2008/07/11

為甚麼讀大學?

事情是這樣的,某天歸家搭巴士時,後面一個西裝畢挺的弟弟正在高聲講電話,我想電話的另一端是女生吧,高聲得來語氣是溫柔的(也許女生的電話接收 差…)。well,之所以吸引八掛的我去偷聽(其實咁大聲不用偷都聽到…),對話中他提供了很多大學以外的出路如商科學校、Ive等,我想妹妹(我已assume對方是女生了…)是無助的會考生,怕自己考得不好於是向弟弟問意見;看來妹妹是很堅持想入大學,但又覺得自己成績差不會入到,弟弟重覆了很多次問妹妹:「你點解想讀大學先?」,嘩呀,這個問題都好深喎,話實我也從來沒想過…

當然,本人無乜大志的,絕對唔會諗甚麼修身治家齊國平天下…。

本人讀到大學,多少都應該多謝董伯伯?﹗

從小本人都是玩樂為先,讀書但求合格就得的人。讀大學?﹗好辛苦喎,小時的本人覺得讀到預科已乜都夠,咁以當年的景氣,中五畢業都唔愁無工做添。原來景氣差起上來碩士博士都未必保得住飯碗,為怕自己將來無飯食,那沒就只有發奮讀書。

更主要的原因,是可以遲三年先出來做野,哈哈。

然而諷刺的是家人口中高高在上的學士學歷這幾年變得一文不值,滿街都是大學生,讀咗又唔代表啲乜,唔讀又硬係爭咁啲野,極度自相矛盾。

咁應唔應該讀大學?實在我都唔知點答。有人說學士沙紙是新人入職場的入場劵,代表新人有一定學識;但掉轉頭亦有僱主覺得大學生弱不禁風,始終現下大學生是 多,但還要過五關斬六將才入到喎,總值得自傲一下既),天子門生受不起職場現實的打擊,寧願請學歷稍低年輕人,貪他們受過考試滑鐵盧洗禮,較珍惜得來不易 的工作機會…

我想,讀大學除了學知識,另一樣要學的是態度,學校怎樣安排internship、project也好,像真度點都唔及真實職場,學生還是受保護溫室小花。到職場無人會理閣下是誰(除非有後台吧…),錯就是錯,無人有必要就住鍚住。

話說回頭,無大學學歷也不必氣餒,一來有心唔怕遲,半工讀辛苦點總可以將學位考回來。二來,出來社會做事有上幾年光境,老闆看的除了閣下學歷,還有閣下工作上的往績,那時候大學畢業證書相對無咁重要…除非,閣下是去考廣播署署長…

寫來寫去,問題還是不能簡單的下答案(整篇都是自相矛盾的碎碎唸)。讀得上當然是讀的好,人生幾可有三年光陰追求學問吃喝終日

另一篇:大學生何價?
《一個人漂泊的日子》+我的雙失歲月

18 則留言:

  1. 為什麼要讀大學?這個問題真的很深......
    會不會改問:「為什麼非讀大學不可」可能會易答D?

    11th Jul 2008 14:06 PM

    回覆刪除
    回覆
    1. 嘩…非讀不可呢個問題就令聞者傷心見者流淚囉…
      為搵工,為滿足父母,為遲啲出來做野…

      11th Jul 2008 16:39 PM

      刪除

  2. 其實真係用幾年時間去換一張入場票
    最近妹妹都找工中, 她直頭發悔氣 最多咪走去萬X M記做個經理仔,不過番唔到轉頭姐! 哇~我未見過人發呢D甘可怕的氣...!

    11th Jul 2008 15:40 PM

    回覆刪除
    回覆
    1. 最灰既係幾經辛苦先讀到大學,但讀完先發現原來個學位唔係想像中咁值錢…
      搵工真係幾慘…努力吧﹗船到橋頭自然直呀…

      11th Jul 2008 16:41 PM

      刪除
  3. 呢個問題我問左自己成年.....
    都答唔到....我e家係hd學生,再入ge話我唔想好似jupas咁去報水泡科....想搵d真係中意ge讀..
    但我已經諗定,下年入唔到就算了。

    11th Jul 2008 17:31 PM

    回覆刪除
    回覆
    1. 我當年會考成績唔係好好,大學選科時選擇好少,又要顧人家收幾多分,個別科我又得唔得…但我既經驗係唔好選水泡科,就算學校唔係自己喜歡的,填的科目起碼都要自己有興趣讀囉。而家大學都要留位俾副學士升上來,而且yr2係咪一定轉到系呢?無人知架嘛,萬一gpa唔夠的話就要繼續讀,讀一科自己唔喜歡既科三年真係好灰的。
      點都好,努力啦﹗出來做野幾年,我覺得條條大路通羅馬架﹗

      12th Jul 2008 13:17 PM

      刪除
  4. 我來搭訕了,Yuna唔使灰心,HD一樣可以有好出路的,努力d搵,唔呃你。

    11th Jul 2008 20:47 PM

    回覆刪除
    回覆
    1. 對對對…

      12th Jul 2008 13:17 PM

      刪除
  5. 李小球20/5/13 09:58


    (你出手了)
    點解要讀大學?呃......其實我都唔知......

    12th Jul 2008 09:55 AM

    回覆刪除
    回覆
    1. 我呢款好明顯係唔想咁快出來做野囉…
      唔係死命搏a-level做乜…

      12th Jul 2008 13:18 PM

      刪除
  6. 其實我都成日都諗點解自己咁想讀大學。不過,諗咁多都冇謂行動最實際。10月便開學了,希望一切順利吧﹗

    12th Jul 2008 11:56 AM

    回覆刪除
    回覆
    1. 我諗呢個問題有無讀過的人都唔容易答得出啊…
      咦,你的讀書大計落實了嗎?
      加油﹗

      12th Jul 2008 13:19 PM

      刪除
  7. Johnny 仔20/5/13 09:59


    話時話,我都唔知自己點解要讀大學...
    不過讀大學可以hea多3年又係真既,雖然我有一半時間都係要忙功課...

    12th Jul 2008 22:49 PM

    回覆刪除
    回覆
    1. 雖然我話自己係吃喝終日…
      實在當年花好多時間在campus hea project…都好開心難忘…
      也許那三年係過渡囉,等個人學習慢慢從細路變成大人…

      14th Jul 2008 09:40 AM

      刪除
  8. 我也覺得這個題目可以寫得很深,看吾校(我有很多「吾校」的!)金耀基教授的《大學之理念》就知道可以有多深了....(不一定要看內容,看厚度已經可以了)
    也搭訕一下,HD 的朋友也不要妄自菲薄。吾系也有不少從HD 轉過來唸本科,然後升上去唸碩士博士的學生。最主要是看考不上AL是因為自己根本不喜歡唸書還是因為不喜歡AL 這制度呢!

    13th Jul 2008 03:30 AM

    回覆刪除
    回覆
    1. 金生…我只諗起中化科有一篇課文係佢寫的…orz…
      HD也不一定差,像貴校的酒店管理一直很出名丫,當年我都有諗過讀唔到大學的話就報這科,實用得來自己又有興趣。主打我覺得AL是一個很魔鬼的考試,根本唔係考你的知識,係考你識唔識玩佢個制度…考唔到唔代表讀書架喎

      14th Jul 2008 09:42 AM

      刪除

  9. >最灰既係幾經辛苦先讀到大學,但讀完先發現原來>個學位唔係想像中咁值錢…
    >搵工真係幾慘…努力吧﹗船到橋頭自然直呀…
    Me too
    Agree
    最慘係大學學到的野無想像中咁有用
    大學的老師質素比想像中差好多。
    大學的課程設計亦唔見得比中小學好得去邊。
    大學的生活雖然整體上較中學好一點,但絕對不能說是好。
    好多同學讀完大學後,知識己經比番晒老師。
    大學生個個為求分數,大多都會抄功課同作弊,有些甚至會買賣功課。
    所以奉勸年青人,除非你真係好想入大學繼續讀下去,否則就無謂浪費時間進大學。

    21st Jan 2009 00:54 AM

    回覆刪除
    回覆
    1. re:joe

      咦﹗時差之留言﹗(XD)

      um,這幾年見到咁多副學士呀甚麼證書甚麼文憑的東西滿天都是,水準真的很難講得上,最慘係俾咗錢又唔代表讀完出嚟受人承認,咁樣浪費了時間又浪費了金錢,如果讀既過程都學唔到啲乜就更差…

      有時我覺得如果玩唔掂考試制度而去讀啲實際啲既野可能更好,不過可能好多父母會覺得無前途,始終迷信學位…(唔係副學士都唔會咁多人讀吧?)

      講到尾,前途係個年青人自己既,聽人地意見之餘都要自己諗多幾分,唔可以太靠人或信晒人…

      刪除

要講幾句嗎?﹗XD