2008/04/22

[日劇]《1ポンドの福音》~原來幾好笑

如果閣下不求有甚麼偉大的訊息,深入的思考,但求煲煲劇relax一下的話,這套是滿不錯的。反之,可以skip。

這套本來應該是「拳擊+愛情」的吧?然而這兩個要素有點蜻蜓點水,男主角耕作(龜梨和也)是拳手,不過我懷疑他正職是大食王…每集他都在狂食…;女主角Sister Angela(黑木美莎)是自小住在修道院的修女,被一個男子發狂追求自己嚇倒之餘還有不少攪笑反應,這就是本人的看點﹗實在愛情+拳擊有《To Heart》珠玉在前,雖然…當年的深田公主很肥美,而堂本先生很un瘦,齋望面的話確是個金童玉女的組合…

根據原作漫畫設定,耕作是個有天份但沒恆心減重的傢伙,每次比賽不是因為食得太多(過重)或食得太少(肚餓)而功敗垂成,但他又有神奇的一天減幾磅的奇技(香港的纖型公司有這個奇技應該發了…),雖然從阿龜梨先生既體型上完全看不出少則4,5磅多則11磅的分別,不過見佢用不同方法「偷食」--而且係食巨型份的豬扒蛋飯…趁人家講野時用外套遮住食…又或躲在房喊住食…真係幾好笑…

又可能這是漫畫改編的喜劇,才會有這一個無鬼用的拳手自己事都未顧得掂無啦啦走去修道院追修女的故事吧?阿龜生做得不錯的,短時間內又笑轉喊(或掉番轉)、失控大叫…真係…幾好笑…一時間tune唔番《唯愛》中cool到爆的弘人個mode…黑木美莎的修女造型很美,她面對男主腳那些不知所措的表情和反應(例如躲在燈柱後扮你睇我唔到),又讓我笑了~哈。

配角有《My Boss My Hero》的保健室老師演修道院院長,今次又是體諒人又不失幽默的慈祥長者,如果劇組惡攪一下,讓院長帶著Angela和耕作一起大叫「Water」一定會很爆笑…(既然《古靈精探》都可以crossover《賭場風雲》的齊歡暢,還有甚麼是不可以的?﹗)

劇中兩個J系小弟弟…嘩…都係有待磨鍊。

劇情就真係無乜野好講,淡淡然的來淡淡然的去,連suppose係重頭戲的一場冠軍拳賽都草草收場,反而吉出整集結局弄個求其的大結局…算把啦,笑吓就算。

雖然劇情都是無無聊聊的,但都叫做有紋有路,起碼有堆真係好笑的笑料。點計都好過之前的《有閒俱樂部》,睇到人把幾火,想打爆個電視…

劇集資料
劇集官網
Makoto Rakuen:1ポンドの福音
紫熊大人:《1ポンドの福音》(一磅的福音) - 龜粉之劇

2 則留言:

  1. 我來留言了.
    >>面對男主腳那些不知所措的表情和反應(例如躲在燈柱後扮你睇我唔到),又讓我笑了~哈。
    我都覺得呢部份好得意.
    我都鍾意修道院院長, 好善解人意. 覺得熟口熟面, 原來之前係my boss my hero 出現過~
    我會開to heart 黎睇架啦.. 好忙好忙.

    2nd Jul 2008 12:33 PM

    回覆刪除
    回覆
    1. 我太感動了﹗
      黑木美紗個樣正正經經,但做呢啲神經質既角色又ok架喎,真係睇唔出…佢都係一個笑位來的﹗
      院長不論在呢套還是my boss都係同一款,負責開導主角面向未來的~~哈…某程度上佢都係笑位來的…
      你好多貨要清喎…又唔使急既…
      (其實一路睇呢套野我一路諗,如果香港有人咁樣拍套野出呢,會唔會有人投訴佢惡攪宗教呢?)

      3rd Jul 2008 09:46 AM

      刪除

要講幾句嗎?﹗XD