2008/07/19

[Blog Tag] MSB 三週年紀念

活在鮮奶這個屋簷下快兩年半,屋簷三周年,本人雖無被邀請,但也想來參一腳~首先cop一cop人家收到的admin大大來函:

不知不覺,MySinaBlog已經邁向三週年喇!
為紀念這特別的日子,我們想用blog tag的形式,收集各位寫blog生涯的點點滴滴,最後會在Admin Blog 中和MySinaBlog 的blogger 分享。
附件是Blog Tag 的問題,完成後請將其加入「MySinaBlog 三周年紀念」之話題,之後再tag 3-5位你認為在MySinaBlog 中有代表性的blogger 去接tag。
Web Editor (Community)
SINA Hong Kong Limited
1. 你寫blog有多久? 最初為什麼會有開始寫blog的念頭?
寫博有三年幾四年了,最初純粹想寫低自己碎碎唸,於是開了個xanga。不過我不喜歡寫日記,慢慢變了風花雪月談天雪地雜談博~


2. 寫blog至今,最難忘的事是什麼?
小的文章被選上書和報紙中刊登囉,呵呵呵呵…


3. 你覺得寫blog最重要的原素是什麼?
(元素?﹗)我想一來是blogger有心機寫,恆心很重要的啦。同時blogger之間互動也很緊要,實在很多blogger如小的寫博係無錢收,純為興趣而已,那沒放得上網無人會想自說自話吧。各方友好留言回應,絕對是個強大的原動力。

4. 請用一個詞語 / 東西形容你的blog。為什麼會由這樣的想法?
二打六﹗哈哈,小的不就是二打六嗎?﹗總之這博就是記下本人所見所聞所思所想咁囉。

5. blog在你的生活中擔當著什麼角色?
某程度是記事簿來,只要小的覺得可以寫進來都會放到博內,過一段日子再看很有趣,完全唔記得有過啲咁既事囉﹗但這又不是日記…


6. 你覺得自己和MySinaBlog的blogger們有著怎樣的關係?
回想當初轉來鮮奶國就是喜歡這裡的人友善,大家互相串門子留言傾計的,一晃眼兩年多雖然有些舊友漸漸淡出,不過此風氣還是如舊吧?﹗

我想我是幸運的,人家都說網上識朋友危險,但在這裡就讓我遇到一班志同道合(回帶:特別是八和食…)的博/朋友,感謝他們和小的悲(無言感激﹗﹗﹗﹗)喜與共。

賀壽tag我是不踢自接的,有興趣的博友也自踢吧﹗
**********************************************
接完,也想談談另外一些感受。

本來不知有這個三周年賀壽活動,是看reader時看到博友文才知,看title頗有興趣參一腳,話晒是bsp 三周年大日子,不過看到上文的intro時就有點不以為然。

看接tag者介紹才知是admin大大發電郵邀請一些博友寫,我不知admin大大共請了幾多位,我想不會是全部吧?看一看自己郵箱…沒有,噢,不緊要啦,反正鮮奶國風氣…踢這回事不是一傳十十傳百的踢開去的嗎?

再看intro一段,接踢者「再tag 3-5位你認為在MySinaBlog中有代表性的blogger 去接tag」,看後不禁思索要有代表性才可以接嗎?但何謂代表性呢?我沒出過書,沒上電台被訪過,沒上過報紙,文寫得不好,畫畫得不美,又不是排行榜十大,所以我不夠代表性讓admin大大邀請我?

既然想被邀的博友再踢其他博友,無非是想在bsp生辰日子讓一眾博友分享小感吧,那末為何要區分誰有代表性誰沒代表性呢?﹗以一眾鮮奶博友的作風,tag一出自然有很多有心博友接tag。而這tag不就是想與眾同樂的嗎?

對不起,我的確很在意這三個字。

30 則留言:


  1. 如果TAG到我
    我一定會TAG你因為你既代表性就係為我地掃雷

    19th Jul 2008 17:08 PM

    回覆刪除
    回覆
    1. 都未有人認同我呢個代表性tag我,咪唯有自tag囉…哈哈…

      19th Jul 2008 17:10 PM

      刪除
  2. 金婆婆4/6/13 09:03


    嗱...就咁嘅,我認為鴨麵呢次有真係啲偷懶,所以就用搏踢嚟發起呢個三周年國慶大典,等大家用玩嘅方式去慶祝,查實如果佢用正經方法大家都可能反應冷淡嘅喎,你話係咪?!
    而且有冇代表性真係見人見智,我有好多所謂有代表性嘅blog都冇睇,不過你就肯定係我喜歡嘅2打6blogger嘞!

    19th Jul 2008 18:20 PM

    回覆刪除
    回覆
    1. 其實我覺得講到鮮奶生日咁大件事一定有好多博友會響應支持,之前好多次自發tag一傳十十傳百,反應都唔錯架喎。如果admin要確保反應好的話,在topbar announce埋不就可以嗎?之前四川感文那次都係咁丫…
      實在我覺得就算admin大大要email特選客戶發起亦無不可,始終佢地唔係system gen出來嘛,由小部份blogger開始傳出去我諗大家反應一樣好熱烈。
      其實我覺得這樣特選客戶無問題,我覺得有少少唔舒服係特選客戶tag出去時要選「代表性」blogger去傳,感覺好唔大方,好似唔歡迎所有blogger參加咁囉。
      這是我看得唔舒服的地方,至於我自己有無代表性…umum…是但啦…

      20th Jul 2008 01:02 AM

      刪除
  3. 星屑醫生4/6/13 09:04


    我其實常來的,不過做cd-rom 就是。所以你不說,才不覺得你原來「沒代表性」呢。
    我見那幾隻字都覺得奇。或許不是說在sina 一派裡有代表性,卻是在接tag 人心中有代表性吧。
    繼續隨喜歡的做吧!

    19th Jul 2008 19:09 PM

    回覆刪除
    回覆
    1. 多謝醫生光臨啊~
      話實家陣政府「親疏有別」鬧得熱烘烘,估唔到寫博到要攪呢啲野,呢幾個字幾侯感的,如果個tag傳到我度,我會為傳俾邊個而煩惱囉,傳俾a唔傳俾b,係咪代表我覺得b無代表性呢?
      感覺有點似facebook個top friend咁,將友人區分階級了。

      20th Jul 2008 01:05 AM

      刪除
  4. 其實冰子唔係怪admin覺得佢無代表性, 而係mysinablog一向都係玩社區大家庭feel, 突然又要將件事檯底, 出個tag俾少數人, 叫少數人完成個tag之後選擇有代表性人士去繼續呢個tag, 咁係呢班頭批少數人士咪變相成為由admin官方認可係有"代表性"呢?本來有無代表性就見仁見智, admin有佢地定義就無辦法啦(雖然我地無從知道佢o既定義係乜), 佢又要玩檯底, 2件事加埋一齊, 好難唔令人聯想到"代表性"到底係具備咩特別意思.
    admin有個blog, 有些staff又有個人blog, 可以大方少少由佢地直接係個blog度公開地initiate. 起碼我地知道2個人流甚高的blog潮流搜記同moliuology都係sina staff寫, 而且D讀者群都幾唔同下, 反而咁樣會將個tag傳得遠D...

    19th Jul 2008 20:06 PM

    回覆刪除
    回覆

    1. (我好似好酸?﹗哈哈哈…)
      說實在呢個tag傳唔傳到我度我都會寫既,始終在這兒寫博咁耐,唔多唔少會有感情,我想有好多blogger都一樣,大家喜歡這兒才會留下來繼續寫,所以我真係唔擔心呢個tag反應會冷淡。
      我覺得唔舒服(唔知這算唔算問題啦)係「代表性」三個字囉,點界定呢其實?﹗
      而家好似被點名的再去點人家的名,有點小圈子的感覺,和一路與眾同樂的方向偏離了…

      20th Jul 2008 01:09 AM

      刪除
  5. 唔知我有無理解錯,今次MSB是邀請三年年資的Blogger參加。實在很懷疑有幾多個三年前就玩的朋友仍在?

    19th Jul 2008 20:44 PM

    回覆刪除
    回覆
    1. 其實我覺得真係要三年先玩得仲好過而家選「代表性」blogger,好似上年特區10周年咁,一早講明要求係97年7月1日出世的小朋友,其他年份7月1日出世既小朋友唔會有異議架?﹗

      20th Jul 2008 01:11 AM

      刪除

  6. 最初接到tag 時,感覺是有些怪,不過是對問這些問題感到怪...... ~__~
    當時也想過,如果全部sina blogger 都收到admin 的電郵,
    大家都一同接到tag 了,那麼之後大家還可以tag 誰......
    或者是要鬥快打tag 了。 =p
    如果由sina staff 先發起,admin 的角色又好像有些尷尬,
    因為官方似乎想將大家的想法收集在admin 的blog 內;
    再者,由staff 點人來tag ,也一樣可能走進「代表性」的迷思。
    或者「代言性」始終容易讓人去作出聯想。
    另外我想不是只邀請三年用家參加的,
    有些開了只有一、兩年的,應該也有被tag ,應該。 =)
     

    19th Jul 2008 22:26 PM

    回覆刪除
    回覆
    1. 其實唔係sina staff發起都無問題架,之前四川地震感想都係top banner有呼籲,同埋main page有廣告咁。
      我又諗,上次徵文反應未必咁熱烈,但以一眾blogger既風氣,有tag,特別關乎鮮奶博的tag大家反應都好熱烈。就算係官方活動,admin大大都有個admin專用博,從那兒發起亦無不可丫?﹗最多不在admin大大們自家博開始je。
      不過我覺得最有問題還是「代表性」三個字,現在好像沒有代表性的博友不被邀請參加,真係有點親疏有別囉…

      20th Jul 2008 01:17 AM

      刪除
  7. 連你都收唔到, 咁我都冇乜好碎碎唸了....
    middle 都講得有道理,無論點做,官方法動始終會有少少點名成份的。不過點名還點名,唔好在檯底點囉!今次就係好心做壞事令大家有少少不快喇...

    20th Jul 2008 00:41 AM

    回覆刪除
    回覆
    1. 又唔係乜野大博,無都唔奇呀。
      其實點名開始唔係問題喎,我著眼點係被點名的人要再去點名,好像要將這個區分繼續落去,這個tag好像不是為所有博友而設咁囉。

      20th Jul 2008 01:19 AM

      刪除

  8. 好肯定的是妳絕不係沒代表性的2打6

    20th Jul 2008 00:52 AM

    回覆刪除
    回覆
    1. 我們都要搵自己定位嗎?﹗哈哈…
      鮮奶無乜人claim自己係2打6,我成功搵到自家藍海了…哈哈…

      20th Jul 2008 01:20 AM

      刪除

  9. 我想又不一定要讓那「代表性」限死......
    admin 是說大家可以選「你認為有代表性」的BLOGGER、
    但admin 自己是否也就是從他/她心目中有代表性的blogger 來選、
    卻又不一定。
    假如我是admin 好了,
    我可能會先從近來人流比較多的用戶開始(不一定高代表性),
    因為會較多人知道有這個活動嘛,不然怎麼交差。 ~ ~
    另外放在admin 的「鍾無艷」blog 、恐怕到八月都沒有幾多人知道有這件事,
    main page 呼籲可能又會像上次徵文般...... =p
    老老實實,我有被admin 傳來電郵,
    但我不會因而感到自己原來跟admin 好親,
    因為他們已經有好久沒有從我處揀精選文章了...... (乘機抽水 XD )
     

    20th Jul 2008 01:48 AM

    回覆刪除
    回覆

    1. 其實由某一堆blogger開始唔係問題,由始至終我都係覺得「代表性」呢三粒未令人不安,可能係我敏感,一望落去感覺好唔舒服,如果真係想選一堆人出呢寫,我會寧願admin大大寫清楚條件,例如寫咗三年的博客,「代表性」好含糊,係咪寫了一個月得十篇文一百個留言既新手blogger就唔可以參加三周年慶祝呢?﹗

      20th Jul 2008 19:25 PM

      刪除
  10. 金婆婆4/6/13 09:10

    同意搣度講嘅因為“admin 是說大家可以選「你認為有代表性」的BLOGGER、但admin 自己是否也就是從他/她心目中有代表性的blogger 來選、卻又不一定。”
    "在admin 的「鍾無艷」blog 、恐怕到八月都沒有幾多人知道有這件事,
    main page 呼籲可能又會像上次徵文般 "

    亦都同妳一樣諗法,我踢嘅個個差不多寫咗三年!

    20th Jul 2008 09:54 AM

    回覆刪除
    回覆
    1. 我認同yan大那邊的講法,上次徵文係講四川大地震後感,呢單野唔係風花雪月,而且在事件發生個多月舉行,對有些人而言個傷口都未埋口邊會有心情寫文?反應一定不會如這種輕鬆的tag理想。
      都係那句啦,「代表性」三粒字太含糊,我會寧願admin大大講清楚佢地究竟想今次活動邊班blogger參加呢?

      20th Jul 2008 19:28 PM

      刪除
  11. 其實什麼叫「代表性」啊?
    什麼名博也不可以代表SINA,只能代表自己吧.
    看來「親疏有別」呢...

    20th Jul 2008 14:00 PM

    回覆刪除
    回覆
    1. 我係覺得「代表性」3粒字好像要將大家區分起來,感覺不太良好囉…

      20th Jul 2008 19:30 PM

      刪除
    2. 沒關係啦,我們也是「沒代表性的BLOG」,算是有同類....吧

      20th Jul 2008 22:19 PM

      刪除
    3. 有又好無又好啦,bsp 3歲生日,呢個tag無人tag我我都會接既,只係加少少碎碎唸咁囉…

      20th Jul 2008 22:30 PM

      刪除

  12. 其實成句仲有「你認為」三個字o既......
    你認為邊樣野先有代表性,本身就好主觀,
    唔係一定要跟人果套,又無人迫你跟佢果套......
     
    點都好,
    經一事,希望能長一智喇。
     

    20th Jul 2008 23:20 PM

    回覆刪除
    回覆
    1. 哈,我又真係無跟喎,傳tag我一向都唔踢人的…(而通常又無乜人會踢我…umum)
      老實說無感情的話都唔會留喺同一個bsp咁耐,而且亦唔會表達出來,講出來係希望有關方面留意吓呢幾個字帶來的正/負面幻想空間,我不知會不會令大家掃興了,如果有真不好意思了。
      anyway,好似你咁講,經一事長一智囉。

      20th Jul 2008 23:53 PM

      刪除
  13. "我想我是幸運的,人家都說網上識朋友危險,但在這裡就讓我遇到一班志同道合的朋友"
    所謂物以類聚,在同一個平台上我們一定會相遇的
    .\ /.

    21st Jul 2008 09:12 AM

    回覆刪除
    回覆
    1. 這就是痴痴呆呆坐埋一枱了﹗(不,我們是八八掛掛,坐埋一枱﹗)
      你這個堅定眼神用得好﹗﹗﹗﹗

      21st Jul 2008 09:18 AM

      刪除
  14. 達奇‧雞4/6/13 09:13

    其實...我有時也會來的...
    一直也沒有留言給您, 不好意思呢~
    對對對, 我也覺得這兒的朋友都好好, 很親切友善的~
    我家mama也常說在網上認識朋友危險, 然而, 我們都好幸運啊, 因為遇上了好多合得來又真誠的朋友 :)
    看著您跟rice、紫熊他們的友誼, 就覺得您們一定會繼續友好一輩子的~hee

    22nd Jul 2008 10:18 AM

    回覆刪除
    回覆
    1. 不用不好意思,其實我也少到其他博友處留言浮上水呢…哈哈哈哈…
      鮮奶吸引人既地方就係大家都friendly囉,有來有往互相串門子的,真係好開心架~
      可唔可以一世就睇緣份啦,不過一定會努力珍惜既~

      22nd Jul 2008 21:44 PM

      刪除

要講幾句嗎?﹗XD