2008/10/27

人情和禮數

唔知今年係咪「雙春兼潤月」(怎麼年年都係結婚好年?),只知很多人結婚,隔一陣就聽到身邊有同事/朋友/同學結婚…orz…我可憐的錢袋耶…


其實人情點解要訂公價?﹗不是應該豐儉由人的嗎?﹗也許是怕人們會「親疏有別」…以「超優惠人情」去享受豐富的喜宴美食?﹗還是打算用人情會補貼到整個喜宴的使費呢?﹗到底有誰能夠告訴我…要怎樣回到從前…(唱歌了…哈哈哈…)

我們都稱「請帖」做「紅色炸彈」,炸彈者炸傷錢袋也。偶然一餐半餐都唔算好傷既,但若連續幾場…嗚呀…吃到肚滿腸肥…可憐錢袋有如纖完體…

噢,唯有慳家一點啦。以上碎碎唸呢頭講呢度散呀吓﹗

我想說的,是「親疏有別」。

不論親戚朋友還是同事,紅事白事都少不免要做禮,做幾多呢?當然視乎大家有幾熟來往有幾密,沒有親疏之分是假的。無啦啦收到十年不逢一見的朋友/同事喜帖,或三姨媽個九姑媽個七表弟的同學個三伯父的堂家姐個男友個仔結婚,不禁思索佢真係咁有自己心一直將自己放在心上,定還是想收人情塞滿嘉賓席呢?﹗情況就好似剛轉做sales的朋友突然來電噓寒問暖,呢啲時候通常都係陰謀論勝的…。

不過人情世故既野,又好難一刀切用關係深淺去定禮數高和低。太寒酸又唔好睇(被唱的危險很高…),如何作出一個適當而得體又合理反映大家情誼事實的回應就是王道。記得很久以前朋友仔說同事結婚,全部門上下都收帖,當中有很多跟一對新人從來沒打過交道,連對方是誰都唔知…於是這堆同事仔就夾錢買了某大型百貨的禮劵回禮就算了,酒當然是不去坎的了。帳面每人夾錢銀碼頗得體,實際因某人家人是司內人,取得若干電視框…除笨有精呢…

此等「你有張良計,我有過牆梯」,厚面皮對厚面皮,互相扭盡六壬如何孤寒地得體聽落幾好笑,不過又何必呢…總覺得大家私底下都會互唱對方一番的說。

還好小的沒遇過此等case,收帖前準新人們都會screen過才邀請。收帖時雖然肉痛錢袋又瘦一圈(循例俾我呻一呻吧…我窮呀﹗),不過都高興自己被邀去見證人家幸福,都證明大家情誼相當。掉番轉睇,雖說係有人情收,但真係補貼到擺酒幾多丫,請個真心為自己高興的嘉賓,點都好過成晚黑口黑面又三唔識七的吧…

又咁講,等我呢啲孤兒仔去沾吓人家幸福喜悅都幾開心架。雖然我覺得擺酒好辛苦…遲開餐…早食完…仲慘過攪分唇…囧…
***********************************************
延伸閱讀:

from紫大: 紅色流彈

30 則留言:

  1. 以前同朋友都討論過e個問題,發覺都幾好笑,結婚點解一定要擺酒呢?因為派出去既紅色炸彈,反黍既收益除左可以補貼擺酒外,條數計落其實會有賺架XD(當然係要自然袋先係啦^^")
    不過點都好啦,收到炸彈,自己當然有d肉赤...不過如果係熟朋友既,都唔好咁"屎繪",比個祝福人,"等下"人地開心囉,係咪emotion

    27th Oct 2008 15:14 PM

    回覆刪除
    回覆
    1. 擺酒係等親戚朋友知自己結婚,大家一齊食餐慶祝吧。有時我覺得真係做嚟俾親戚朋友睇,擺一擺要拎幾大舊錢呀,婆仔的我在諗…拎咁大舊錢出嚟食…我會寧願去旅行…買樓…
      收到炸彈少不免肉赤架啦(話無就係假的…),不過人家誠意拳拳的邀請自己去,其實都幾開心架,咪當gathering同人飲吓食吓chit chat吓,"dun"吓人開心玩一晚咁,都好開心的…
      30th Oct 2008 21:01 PM

      刪除

  2. 連對方是誰都唔知的話,那是有點過份了。
    若是我一定甚麼也不付的。

    27th Oct 2008 19:45 PM

    回覆刪除
    回覆
    1. 說沒有親疏有別是假的,熟的朋友很自然俾人情都俾得爽手啲的說…
      唔熟既囉喎…
      30th Oct 2008 21:02 PM

      刪除
  3. Mr RiceBall12/9/13 23:38


    慢著!!!
    >三伯父的堂家姐個男友個仔結婚
    那人即是姑婆的兒子即是三伯父的表兄弟了?
    無聊完畢***
    有惡人結婚,警告大家別少給了人情,因為他們打算收禮以唱票形式進行,即紫熊五百,加大七百,冰子...二...百...
    我也有提議舉行五十圍以上世紀婚禮的朋友,考慮以演唱會售價形式徵收人情,即前排十圍一千,二排八百,如此類推

    27th Oct 2008 20:17 PM

    回覆刪除
    回覆
    1. um....男友o者, 唔係老公嘛.... (XD 這是在鬥無聊嗎?)
      其實我又沒什麼所謂,是人家請我一般會到,但不請我也無妨那一種吧? 反正五百可以看出一個人有多cheap 的話也頗化算就是了....

      27th Oct 2008 23:47 PM

      刪除
    2. 邊個惡人敢叫齊加大, 冰大和我. 未死過嗎?同埋, 你成個留言好好無聊. 你個"無聊完畢***"係咪放錯位?
      >>即前排十圍一千,二排八百,如此類推
      前排要睇新人做馬騮戲, 好厭惡. 係咪應該調番轉?

      29th Oct 2008 13:55 PM

      刪除
    3. Re: Mr RiceBall

      飯團哥哥你真係研究這個親戚關係嗎?
      我亂作出嚟架咋喎…
      ======我在扮無知的分隔線=====
      我唔驚唱票架,若然係無乜交情又9唔搭8的,我會買份禮物就算,去坎食人一餐啫,我都無咗一晚架…哈,除非人家真係去check我份禮幾錢囉…
      我個人好cheap,好似演唱會咁收費的話,我會毫不猶疑買山頂位,而家啲酒樓好勁有lcd芒睇住個台的說,我又有近視,望電視仲舒服過望真人的說…對眼成晚遙望個台好支力架﹗
      30th Oct 2008 21:04 PM

      刪除
    4. Re: yan

      其實…我亂寫那抽人物關係真係會計得出係乜親戚嗎?﹗(好明顯最無聊的是我…)
      用500蚊來看一個人有幾cheap,博士你真富貴啊﹗我呢啲二打六最鐘意躲在暗角觀察人地,最好係一個仙都唔使就睇得出一個人到底cheap唔cheap啦…卡卡…
      30th Oct 2008 21:07 PM

      刪除
    5. Re: 紫熊

      要集齊我…你和加大…也許我地圍內的人結婚吧…但…會係邊個呢…
      演唱會concept有價…但未必有市…其實我覺得去坎呢…啲menu我ok架,但遲開席早食完嗰吓死,餓到我死先有得食又鬼咁快食完…好唔健康的飲食…
      30th Oct 2008 21:13 PM

      刪除
    6. 我個陣好準時八時十五分開席的. ^^

      31st Oct 2008 02:07 AM

      刪除


    7. 嗰時我都未識你…你又無請我…嗚…
      31st Oct 2008 13:20 PM

      刪除

  4. 我都有個同事結婚呀!~
    不過佢不特止無請我地去飲,連張結婚相黎睇下都無...
    不過都好,我唔想做人情.

    27th Oct 2008 23:45 PM

    回覆刪除
    回覆
    1. 我覺得賀禮既野豐儉尤人囉…
      咁人家沒反應,自己也不會搶住去祝賀,會睇人家意願架嘛﹗
      30th Oct 2008 21:06 PM

      刪除
  5. oh....我還沒遇上這種事...
    若遇上了真的不知是好是壞...因為我這個階段要結婚的一定是奉子成婚...
    己有一個中學同學是這樣了....
    不過我很期待同學結婚的日子,那該是個很高興的宴會~~

    27th Oct 2008 23:52 PM

    回覆刪除
    回覆
    1. 我的同學只有少數結婚,主打係收同事的帖囉…
      同學的婚宴我都好期待架,有點似同學會gathering…話實…我讀過的學校都無人攪同學會…就算有舊生會都無gathering…我只係同fr那幾個同學仔保持聯絡,其他的同學都唔知去咗邊了
      30th Oct 2008 21:09 PM

      刪除
  6. 我諗結婚使費大,真係有人諗住用人情幫補一吓掛…但我又在諗,又要做齊咁多個結婚指定動作,但又無咁多筆直,要親戚朋友同事同學的人情來幫補的話係咪多此一舉呢?﹗
    好老實,我係親疏有別的,主打真係同準新人熟先會去坎囉…去個9唔搭8的婚宴,識既人都唔多個…勁odd的說…
    30th Oct 2008 21:11 PM

    回覆刪除
    回覆

    1. 我都唔明點解要有公價,係咪太多人俾好少?
      之但係人情始終係隨心,明明開心既一件事,請佢黎好似局人地「磅水」咁。主人家又驚收唔足,黎既又驚比唔夠,大家奇奇怪怪咁...

      28th Oct 2008 12:35 PM

      刪除

  7. 今時今日仲擺酒真係想唱首sam的「點解要擺酒」?我係東邪黄葯師,好憎呢d場合,都唔好話俾唔俾人情,可能你會話,好難避免,不過我可以既,避得都避,十年唔見俾帖你,罷到明屈你錢,洗理佢?
    記得做野果到有個死人阿伯,訓街一名(兩個字可以形容晒,唔想多講點訓街),人都討厭,竟然俾餅咭我,果時係呢度做無耐,唉,點都俾人情,仲俾成舊水,訓街,真係那住,佢見我俾成舊水,又唔好意思前唔好意思後咁,又回返俾我,唉,我即時要做戲做全套成個梁朝偉咁,唉,唔洗回啦,我又出席唔到你個外嫁柄既婚礼,要既要既……我都算出賣良心,其實個心,真係想講……訓你個街,係你個唔好俾餅咭我啦!
    可以既,自己都想唔擺酒,不過唔知如果第二時真係咁好彩有人同我結婚,個老婆會唔會屈我,希望佢真係體諒下我呢個東邪,不過而家拖都未拍過一次,真係好長遠………………

    2nd Nov 2008 00:57 AM

    回覆刪除
    回覆
    1. 吓?乜阿歌神有首咁既歌…
      其實我都唔prefer擺酒,太辛苦了…有得揀當然係同家人朋友簡簡單單食餐飯就算。不過見過好多case係新人唔想大攪,但在家人(特別是父母)壓力之下,同埋新人其中一方想擺嚟俾多個回憶自己,終於就擺囉…
      去得坎多,真係覺得好辛苦…就算我只係去食…
      你那個阿伯朋友真係幾衰喎…我有諗過如果遇到呢款case,我會買張卡寫幾句恭維說話,夾埋張餅卡俾番佢…最多蝕十幾廿蚊俾佢啫…
      無乜交情又三唔識七…我一定唔會去坎囉…
      2nd Nov 2008 08:55 AM

      刪除
    2. 得鬼閒係佢朋友

      2nd Nov 2008 10:22 AM

      刪除
    3. 哈哈,你很嬲﹗
      2nd Nov 2008 18:33 PM

      刪除

  8. 對不起,留了幾次言,請刪,因為呢度原來打太長,係會食左d字,好彩我copy左d字,唔係都唔知自己打過d密。

    2nd Nov 2008 00:58 AM

    回覆刪除
    回覆
    1. 唔緊要﹗攪掂了~
      2nd Nov 2008 08:56 AM

      刪除
  9. 親疏有別...大部份人都會認為相熟朋友老死會做多 D, 走數多數係 d 唔太熟既人, 不過 e 個世界原來有人認為做兄弟唔使做人情, 仲高招到夾埋其他兄弟一齊唔做.
    仲未夠, 新郎哥知道後緊唔開心問佢地做乜唔做人情同主動提出可以做少 D, 但這班兄弟到番轉頭先發制人唱返新郎哥追人情轉頭...死未!

    27th Mar 2009 10:57 AM

    回覆刪除
    回覆
    1. 做兄弟都仲要做人情?﹗做兄弟姊妹無得坐喺度食,仲要幫頭幫尾架喎…其實…我有少少覺得兄弟姊妹係應該可以唔俾的說…
      夾埋其他人又衰啲既…而家好似兵捉賊咁,主人家想收多啲,客人想做少啲…為呢啲野攪到面左左仲好似大耳窿咁追數又好肉酸喎…
      都係那句啦,結婚同生仔一樣唔好望有正面回報,打個和偷笑啦…
      29th Mar 2009 21:36 PM

      刪除
    2. 第一次做兄弟既人可能唔知兄弟姊妹係要做人情. e 個唔係辛唔辛苦問題, 而係夠唔夠朋友既問題. 唔做人情都應該送禮, 係對新人既尊重.
      一般新郎都會先請大家食飯, 當日亦會再派大利是同請食午飯, 在禮數上基本上打了和. 有收利是的兄弟應該自動自覺識做.
      普通新人唔係大富大貴, 冇乜幾個以請晒所有兄弟姊妹唔做人情.

      3rd Apr 2009 09:37 AM

      刪除
    3. 其實我未正式做過兄弟姊妹,唔知有「做兄弟姊妹都要做人情」的"規矩"
      我只係循常理去諗,人家來做我婚禮的兄弟姊妹,除了時間還有心力,特別係行當日對新人係主角,跑腿就係啲兄弟姊妹做,佢地隨時朝早六點做到凌晨,仲辛苦過返幾日工,如果呢啲心力都唔叫心意,仲要人地一定要俾人情,我覺得十分不近人情…
      我覺得兄弟姊妹們嚟幫手已經係朋友的表現,佢地做唔做人情就睇佢地心意啦,識做的都會做份禮既,但唔可以一定要佢地做,唔做就唔係朋友囉…好多時我見啲兄弟姊妹要請假幫手,一日annual leave都係心意啦…
      另外,普通新人打唔到和又點,我常覺得結婚無咁大個頭就唔好戴咁大頂帽,財力不夠就唔夠攪得太大scale,旨意人情來回本不是很傻嗎?
      6th Apr 2009 13:43 PM

      刪除
    4. 好多禮數都冇得解, 好似收了貼唔去飲都要$300, 好似都好無理, 但係咁架啦.
      我諗每個人心態唔同, 我都做過好多次兄弟同司機, 早出晚歸係帶住半玩心情去, 人情做足, 因為覺得人地一生人一次, 正常唔會有第二次, 蝕底 d 比佢一次又有咩所謂, 地日自己結婚人地都係一樣咁幫番自己架嘛, 係咪?
      我諗只有少數人真係諗住用擺酒來賺錢, 如果有咁既心, 人地都睇得出. 大部份人只想打個和或少蝕, 係人之常情.
      結婚就算唔擺酒都要使幾皮野, 擺酒可能係屋企人要, 仲有過大禮等, 加埋最少過十皮, 冇法, e 個世上做乜都要錢, 如果乜儀式都冇就唔使錢, 但諗下又做乜要結婚!? 禮數係煩,要簡單又隆重真係好難. 做朋友應體恤新人, 將來人都係咁幫你.
      順帶一講, 雖則冇明文做人情, 只係大部份朋友都會照做, 正常來說要唔要人情,係做東決定, 唔係做客決定. 千其唔好喧賓奪主, 人地如果有預早請你同當日給你利是, 就應該明白了人的意思. 所以地日你有機會做兄弟/姊妹, 人情有理冇理照比, 人家慷慨的話自然會在利是上回多少. 你唔比的話人家會攪唔清你忘記仰或混亂中掉失, 又或者係因為唔想做人情仲有利是收先做兄弟, 就算人家唔問或多或少也會懷疑. 禮數係煩架喇...
      不過無論誰是誰非, 唱人果 d 就更加卑劣, 唱人自己都冇面啦.
      sorry, 路過都咁長氣

      7th Apr 2009 15:03 PM

      刪除
    5. 長氣不要緊,也謝謝你告知啦,實在有些我覺得係常理的事,人家並不抱同諗法既。也就是說,人情世故係終身學習項目~
      10th Apr 2009 23:07 PM

      刪除

要講幾句嗎?﹗XD