夢，開心吓都好既…

1. 發財先立品，捐部份出去。
2. 再儲起部份，三千萬係多，但總唔夠食成世…
3. 俾一部份阿娘(我知…我知…我知…平時家用俾得少嘛…但我真係窮喎？﹗)
4. 至於部份係幾多呢？無人知喎…哈哈
5. 除了娘親大人大有可能不會向其他人透露。不想被label做暴發戶，也不想自我/人家因為我中了這個獎而感覺過份/不良好。
6. 樓就唔會買啦，豪宅三千萬買不起(而且，豪宅都真係豪嗎？)，反而想裝修一吓屋企，住了廿多年，一直都好想宜室宜居一番…我鐘意張上層係床下面係書枱的裝置啊…(17/1/12後按：我果然真係買了這種裝置喎﹗)
7. 其實我鐘意鰂魚涌，或者唔買新樓，諗吓啲十零年上下既盤囉…
8. 我鐘意近地車站的地方，但我唔鐘意搭地車…咁最緊要就梗係沿線都有巴士啦。我咁鐘意港島，梗係最好有叮叮啦…QB咪合埋我心意囉…(當然很多區都有呢個效果…但我剛出世時係住呢區…係有情意結既…)
9. 裝修一定要整個方便藏書和搵書的書櫃。
10. 發咗達很有機會我買書會買得更兇狠和狼死…(我想買肥佬丘吉爾關於英國史那套大作啊﹗﹗﹗)((我又扮熟了…哈)
11. 也許會在大海的彼岸買個單位，咁過大海時就唔使借宿一宵或去租酒店啦…(不過大海彼岸的樓價不也低啊…囧…)
12. 預計唔會辭職，因為我怕悶。不過有個錢傍身就多份安全感咁囉。
13. 即刻去報想讀的課程，讀鬼晒佢﹗一洩以前因為會考唔夠分而報唔到之憤(紅磚大…我來了…)
14. 但其實我只鐘意間大學…哈哈。我想讀的學科在我的預想當中都唔會喺紅大度報囉…
15. 雖然很懷念以前商大三年的日子。但再讀fulltime我驚我會悶死(當年真的很hea…)…同埋，我確係很喜歡而家份工，我諗我會唔捨得啦…(唔該搵人幫我傳達俾老闆聽丫﹗)
16. (商大三年最懷念梗係拎grant loan亂咁使的日子…而家讀書最大concern咪係錢囉…)
17. 心底最愛還是歷史…
18. 除了讀書還想學一種樂器…大概是雙簧管吧…不通音律一直是個遺憾呢…我咁鐘意唱歌~~~~~(沒有關係吧？)((17/1/12後按：我又果然是言行一致…哈，雖然最後放棄了管樂轉咗去彈琴…))
19. 或者去學番門畫畫既技藝。也是個童年的遺憾…家父畫得一手好素描，國畫也畫得好…可以臨出一幅徐悲鴻的駿馬圖…我卻只會畫不良牛…(((17/1/12後按：um，本來都打算學國畫，不過見自己筆都未拎得，於是先去學書法先…)))
20. 即刻請一星期假去日本玩一轉…夏天再一轉台灣…冬天去一轉歐洲…
21. book牙醫"cool"牙。但又因為呢棚唔整齊的牙而有人覺得我可以扮日本人喎…我諗我也會唔捨得…。或者先攪掂隻打橫生的智慧齒吧。
22. 也許我都會走去買部和phone當玩具…((((17/1/12後按：也做了﹗))))
23. 這兩三年佳餚美酒都有幸嘗過點，嘗過就好了，就算有錢也不能日日豪食吧。只是諗食乜時筆直鬆動了，可以有多些選擇吧。
24. 其實發達主打係做到之前一直做唔到的事，不過就係做唔到所以人生先有目標…一吓子有錢把目標都解決了…人可能會迷失啊…
25. 希望到時我不要變得財大氣粗…bad taste又無格。我不要我不要我不要…
26. 我願望是繼續做表面草根的隱形富豪，哈哈。

三千萬太遙遠啦。之前幸運中了個小獎小的已於願足爾。所得的獎金買了個好好玩的玩具(仲玩到我晚晚唔願瞓添…囧)，剩下來的睇吓儲多幾個月會夠錢未，可以去報course了。其實…生活簡簡單單都可以好開心既…呵。

發夢完畢，以上。

***************************************************

伸延閱讀 (排名不分先後) ((link之完全cop…哈哈…我懶…))

仁兄：集體發文: 假如我有三千萬

加大: 假如我有三千萬......

紫熊：[集體發文] 假如我有三千萬......

金田一: ［集體發文］假如我有三千萬

娜姐：假如我有三千萬

AC: If I had won 30M…

小貓: 假如我有三千萬

Happy：《集體發文》假如我有三千萬......

Guy: 假設有三千萬從天而降到我面前

海月：[集體發文] 假如我有三千萬？！

飯團：假如我有三千萬