讓我們互相了解3--旅行篇

正所謂一不離二，二不離三，我又來呃文了~

題目如是說，其實看完後真會了解博主嗎？﹗哈哈…

1. 世界很大，但我去過的地方不多…
2. 去得最多的地方叫澳門。
3. 記得有似bk房時店員保證房間對著的是山坡，最後是一boom石屎斜坡。
4. 據說本人還未出娘胎就已去了，我懷疑是這原因本人不暈車也不暈船浪。
5. 當全船的人暈得一陣陣本人仍然無事無幹時感覺很奇怪。
6. 中學時拿的BNO只蓋過一個印，就是去澳門的，撞鬼。
7. 第一次搭飛機是去北京，記得飛機餐很好吃，為何人家總說飛機餐難吃呢？
8. 當然，我還未試過坐十幾個鐘的長程機，試過又唔會咁講的了。
9. 上機一定是睇書/聽歌或睡覺。
10. 記得去北京時只帶了張震嶽的《秘密基地》去，聽到可以掉轉頭背番歌詞出來。
11. 點解我只帶一張碟呢？
12. 現在出門好唔慣無電腦和網上…
13. 究竟我會不會按耐不住抬埋部電腦出門呢？
14. 有錢的話想visit一下歐洲大陸，特別是英國…
15. 我想撩吓御林軍佢係咪真係會唔郁…
16. 講笑啦，看看人家建築和古物是件賞心樂事。
17. 去看一下中世紀的古堡也好啊…
18. 能到意大利看一下AC主場比賽就更好囉…
19. 看雪的日子令我的鼻不停流鼻水…鼻敏感是旅行的大敵啊…
20. 到兩岸三地和澳門特區還是手機不離身，捨不得關機的…
21. 祖國河山也想多看一下，我不是去中山就是珠海，遠門只去過北京。
22. 想看一下桂林山水如何甲天下，但不喜歡大熱天時在戶外行行行…
23. 我是寧願凍死也不要熱死的…
24. 紫禁城真的很宏偉，不過就有少少咁多多殘，但還是很有氣勢啦。
25. 中山不是我鄉下，但我去過極多次。
26. 從地圖找不到自己的鄉下，究竟點解？
27. 喜歡看風景睇建築和風土人情，去到他國又係shop商場…玩呀﹗
28. 不太好SPA或溫泉的東東，因為皮膚太易敏感。
29. 到澳門或返大陸仲行堡x龍食老m和睇港產片真係無言…
30. 中學時出親門都會買CD，原因不明。
31. 明知澳門賣碟比香港貴都要買，瘋的…
32. 最喜歡的地點是台北。
33. 意外吧？台北是我去旅行的首選，排名遠高於東京。
34. 我五月又會去台北的了﹗小馬哥﹗
35. 愛死她的文化氣息、街邊小吃，還有…某個商場入面因為和本人一樣熱愛王子大人而和本人談個不亦樂乎的售貨員姐姐…
36. 等我的日文程度再好點，希望可以去東京自由行最少一星期。
37. 想行吓神保町，傳說中的二手書店集中地。
38. 我是不是應該到東大紅門感受吓和咱們商大紅門有啥分別？
39. 自由行和跟團亦可，不過到言語不通的地方還是跟團好，除非有當地地膽帶路。
40. 試過跟家人和朋友去旅行，未試過自己一個人去旅行，蠢蠢欲試。
41. 大二時和大學友儕一起去旅行，同團竟然有兩個校友，不過她們頂唔順我們的嘈，全程也沒和我們說話。
42. 睡寶寶，一上旅遊巴就瞓。
43. 怕生保床，但有mp3就唔怕瞓唔著。
44. 小時見到酒店櫃桶中的聖經會好驚…
45. 一入酒店會不停睇衣櫃有幾多隔，雪櫃有乜飲品，好似參觀新屋。
46. 出遠門總係瞓唔醒，永遠食唔到酒店的早餐。
47. 一定會充份利用導遊的morning call服務。
48. 在酒店要開少少床頭燈才能瞓，要不會很不安瞓唔著。
49. 試過很多次酒店沿室沖涼把沿簾垂在浴缸外，沖完涼後整個廁所也濕掉…
50. 於是我拎晒所有毛巾索水…變咗沖完涼無毛巾抹身…
51. 唯有用浴袍抹…
52. 極討厭酒店提供的牙膏既味道，寧願到近便利店買。
53. 托賴出外時腸胃會聽話，無乜水土不服。
54. 本人不太喜歡用街外廁所的，可以的話會忍到返酒店…
55. 不喜買手信，至怕買完人家收了用不著pat埋一邊。
56. 我一是買食物，二是先問人家想買啥。
57. 自己沒特別紀念品喜好，見到靚就會買…
58. 於是我買埋好多用唔著pat埋一邊的東東…
59. 到北京和台北買得最多的就是書，好似唔使錢咁。
60. 有時間和閒情會到郵局看有沒有精美郵票，或買當地鐵路車票。
61. 地圖盲，拎住地圖都會行錯路的說。
62. 出發前會搜集吓有啥景點路線必去。
63. 但到達後又喜歡到處亂行，探險的快感。
64. 夜晚不出街的話會不停看電視。
65. 去北京時見到某電視台播安室奈美惠《I have never seen》的mv，不理同行的家族長輩，驚呼狂叫…
66. 忘了去台北還是邊度…一開電視播緊F4的《流星蝦丸》…當時我仲未知呢4個哥哥仔是誰…
67. 好怕回歸後要派手信…
68. 但唔怕又好似好無禮貌？﹗
69. 旅行時會不停亂影相…
70. 其實現在我也是不停亂影相啦…
71. 但我很少影人，尤其是一排排企喺度的正經相…
72. 記得最娘的pose是去深圳世界之窗，在那個扮唔知埃及定希臘的一支支柱的古跡，一人抱住一支的伸個頭出來…感覺好像每隔廁所都有人伸個頭出來…
73. 呢個咁攞膽的idea當然不是我出的啦。
74. 影人也是不正經的…
75. 在海浪公園不敢玩跳樓機的本人出外會放肆狂玩…
76. 但我最愛是過山車。
77. 才坐好我已開始嗌，由頭嗌到尾…
78. 試過好幾次fing得太勁撞損耳仔，玩到爆晒血收場…
79. 喜歡泡博物館，儲event的leaflet。
80. 更喜歡泡咖啡館，不停吃吃吃。
81. 到外地就死命食，完全唔理食完肚腩會幾勁。
82. 但不要告訴我你要食中餐…
83. 貢便利店或超市看有啥特別版飲品就是指定動作啦。
84. 其實本地都有好多地方我沒怎樣去過…
85. 其實我很喜歡那些幾十蚊周街去的鴨仔團，抵到暈。
86. 如果香港都有如東京那些幾十蚊一天市內遊都幾好玩。
87. 睇日劇啲主角唔開心就去買張飛上車周圍去散散心。
88. 講咗好耐話去南丫島行行，還未實行。
89. 不特別入鄉隨俗…特別是…我真係好憎食麵「雪雪」聲的…
90. 我在偷工減料了，一篇比一篇少pts，哈哈﹗

再續﹗