2007/06/23

悅讀?閱毒?

話說最近和中學同學仔吃飯,講開快餐店時本人醒時正在煲緊一本關於快餐店經營真相的書,轉個頭又諗起本人剛入了「Page X」的會,告知她買英文書的話本人有九折時,朋友竟登時瞪大眼的說:「你唔知我唔睇書架咩?﹗」

死啦,我真係唔知喎…

最近在看上圖的《越讀者》一書,書中談到台灣一個讀者調查,被訪的年青人多數看消閒書。作者分析年青人從小學就被當填鴨般塞知識,塞到中學再捱聯招考試,入到大學學術氣氛忽然輕鬆了很多,對看書沒多大興趣的從小就被逼讀教科書,現在不再被逼當然不會再看;喜歡看書的呢?卻因為沒機會從小建立自己的品味路線(沒時間看消閒書嘛…),於是就胡看胡買,所以台灣的書店總是充滿年青人的身影。反之,美國小學中學環境比較輕鬆,大學反而緊逼了,當地的年輕人連教授指定的參考書也看不完,不要說消閒書了…

朋友仔可能算是台灣讀者中的前者吧?畢業後放文字監不用再對住啲書了…

我會自發看書,卻不喜歡讀書,著實怕了被逼的感覺。從小到大,除高考兩年,本人都是不到最後一秒也不會拿起課本讀的一群(於是成績如何諗都諗到啦﹗),課本會沉重得不自覺想睡…。反而自選小書卻可以拿著孜孜不倦的讀,本人算是上述的後者吧…講起來,入大學後學業壓力小了,看書的時間也多了,除了看自己一直喜歡的題材,也有機會(吾校有個號稱全亞洲最大「單層」圖書館喎…)接觸其他範疇的書,對自己的興趣是了解多了。

讀下去很有同感,本人又真是愛看消閒書多於經典著作、專門書或工具書,只會偶然看看覺得有趣的商管書(如蔡子強的《新君王論》,確是很有得著…)。本人的閱讀路線圖,總是千方百計要逃離學校的說。

當然,無人話消閒書一定唔好,亦不是說一定要看專門書才是閱讀之道。

書中提出一個飲食閱讀論,頗有趣。且引一段出來:
  • 第一種閱讀,是為了尋求人生在職業、工作、生活、生理、心理等方面,一些現實問題的直接解決之道,有如讓人有忳足感的主食,是為「生存需求的閱讀」。
  • 第二種閱讀不求針對人生現實的問題,比較間接的方向思考問題或現象的本質。這類閱讀好像飲食分類的「美食」,是「思想需求的閱讀」。
  • 第三種閱讀是幫助人們查證閱讀過程中不了解的字義,有如飲食中的蔬果,這類閱讀可稱之為「工具需求的閱讀」。
  • 第四種閱讀和前三種不同,在於沒有一定的目的,是為了娛樂、消閒,是一種休閒活動,像飲食中的甜食、零食,追求的是口感。這種閱讀可以稱之為「休閒需求的閱讀」。

四種閱讀比重因人而異,都是根據自己需求而定的。然而,就好像飲食一樣應追求均衡,懂得區分四類飲食之後, 不應太側重於一方,否則可能會消化不良啊﹗

現在這書只看了頭兩章,期待看下去再有更多得著呢…呵呵。

P.S.早點看到這本書,早點知這個論點…測驗考試時節還手執小書就不怕被媽媽哦啦

另一篇:書緣--我和我的書…

16 則留言:

  1. 我會自發看書,卻不喜歡讀書,著實怕了被逼的感覺。從小到大,除高考兩年,本人都是不到最後一秒也不會拿起課本讀的一群(於是成績如何諗都諗到啦﹗),課本會沉重得不自覺想睡…。

    ---我都是這樣呢~這年還做了閱讀大使。

    在台灣還好點,在香港,情況更壞。看書和讀書,青年都不喜歡。

    24th Jun 2007 02:01 AM

    回覆刪除
    回覆
    1. 在香港看書氣氛確係唔濃厚,大家都好像愛看八掛雜誌、漫畫多於文字,好多人見到字就叫怕…
      我記得好多年前有個女仔(唔識的…)在看英文版harry potter,另外一對男女(都係唔識的)走入地鐵看到那個女仔竟然話佢扮野…過份…

      27th Jun 2007 12:28 PM

      刪除
  2. 書的絕緣體。XD

    24th Jun 2007 10:24 AM

    回覆刪除
    回覆
    1. 娜姐的零用投資晒係唱片和遊戲機度嘛…

      27th Jun 2007 12:29 PM

      刪除
  3. 我係今年會考生呢,
    從細一直都好鐘意睇書‥
    雖然唔係成日睇‥
    到左中學,鐘意睇書之餘,最重要係覺得睇多D書幫到自己作文‥
    所以有時間都睇睇書‥

    今年考完會考,最近少左睇書‥
    仲有一少少消極GE想法‥
    如果我升唔到上去, 咁睇書黎仲有咩意思呢‥??!
    有少少灰呢...

    24th Jun 2007 13:57 PM

    回覆刪除
    回覆
    1. 睇書唔一定為升學,亦可以為興趣,我覺得讀書和看書係兩回事,看書可以擴闊視野,學到好多學校以外既事物,正如上網,唔通畢咗業既人就唔可以睇網頁吸收新知識咩?係咪…

      會考既野盡咗力就算啦,而家relax吓,之後再拼過啦…

      27th Jun 2007 12:31 PM

      刪除
  4. 自小看書唔多唔少係我媽媽影響多
    我媽看的書的比我一定多,武俠至西方文學到醫學的書籍都有,何其雜多!
    小時有興趣看的是蔡欄的短編小說都是因為我媽

    24th Jun 2007 14:40 PM

    回覆刪除
    回覆
    1. 家父都係,佢雖然只要小學程度,但自小看詩書(佢真係曉吟詩的說…),出口成文,我讀完中國文學都唔夠佢講囉…

      27th Jun 2007 12:33 PM

      刪除
  5. 後生仔女愛看漫畫,師奶愛看八卦雜誌,麻甩佬愛看寫真集。(當然我覺得寫真集不是書,而是肉)。

    24th Jun 2007 16:15 PM

    回覆刪除
    回覆
    1. 好多阿太愛看流行小說(即係一個濛查查女仔樣做封面嗰啲…),見佢地喺圖書館拎一楝坐埋一角睇,睇得不知幾入神…

      27th Jun 2007 12:36 PM

      刪除
  6. 我其實由細到大都超鍾意睇書. 不過大個0左, 多0左打機呀, 煲劇呀, 寫博呀等娛樂, 反而好少時間坐定定睇書.

    唔係好明你quote 個四種書的分類. 尤其頭三種, 不過我本身麻麻地鍾意睇實用書. 咩如何令你快樂呀個d 真係唔會睇. 我睇親都係會被人話睇壞人的愛情小說呀, 各式各樣的小說呀. 散文都麻麻地.

    老實說, 在香港, 鍾意睇書, 好似會被人覺得好怪... 最主要係唔會搵到共鳴, 所以係現實生活我一般都唔會主動同人講我鍾意睇書.

    25th Jun 2007 09:10 AM

    回覆刪除
    回覆
    1. 我通常係瞓前或搭車睇…而家得閒又煲吓日文書,睇書既時間又少咗LU…
      那4種書分類因人而異JE,佢個重點係睇得均衡囉。實用書我都無咩睇,我專煲歷史野、傳記、心理野,反而好HIT的幾多歲前要做幾多件事、心靈雞湯呀嗰啲就無咩興趣,人人唔一樣架嘛,你要做的幾多件事我都無興趣…哈哈,我自細唔迷愛情小說(只看過幾本電視做過的瓊瑤),只看武俠小說…

      你同我講啦…我鐘睇書喎…哈哈哈,有共鳴架…

      27th Jun 2007 12:40 PM

      刪除
  7. 我鐘意睇書,課內書除外
    以前d course 有好多readings 係睇完就算,完全develop不到interest,反而d 無謂書、小說就睇好多
    香港還有好多人睇書,書局生意很好呀~

    25th Jun 2007 10:48 AM

    回覆刪除
    回覆
    1. 我除咗大學阿SIR選的商管書很有心機看之外,年年啲英文READER、CLC的幾本書我都係睇到訓著。掉番轉頭唔使被逼做功課時反而有興趣睇番當年READER啲西洋名著,唔係逼我睇自發睇我就會有心機架啦…

      我鐘意上二樓書店,大型的反而好少,大型的硬係流行野,睇呢睇去都係嗰啲…香港幾時先可以有間好似誠品咁一站式大書城呢…

      27th Jun 2007 12:44 PM

      刪除
  8. HK搵間大0的0既書局都冇啦, 唔會越讀啦...

    25th Jun 2007 21:12 PM

    回覆刪除
    回覆
    1. 本來星光行商X都OK,不過而家執咗啦…唯有行幾間二樓書店當行書城啦…

      27th Jun 2007 12:45 PM

      刪除

要講幾句嗎?﹗XD