限量的魔力

本來平常一件貨品，只要貼上"期間限定"忽然套上光環，人人得以「買」之。一時間，平常的demand supply理論都用不著了。

有沒有發現"限量"、"crossover"等字眼出現在你我生活細節的次數越來越多？九唔搭八的東東也可期間限定一餐。

<--唔使講，期間限定。平常喺街見到會不屑一顧的食物，貼上《交響情人夢》光環即令人蠢蠢欲試…三文治還不是那三文治？

套了"期間限定"光環，人們追逐的就不只商品本身，重要的是背後意義--特權、地位、品味。

所謂的限定，一是全新品在某時間內限量發售，買唔到？sorry唷，幫唔到你；一是將普通品改動成特別版限量發售，買唔到？都係幫唔到你。重點都在量--少，一街都係仲會有人搶？econ有教，supply & quantity減少price自不然會上升，當然，other things being constant喎要。

比平常商品改動少少細節，賣貴點，造少點…限量版之神奇就是那點點、少少的與別不同，讓人覺得自己用了也從普通人中突出到自己。需知，好些名店的特別版只送給貴客中的貴客，有錢都買不到；一個特別版在手身份地位不言而諭。滿足了建立自我形象的願望，又滿足了商家佬搶錢的慾望，win win雙嬴﹗

<<<嘩… Vertu x Ferrari…

限量版這回事不是有錢人專利，唱片書報模型電玩化妝品衣服鞋襪甚麼也可以限量，小至超市便利店都要來期間限定，限時限刻唔買走寶，飲品百力滋也要限定啊﹗不要提食店的季節定食(這個比較合情合理，好些食材確係有季節性)。為了唔執輸，為了新鮮，為了獨特，為了表現「我很有taste」，限量版好似唔搶唔得，然而…市面也太多限量版吧？究竟有幾值得搶？限定本身真的這麼限定嗎？唔好轉個頭出差唔多款的普通版叫搶了限定的人揼心才好啊﹗

日本唱片業就最愛玩限定，某某歌手特別版單曲限量三萬張，歌手有相當人氣，歌曲質素不俗，加點點宣傳要賣限定數量其實不難，發售前賣光後也有藉口上一上新聞，攪不好銷量差得連限定額都賣不出…反正發行量不多，也封了蝕本門先吧…要不就分初回普通版，也是港歌手常用技倆。初回除了cd本身，還送這送那，包到紙皮箱咁大，順勢又收你貴啲。說實在，普通版一百蚊，初回版二百幾蚊，有時手頭鬆真係貪特典甘心做水魚的說，雖然次次買咗返屋企就會呻笨。好些dvd boxset包到極大盒，賣成六百幾七百蚊，嘩…也未免食水太深了…少男少女們消費力真如此高嗎？我還是等普通版好了。

另一身邊人沉迷的item是化妝品。不同品牌每季除了有新系列外，更不時出特別版妝物--通常是packing極美的彩妝盒，大時大節(通常是聖誕)更會出一大set的特別版--通常是幾件皇牌產品加個細細的化妝袋…。其實除了packing和配搭變奏了，商品本身的質量其實大同小異，然而叫價力卻差之千里…實在叫人不知如何是好…女生十居其九都忍不了手，手頭上明明有幾十支睫毛液，還是會忍不住去買多支，心諗反正天天化妝總會用得完既…

我想講，若我有五塊面的話就用得完囉。同埋，附送的小物(如鏡、袋等)又真的咁值得入嗎…算啦，曾幾何時做過水魚的本人已回頭是岸，罷手了。

然而，限定這回事確是很令人心動，要不怎會有咁多人甘心去搶百二蚊的plastic bag丫﹗

其他限量版：
化妝品 / ipod / 手機 ...數之不完呀﹗