2006/12/04

兩文三語的幸福

昨天看無記的《星期日檔案》,講到泰國興起一遍學中文熱潮。不但學校陸續加入中文為泰文、英文以外的必讀學科;成年人,尤其是服務業的更對中文趨之若鶩,工餘時間努力學習。無他,咱們的祖國經濟高速發展,要做同胞的生意,懂中文是個必然條件。

聽著聽著,生於香港這小島,遇著祖國改革開放,我輩小兒生下來就是個兩文三語的環境,不用爭不用追,中英文的大門已為我們而開,想來真是幸福到不得了。

漢字和英文(或曰拉丁語系)字母系統相差十萬九千里,中文字每個字有自己的結構寫法,甚至來源故事,不像英文學成廿六個字母就懂寫英文了(當然記詞彙又是另 一重功夫)。想當年會考一篇《漢字的結構》說,漢字構造大約可分為「指事、象形、形聲、會意、轉注、假借」(嘩…我已完全唔記得晒…),每個字本身都是一 幅畫一個公仔,可真博大精深。我等以廣東話為母語的小兒寫了廿幾年中文還未攪得懂所有中文字,可以想像母語為英文(或其他外文)的人士學中文的難度,英文 字母筆畫多極有限,而且筆順又簡單。

看著節目,不禁想著自己牙牙學語時已邊中文邊學英文,一切理所當然得可以,是一種幸福。

試想想,我們邊學爸爸媽媽花花草草時,老師同時已教我們ABCDE,現在幼稚園生更勁到讀埋小學課本(其實當年小學四年級都有跳用六年級的教材…諗起都覺得自己當年勁),現在更不得了到要學埋普通話,兩文三語,仲唔夠咱們打遍中外江山?

香港的讀書環境雖然重考試,只要勤力學(一直覺得以本人爛成績能擠身英中是幸運之二,我是極迷信於英中的魔力),要學得相當程度的中英文不是難事。當然本人 夜深回想前塵,不禁有點後悔當年自閉不主動,現在學成一口懶音廣東話,一口廣東腔國語(本人是聽歌學國語的說),爛到不行的oral英文,只有寫和聽OK點。哈哈。

有機會,是幸運,但有沒有珍惜呢?這是後話…

漢字的結構--資料
***
亞運會,老實說不喜歡有記改個硬cutie的「多哈A夢」,將運動員追遂國家與個人光榮的舞台細路化咗,不過算把啦…

去到奧運和亞運,本人反而極少留意足球,最愛看的是跳水和體操(尤其是女子的),這時候本人都會突然非常愛國,總希望國家隊能有好成績,期待運動員奪牌後見到國旗升起奏起國歌的一刻。

更期待的是港隊有好成績,學珊珊話齋:「香港的運動員唔係臘鴨﹗﹗﹗﹗」。祖國攞牌好像有點理所當然,反之香港這個運動荒蕪之地出到運動精英更見每個牌的珍貴,可真是牌牌皆辛苦。每朝聽收音機聽著港隊有多幾多面牌,人都熱血啲,唔使成老麥早餐都有個good day囉﹗

加油啊﹗港隊﹗~~ (5/3/12後按:呢個moment對港隊/來說都幾熱血架:我的東亞運傳奇時刻)
***
聖誕歌第二擊~

戰場上的快樂聖誕 郭富城
作詞:小美 作曲:吳國敬 編曲:吳國敬
 
和我摯友閒聊時 講這圈子  相當趣緻 有笑有痛有寂寞時
談到聖誕繁忙時 好戲開始  紛紛鬥智 諸多爭鬥費心思
I wish you I wish you I wish you Merry Christmas
減低戰意 可否佳節唱首詩
I wish you I wish you I wish you Merry Christmas
盡是我肺腑之言 想你都可以聽見
仍會記掛無名時 寫過的詩  喜歡聖誕 最愛說笑做夢兒
時間遠去難回頭 哼過的詩
今天再唱 都不感到有心思 I wish you I wish you I wish you Merry Christmas
勾心逗智 可否佳節裏終止
I wish you I wish you I wish you Merry Christmas
但願你想當年佳節中休戰一次

30 則留言:

  1. 我只是覺得好悲哀,學語言是興趣而不是為工作,所以家下學生好像是曉中文英文,但兩樣都好水皮,甚至得個樣。若然如此,不如先集中搞定一項語言才再學另一個更好。

    4th Dec 2006 13:51 PM

    回覆刪除
    回覆
    1. 人就係咁,無就恨有得學,有得學又偏偏身在福中不知福…
      香港教育重考試,外國的學習氣氛真是兩回事,外國除咗學本國語言外,仲會叫學生學多一兩種,好似歐洲人咁總有幾種語文傍身

      4th Dec 2006 14:54 PM

      刪除
  2. 兩文三語??幸福??

    I don't think so......

    香港人又要學習廣東話、國語及英語,又要學習讀寫繁體字、簡體字和英文,也要學習電腦上的中文輸入法,還要學習電話上的輸入法,怪不得,香港人沒有時間學習其他東西了。

    http://xyz123st0258.mysinablog.com/index.php?op=ViewArticle&articleId=261704

    CO2

    4th Dec 2006 15:31 PM

    回覆刪除
    回覆
    1. 我之所以覺得我們幸福,是因為中文越來越重要,而英文就一路都係世界語言,香港正正是個中英文並用的地方,因利成便~
      同歐洲人起碼講到兩種語言,我地講兩文三語其實唔係好多~況且而家要係職場有競爭能力,無奈都要學多啲野傍身,識多啲野幾時都著數啲…係就係少咗啲做其他野的時間…

      5th Dec 2006 12:10 PM

      刪除
  3. 每次看到外國人說普通話說得頭頭是道,就對很多把普通話說得荒腔走板的香港人感到難堪。
    現在很多人都重英輕中,卻又學得兩頭不到岸。看看別人都在努力學習中文,香港人卻一副闊佬懶理的模樣~~~(無言中~~)

    4th Dec 2006 15:35 PM

    回覆刪除
    回覆
    1. 闊佬懶理....這句真係講得入肉,是香港人冇遠見還是大香港仍在作祟?

      4th Dec 2006 22:31 PM

      刪除
    2. re:文風

      好多香港人仲覺得將廣東話講歪啲就係普通話,真係嚇死人﹗
      search野時見到人家寫blog/日記的用字真係幾驚,用字icq化,真係唔用心睇都睇唔明,好像正統中文已不流行?﹗

      5th Dec 2006 12:17 PM

      刪除
    3. re:Heidi

      我諗多多少少係英文好=有前途的思想根深柢固,多年來都重英輕中;祖國呢幾年發展得快我們先發現原來學普通話都好重要,不過功利主義作崇,都係覺得有助工作先至去學…
      好似我自己讀日文,唔太熟的同事知道後都問我係咪想去日本公司做(熟的就知我係為哈日…哈哈),為興趣唔得咩?﹗

      6th Dec 2006 09:36 AM

      刪除
  4. 更甚者有人以不懂中文為榮
    其實我果陣去到三藩市, 老的嫩的, 你見到佢識講中文, 就算你開口用英文交談, 佢都會嘗試用中文同你傾偈
    香港咁好環境都唔學好中文, 好浪費

    4th Dec 2006 15:38 PM

    回覆刪除
    回覆
    1. 我看《星期日檔案》中文熱既美國篇,裏面有講雖然以家最多人學既外語並唔系中文,但中文系報學人數增長最快既外語,可想而知當地人對中文的熱愛程度。

      4th Dec 2006 20:20 PM

      刪除
    2. 我去到加拿中見到我D 十歲八歲在那邊出生的表弟/妹我都只係會用廣東話同佢地講野(雖然佢地同我講野係用英文...~_~")

      在學校學的普通話大概是基本的拼音和發音. 現在自己的普通話主要還是慢慢的跟內地同事學...偏偏自己不太喜歡說話, 慢慢的就變成了聽力還可以(內地人之間用普通話交談也聽得明白), 但說的話就不太可以了....

      4th Dec 2006 23:45 PM

      刪除
    3. re:blue

      遇到呢啲人我越會同佢講中文﹗
      最怕有些人英文又唔係流利,又要扮外國人腔講啲失禮死人的英文…真係滴晒汗

      有時搭車無聊望吓巴士上中英對照的乘客守則都會學到野,香港街頭到處都係中英文,要學真係唔難,係有無心囉

      5th Dec 2006 12:21 PM

      刪除
    4. re:田中小百合

      見人家如此落力學中文,對比咱們對自家文化/語言的態度真係汗顏
      無論如何,為工作好為興趣好,學多樣野無壞丫~

      5th Dec 2006 12:28 PM

      刪除
    5. 呀補充, 我講緊果d係唐人...基本上果度廣東話係通行o既, 你見到d人個樣似識廣東話, 咁果個人99%都係識架
      不過我想講o既係人地o係外國長大都會學中文, 有機會講廣東話人地都會講囉, 點解o的人身處香港都要扮唔識中文呢? 好無聊

      5th Dec 2006 14:49 PM

      刪除
    6. re:yan

      美加長大的小朋友學校朋友多數都係用英文,而父母又唔同佢地講中文的話,佢地真係無咩機會講既…
      我小學4年班到6年班學了兩年,升上中學後無普通話堂關係拼音完全比返先生了。好在中學時喜歡聽歌,中港台都聽得一餐,聽聽埋埋唔少台灣歌手歌曲,當年又成日唱k,唱得多都算講得吓,不過就唔正宗,同埋偏南方腔,去北京時當地人唔係好聽得明我講咩,反而去台灣就ok…

      6th Dec 2006 09:40 AM

      刪除
    7. re:blue

      哈哈,我都係講緊唐人~~放心
      黃皮白心唔識欣賞和尊重自己文化,算把啦呢種人,尤得佢扮外國人滿足自己把啦

      6th Dec 2006 10:12 AM

      刪除
  5. 不過我0的國語真的好唔掂啦..

    4th Dec 2006 19:34 PM

    回覆刪除
    回覆
    1. 我自小學後都無學過普通話,基本上係聽國語歌(台灣的~)學,所以廣東腔得可以。
      去北京要開口講真係滴晒汗,我聽唔明佢啲北方腔佢又聽唔我的南方腔。入u後上過個course惡補吓叫做好啲啦

      5th Dec 2006 12:23 PM

      刪除
  6. 其實我都覺得我們生在香港已經好好,起碼我們英文差極都會寫到同講到,中文差到點都會看得明報紙上的文字.
    有了中文底,我們比他們學國語已經是容易得多.

    5th Dec 2006 03:53 AM

    回覆刪除
    回覆
    1. 學語文要多聽多講,香港中英文並用,到處都係練習和學野的機會。最遺憾係當年怕瘀唔咁開口講多啲英文,導致oral極爛,係呢年跟住個外國人老細日日講先叫正常啲…哈哈
      而家中文報紙的水準…真替現下學生一代擔心…

      6th Dec 2006 09:44 AM

      刪除
  7. 「我等以廣東話為母語的小兒寫了廿幾年中文還未攪得懂所有中文字」

    沒搞錯的話,康熙字典收字數是十五萬字,這個十五萬嘛,大概相當於莎士比亞(還是Dickens?忘了)所有作品中出現過的英文字的字量... ...

    不過實際上,三千幾個中文常用字,就涵蓋了97%(好像吧)的現代用字。

    至於那篇「漢字的結構」,講假借個部份厄人人得好過份~


    5th Dec 2006 04:15 AM

    回覆刪除
    回覆
    1. 三千幾個…嘩…
      自已寫寫吓字時有時無啦啦忽發奇想,究竟古人點解會諗到咁樣造個字出呢,個「笑」字我真係覺得似個笑緊既人樣,中文字真係幾奇妙…
      「漢字的結構」,我已全部唔記得晒,係上網搵資料睇番先記得…哈哈

      6th Dec 2006 09:47 AM

      刪除
  8. 兩頭 ( 其實 e+ 要改口講三頭囉, 廣國英丫嘛 ) 唔到岸真係好悲哀, 但係淨係學中文一樣係唔得...



    5th Dec 2006 08:49 AM

    回覆刪除
    回覆
    1. 有時我會諗係而家學生兼顧的野太多,唔得閒讀好啲書;是教育制度的問題;還是其他…
      老爸的一代雖然只讀到小學,英文只懂皮毛(他說當年係中學先開始讀的說),但中文卻極厲害,寫得一手秀麗字體之餘出口成文,唔講真係唔知只讀到小學。本人這一代已沒有因為屋企無錢而無書讀這問題,語文水準反而低過上一輩。到現下的一輩…唉…
      點算呀…

      6th Dec 2006 09:53 AM

      刪除
  9. 中文漸成國際語言,13億人口加上經濟崛起,為中文提供了強大的市場。那天工作不愉快索性出國當外教,邊旅遊邊賺外匯,你說多寫意。

    5th Dec 2006 11:49 AM

    回覆刪除
    回覆
    1. 呢個真係好呀,好似外國人邊旅行邊賣唱賺吓生活費,真係諗起都開心啊﹗

      6th Dec 2006 10:09 AM

      刪除
  10. 我想我除了幸福還幸運吧,這兩文三語都非常可以(沒法子,畢竟靠這維生)!

    其實廣東話,說時認真點便很少有懶音了。

    普通話吧,小香港一點、大中國一點,練習機會處處,沒有想像中的難。(這個出自我口一定不公平!)

    英語,到了今時今日,聽講讀寫滿網都是。套忘了哪個女星的名句「世界上沒有不漂亮的女人,只有懶女人」,我說:「世界上沒有難學的語言,只有懶學生」。

    日常用的,一千幾百句而已,幾十元買本常用x語已夠用有餘,一天十句,真的三個月完成。

    6th Dec 2006 13:40 PM

    回覆刪除
    回覆
    1. 香港獨特的歷史背景,造就我們學中文又英文,現下中文又越來越重要,真係幾幸運架~
      而家啲人唔止講廣東話懶,連打字都懶,成日見到啲人專登用同音異字,我就呢唔識睇時下年輕人的xanga…
      中學無普通話課的關係我係聽台灣歌手歌曲學的說,當年在台灣說起來人家聽得明真係好開心﹗哈哈
      學語文,懶真係好大件事﹗

      7th Dec 2006 12:15 PM

      刪除
  11. HI!都好好!

    15th Jun 2007 14:49 PM

    回覆刪除
    回覆
    1. 咦…copy完過嚟…先覺得呢個應該係spam囉…好低能…

      刪除

要講幾句嗎?﹗XD